పాత ఫర్నీచర్ కి కొత్త లుక్ ని అందించే మార్గాలు

1. స్క్రాచెస్ ను కవర్ చేయండి:

పాత వుడెన్ ఫర్నీచర్ పై స్క్రాచెస్ ఏర్పడటం సహజం. ఇప్పుడు ఈ ఫర్నిచర్ ను కొత్తగా మార్చడమెలా? డార్క్ వుడెన్ ఫర్నీచర్ లోని స్క్రాచెస్ ను కాఫీ గ్రౌండ్ తో కవర్ చేయండి.

పది నిమిషాలపాటు వేచి ఉండి ఆ తరువాత పొడిగా ఉన్న మృదువైన వస్త్రంతో తుడవండి. చిన్నపాటి స్క్రాచెస్ పై వాల్నట్ గ్రౌండ్ ను అప్లై చేయండి.

2. పెయింట్ చేయండి:

ఫర్నీచర్ యాంటిక్ గా కనిపించాలంటే ఈ చిట్కాను పాటించాలి. కుర్చీలకు అలాగే టేబుల్స్ కు ట్రెడిషనల్ లుక్ ను అందించాలంటే కాస్తంత బ్రౌన్ షేడ్స్ ను అప్లై చేయండి. ఇలా కలర్స్ ని అప్లై చేయడం వలన వాతావరణ మార్పుల ప్రభావం ఫర్నీచర్ పై పడదు.

3. మరకలను తొలగించండి:

కాఫీ మరకలు, చాకొలేట్ లేదా ఏ ఇతర మరకలనైనా వుడెన్ ఫర్నీచర్ నుంచి తొలగించడం కష్టం. కేనోలా ఆయిల్ మరియు వినేగార్ ని కలిపి మరకలను తొలగించవచ్చు. పావు టీస్పూన్ ఆయిల్ లో ముప్పావు కప్పుడు వినేగార్ ను కలిపి ఈ సొల్యూషన్ ను కాటన్ క్లాత్ తో తీసుకుని మరకలపై రుద్దాలి. కొన్ని నిమిషాల తరువాత మీరు మార్పును గమనిస్తారు.

4. వైట్ పెయింట్:

మీ కర్టెన్స్ డార్క్ కలర్ లో ఉంటే, పాత ఫర్నీచర్ ను వైట్ కలర్ తో పెయింట్ చేయడం ద్వారా రూమ్ కి యాంటిక్ లుక్ ని అందించవచ్చు. క్లాసీ లుక్ తో పాటు కలర్స్ ని బాలన్స్ చేయడం ద్వారా ఎలిగెంట్ లుక్ సొంతమవుతుంది.

5. క్రాక్స్ ను తొలగించండి:

మీ ఫర్నీచర్ పై క్రాక్స్ ఉండి వార్నిష్ వలన ఎటువంటి ప్రయోజనం కలగకపోతే ఈ పరిష్కారాన్ని ప్రయత్నించండి. వార్నిష్ లో కొంత నెయిల్ పాలిష్ ను కలపండి. దీనిని స్క్రాచెస్ ఉన్న ఏరియాపై అప్లై చేయండి. పదినిమిషాలు ఆగండి. ఎండిపోయిన తరువాత ఆ ఏరియాపై సాండ్ పేపర్ తో రబ్ చేస్తే స్మూత్ ఫినిష్ వస్తుంది.

6. వాల్ పేపర్స్ ని వాడండి:

ఇంటిని హౌస్ పార్టీకోసం అలంకరిస్తున్నప్పుడు ఆఖరి నిమిషంలో పాత ఫర్నీచర్ గురించి గుర్తుకువచ్చినప్పుడు వాల్ పేపర్స్ ని వాడండి. మీ హోమ్ డెకార్ అవసరాలకు అనుగుణంగా మంచి మంచి వాల్ పేపర్స్ ను ఎంచుకుని వాటితో ఫర్నీచర్ ను కవర్ చేయండి.

