అందాల మహిళలు మెచ్చే... ముచ్చటైన సందడి!

By B N Sharma

Published: Thursday, November 3, 2011, 11:33 [IST]

కుక్కలు ఇంటిలో ముచ్చటగా వుంటాయి. అందునా ఆడకుక్క అయితే మరింత ఆకర్షణీయం. ఇంటిలో ఎప్పుడూ వుండే వీటితో ఎక్కువగా మహిళలే కాలక్షేపం చేస్తారు. కనుక ఆడకుక్క ఇంటి యజమానురాలికి మంచి టైమ్ పాస్. మహిళలు మెయిన్టెయిన్ చేయగల కొన్ని కుక్క జాతులను పరిశీలిద్దాం.

చిహుహుఆ - దీనినే ఛీ అని కూడా అంటారు. అతి చిన్నగా వుండే ఈ కుక్కను సాకటం లేదా ఎక్కడికైనా తీసుకెళ్ళటం చాలా తేలిక. 6 నుండి 9 అంగుళాల పొవుండి సుమారు 2 నుండి 4 పౌండ్ల బరువుంటుంది. చాలాకాలం అంటే సుమారు 18 ఏళ్ళవరకు కూడా బతుకుతుంది. ఇంటిలో మంచి జతగా వుండాలంటే చించుహుఆ మంచి ఆడకుక్క.

పొమేరేనియన్- ఇంటిలో ఆడకుక్కగా ఈ జాతి కుక్క బాగుంటుంది. అయితే, సంవత్సరమంతా ఇంటిలో బొచ్చు విదిలిస్తూనే వుంటుంది. సాధారణంగా ఇది ప్రతి డాగ్ లవర్ ఇంటా మెడలో బెల్టుతో ముచ్చటగా కనపడుతూనే వుంటుంది. ఎంతో అందంగా వుండి ఇంటిలో సందడి చేస్తూంటుంది. గట్టిగా కేకలేస్తేచాలు పరుగుపెడుతుంది.

పెకెంజీస్ - 6 నుండి 9 అంగుళాల పొడవు, 8 నుండి 10 పౌండ్ల బరువుతో ఇది చాలా తెలివైన కుక్క. కానీ మూడీగా వుంటుంది. ఆకారం సింహాన్నపోలివుంటుంది. జీవితకాలం 15 సంవత్సరాలు. ఒకప్పుడు చైనా దేశానికే పరిమితమైన ఈ కుక్క నేడు ప్రపంచవ్యాప్తంగా వుంది. కాని వేడి వాతావరణం దీనికి సరిపడదు.

పూడుల్ - చిన్ని బొచ్చు కుక్క. వివిధ రంగుల్లో అంటే...తెలుపు, నలుపు, బ్లూ, గ్రే, సిల్వర్, బ్రౌన్, అప్రికాట్, రెడ్, క్రీమ్ రంగుల్లో లభిస్తుంది. మహిళలు సాకటానికి ఎంతో సులువైనది.

బేసెట్ హౌండ్ - ఇవి కూడా చిన్న సైజు కుక్కలే. పొట్టికాళ్ళతో రెండు రంగుల శరీరంతో ఆకర్షణీయంగా వుంటుంది. నలుపు లేదా బ్రౌన్ రంగుల్లో సాధారణంగా దొరుకుతూంటుంది.

ఈ అయిదు రకాల ఆడకుక్కలను ఇంటి మహిళలు చాలా సులభంగా, ఆనందంగా పెంచవచ్చు.