వయసు పైబడిన మానవుడి నేస్తం!

By B N Sharma

Published: Tuesday, October 4, 2011, 12:01 [IST]

చర్మం వేలాడుతుంది, వినికిడి పోతుంది, దృష్టి మందగిస్తుంది. చర్మం మంటపెడుతుంది, నిద్ర అధికం- ఈ లక్షణాలన్ని మీరు అమితంగా ప్రేమించే వయసైన పెంపుడు కుక్క అసౌకర్యాలు. కుక్కలకు ముసలివయసు రావటానికి ఒక వయసంటూ లేదు. వాటికిగల లక్షణాలు చూసి వయసు మీరు నిర్ణయించాల్సిందే.

మోర: కుక్క మోర (ముఖంలోని భాగం) పరిశీలించండి. దీని చుట్టూతా తెల్లగా కనపడుతుంది.
వినికిడి: దానిని పిలవండి మీ పిలుపుకు అది స్పందించకపోతే వినికిడి సమస్య అని గ్రహించండి. మీరు ఒక్కసారి ఇంటిలో ప్రవేశిస్తే అది ఆందోళన చెందుతుంది.
నిదానం: గతంలోలాగా అది జంప్ చేయలేదు. మెట్లు దిగాలంటే మెల్లిగా దిగుతుంది. పెద్ద కుక్కలకు కీళ్ళనొప్పులు వస్తాయి. వెటరినరీ వైద్యుని సంప్రదించండి.
నీలంరంగు కళ్ళు: కుక్క కళ్ళలో నీలిరంగు కనుగుడ్డు ఏర్పడుతుంది. కుక్కలకు వయసు పైబడుతుంటే ఇది ఒక సహజమార్పు. అయితే, కాటారాక్ట్ అనుకోకండి. కాటారాక్ట్ తెల్లగా వుంటుంది.
కండరాలు సడలుతాయి: పొట్ట భాగంలోలేదా వెనుక కాళ్ళలో కల కండరాలు సడలుతాయి.
దంతాలు: లాలాజలం అధికమవుతుంది. చిగుళ్ళు, దంతాలు లూజు అవుతాయి, శ్వాస వాసన వస్తుంది.
ఇతరాలు: తరచుగా మూత్రం పోస్తుంది. దాహం అంటుంది. బరువు తగ్గుతుంది శ్వాస సమస్యలు వస్తాయి. చర్మంపై గడ్డలు వచ్చే అవకాశం వుంది.

వీటన్నిటికి పరిష్కారంగా మీరు దిగువ చిట్కాలు పాటించండి.....
1. మీ పెంపుడు కుక్కను ఆరునెలలకొకసారి వైద్యుడికి చూపండి.
2. ఆహారం మార్పు చేయండి. తేలికగా అరిగే పదార్ధాలు పెట్టండి. తక్కువగా ఎక్కువసార్లు తినిపించండి.
3. బెడ్ మార్చండి. కీళ్లకు హాయిగా వుండేలా మెత్తటి బెడ్ ఏర్పరచండి. నిశ్శబ్దంగా వుండే ప్రదేశానికి దాని పడక మార్చండి.
4. బెడ్ వద్ద తాగేటందుకు కావలసినంత నీరు పెట్టండి.
5. వారానికోసారి బొచ్చు దువ్వటం కాలి గోళ్ళు కత్తిరించడం చేయండి. రెగ్యులర్ వాక్ చేయించాలి.
6. ఇంటిలోని సభ్యులకు దాని అసౌకర్యాలు తెలుపండి. దానిని వారు బాగా చూసుకునేలా చేయండి.

వయసు పైబడ్డ పెంపుడు కుక్కలను బహు జాగ్రత్తగా సాకాలి. మీరు ఎంతబాగా ప్రేమిస్తే దాని ముసలివయసు అంత బాగా ఆనందిస్తుంది. వైద్యుడి సలహా, కుటుంబసభ్యుల జాగ్రత్తలు వీటికి ఎంతో ఊరటనివ్వగలవు.

Comments

Story first published: Tuesday, October 4, 2011, 12:01 [IST]

Latest Updates

Care For Your Aging Dog's Health | ముసలి కుక్క ఆరోగ్య జాగ్రత్తలు!