7. బ్లీచ్ ను ఉపయోగించండి:

మీ దగ్గర అందమైన ప్లాస్టిక్ గార్డెన్ చైర్స్ ఉన్నాయి. అయితే, వాటికి డేమేజ్ అవకుండా ఎలా సంరక్షించాలో మీకు తెలియడం లేదు. వీటిని వదిలించుకునేముందు ఈ ట్రిక్ ను పాటించండి. ఒక బకెట్ నిండా హాట్ వాటర్ ని తీసుకుని అందులో పావు కప్పుడు బ్లీచింగ్ ను వేయండి. స్క్రబ్ చేసి పొడివస్త్రంతో తుడవండి. నిమిషాల్లోనే మీరు ఆశించిన మార్పును గుర్తిస్తారు.

8. చింతపండు:

ప్రతి ఇంట్లోనూ కచ్చితంగా ట్రాఫీలు అలాగే బ్రాస్ మెడల్స్, సిల్వర్ లేదా బ్రాన్జ్ మెడల్స్ ఉంటాయి. కాలం గడిచే కొద్దీ వీటిపై దుమ్మూ ధూళి పేరుకుని ఉంటుంది. అలాగే, వాతావరణ మార్పుల వలన ప్యాచెస్ కూడా ఏర్పడతాయి. వాటిని చింతపండుతో తోమి ఆ తరువాత నీటితో శుభ్రపరచాలి. పొడివస్త్రంతో తడిని తుడిచేయాలి. ఇలా చేస్తే, అవి మళ్ళీ గత వైభవాన్ని చాటేందుకు సిద్ధంగా ఉంటాయి.

9. స్టీల్ గొప్పతనాన్ని గుర్తించండి:

వుడ్స్ పైనే మీరు కాన్సెన్ట్రేట్ చేసి మిగతా ఫర్నీచర్ పై ఫోకస్ పెట్టకపోతే లుక్ అంతా పోతుంది. వాష్ బేసిన్ వంటివి స్టీల్ తో తయారవుతాయి. వాటిపైన వాటర్ మార్క్స్, సబ్బు మరకల వంటివి ఏర్పడతాయి. వీటిని హెయిర్ కండిషనర్ తో రబ్ చేసి సులభంగా శుభ్రం చేసుకోవచ్చు. అప్పుడవి ఎప్పట్లాగే షైనీగా ఉంటాయి.

10. పిల్లోస్ పై దృష్టి పెట్టండి:

పాత ఫర్నీచర్ ను కొత్తగా మార్చాలని భావిస్తున్నప్పుడు కేవలం వుడెన్ ఫర్నీచర్ పైనే దృష్టి పెడతాము. సోఫాస్ అలాగే పరుపులపై ఉండే పిల్లోస్ ను ఇగ్నోర్ చేస్తాము. ఎక్కువకాలం వాడటం వలన వాటి అందం కోల్పోతుంది. కాబట్టి, పిల్లో కవర్స్ ని కొత్తవి తీసుకోవడం అలాగే పిల్లోస్ లో స్టఫింగ్ అవసరమేమో తెలుసుకోవడం ద్వారా మళ్ళీ వాటి లుక్ ను మెరుగ్గా చేయవచ్చు.

1. రాగికి లెమన్ రెమెడీ

కాపర్ లైనింగ్స్ తో పాత మిర్రర్ మీ ఇంట్లో ఉందా? లేదా కాపర్ ఫ్రేమ్ కలిగిన పెయింటింగ్స్ ఉన్నాయా? అయితే, వాటిలోని మెరుపును అందించేందుకు మీరు కొంత జాగ్రత్త తీసుకోవాలి. అర టీస్పూన్ నిమ్మరసాన్ని తీసుకుని అందులో రెండు స్పూన్ల బేకింగ్ సోడాను కలపాలి. ఈ మిశ్రమంతో కాపర్ ని రబ్ చేసి ఆ తరువాత పొడి వస్త్రంతో వైప్ చేస్తే మ్యాజిక్ ను మీరే గమనించగలుగుతారు.