పెంపుడు జంతువులవలన ప్రయోజనాలెన్నో!

By B N Sharma

Published: Wednesday, October 12, 2011, 9:41 [IST]

లండన్: కుటుంబ సభ్యులు గాఢ నిద్రలో వుండగా, ఉదయం వేళ షుమారు 6.30 గంటలకు ఇంటిలో పొగరావడం, ఆపై మంటలు చెలరేగటం జరిగింది. పొగ వస్తున్న సమయంలోనే ఇంటిలోని పెంపుడు చిలుక కంగారుపడి గోంతెత్తి కేకలు పెట్టడంతో సభ్యులు మేల్కొని, పక్కనే వున్న చిలుక పంజరాన్ని తీసుకుని బయటకు పరుగు పెట్టారు. ఇల్లు చాలా వరకు తగులబడింది. కాని కుటుంబ సభ్యులు మంటలనుండి తప్పించుకోగలిగారు.

సభ్యులందరూ పొగ కారణంగా ఉక్కిరి బిక్కిరై కొద్దిపాటి అస్వస్ధతలతో బయటపడి చావునుండి తప్పించుకోగలిగారు. మొదట్లో చిలుక కేకలకు వారు ఎంతో కోపగించుకునేవారని, ఈ సంఘటన జరిగిన తర్వాత అది అరచినప్పటికి వారికి కోపం రావటంలేదని, అది వారిని రక్షించిందని, పెంపుడు చిలుకలు ప్రాణాలు కూడా రక్షిస్తాయని అది నిరూపించిందని యజమాని చెపుతున్నట్లు ఒక స్ధానికి వార్తా పత్రిక వెల్లడించింది.

పెంపుడు చిలుక బాబ్ తమ ప్రాణాలను రక్షించినందుకు బహుమానంగా దానికి జతగా మరో మగ చిలుకను వెతుకుతున్నట్లుగా కూడా యజమాని తెలిపారు. అంతేకాదు, చిలుకకు కొన్ని కొత్త బొమ్మలు, ఒక ఊయల, ఒక గంట, ఒక అద్దం వంటివి కూడా బహుమానంగా ఇచ్చాడట ఆ చిలుక యజమాని.