అబ్బో నిమ్మతో వంటగది ప్రయోజనాలు కూడా ఎక్కువే.!

కూరగాయలు తరిగే బోర్డు: ఎక్కువగా వాడటం వల్ల చాపింగ్ బోర్డ్ నల్లగా అయి రంగు కోల్పోయి ఉంటాయి.చబద్ హోమ్మేకింగ్ వారి ప్రకారం చాపింగ్ బోర్డుని నిమ్మరసంతో కనుక శుభ్రపరిస్తే మరలా తెల్లబడుతుంది.

ఇత్తడి: నిమ్మకాయని సగానికి కోసి దాని మీద కాస్త కోషర్ ఉప్పు ని చల్లండి. ఈ చెక్కతో ఇత్తడి లేదా రాగి సామానులని రుద్దండి. ఈ సహజ క్లీనింగ్ ఏజెంటు ఇత్తడి, రాగి వస్తువులకి పూర్వపు మెరుపు తెస్తుంది.

తుప్పు మరకలు: నిమ్మరసంలో ఉప్పు కలిపి ఈ రసాన్ని తుప్పు మరకల మీద పూయండి. ఆ పూత ని కాసేపు అలాగే ఉండనిచ్చి ఆ తరువాత కడిగెయ్యండి.తుప్పు మరక తీవ్రతని బట్టి ఈ రసాన్ని మరలా పూయవచ్చు.

పళ్ళు మరియు కూరగాయలు: ఈ మధ్య కాలం లో పుచ్చకాయ జాతి పళ్ళు ఆహారం ద్వారా వ్యాపించే వ్యాధులకి కారకాలుగా గుర్తించారు. కొలొరాడో రాష్ట్ర యూనివెర్సిటీ నిపుణుల ప్రకారం మీరు తినే పదార్ధాలలో ఈ కోలీ బ్యాక్టీరియా నిర్మూలించాలంటే నిమ్మరసం కలిపిన నీటితో కుళాయి కింద పళ్ళు కూరగాయలని కడగాలి.

కిటికీలు: అవును కిటికీలని కూడా నిమ్మకాయతో శుభ్రపరచవచ్చు. కాస్త తెల్ల వినిగర్ ని పావు కప్పు గోరు వెచ్చటి నీటిలో కలపండి. దీనికి పావుకప్పు నిమ్మరసం చేర్చాలి. ఈ ద్రవం వంటగది కిటికీ మీద పడ్డ నూనె మరకలని కూడా శుభ్ర పరిచేంత గాఢత కలిగి ఉంటుంది.

గ్లాసు డోర్లు: గ్లాస్ డోర్లని శుభ్రపరచడానికి కూడా సహజ క్లీనింగ్ ఏజెంటు అయిన నిమ్మరసం ఉపయోగపడుతుంది.గ్లాసు డోర్ మెరుపు కోల్పోయినట్లనిపిస్తే ఒక నిమ్మకాయ ని సగానికి కోసి ఆ ముక్క తో గ్లాస్ డోర్ ని రుద్దండి.లేదా నిమ్మ రసానికి కాసిని నీళ్ళు కలిపి స్ప్రే బాటిల్ లో పోసి డోర్ మీద ఆ ద్రవం స్ప్రే చేసి కాసెపు అలా ఉండనివ్వండీ. అరగంట తరువాత గ్లాస్ డోర్ ని మరలా ఈ ద్రవం తో తడిపి తడి స్పాంజ్ తో తుడిచెయ్యండి.

మరుగుదొడ్లు: నిమ్మరసం బేకింగ్ సోడా కలిపి బాత్రూంని శూభ్రం చేస్తే మీ ఇల్లు మెరవడం ఖాయం. ఈ రెండింటినీ కలిపి టాయ్లెట్ బౌల్ మీద పూసి వదిలెయ్యండి. కాసేపాగి వచ్చి టాయిలెట్ బౌల్ లోపల బ్రష్ తో రుద్దితే శుభ్రపడినట్లే.

టప్పర్ వేర్: కాస్త బేకింగ్ సోడాని టప్పర్ వేర్ లో వేసి అర నిమ్మ చెక్క రసంతో టప్పర్ వేర్ సామాగ్రి లోపలా బయటా రుద్దండి.టప్ప్ర్ వేర్ మరలా పూర్వ వైభవం సంతరించుకునే అవకాశాలున్నాయి.

ఫర్నీచర్: నూనే నిమ్మరసం సమ పాళ్ళలో తీసుకుని ఫర్నీచర్ ని రుద్దండి. నేషనల్ ఎన్విరాన్మెంటల్ సర్వీసెస్ సెంటర్ ప్రకారం కాస్త మినరల్ ఆయిల్ లో నిమ్మరసం కలిపి కూడా ఫర్నీచర్ ని శుభ్రపరచవచ్చు. ఇంకా బాగా శుభ్రం చెయ్యాలంటే ఈ ద్రవాన్ని స్ప్రే బాటిల్ ల్లో పోసి ఫర్నీచర్ మీద చల్లండి. ఆ తరువాత పాలిష్ ఏస్తే సరి.

స్టవ్ మీద పడ్డ నూనె మరకలు: బేకింగ్ సోడా లో కాస్త నిమ్మరసం వేసి పేస్ట్ లా చెయ్యండి. నూనే మరకలు పడ్డ చోట ఈ పేస్టు ని పూసి కాసేపు అలా ఉండనీండి. 15 నిమిషాల తరువాత దీనిని తడి స్పాంజ్ తో తుడిచెయ్యండి