మానవ సంబంధాలలో ఒకటిగా....!

Pet Care

oi-Nageswara

By B N Sharma

Published: Wednesday, November 30, 2011, 15:11 [IST]

నేటి రోజుల్లో కుక్కలు మానవులకు ప్రేమించదగిన చిన్నపాటి జీవులే కాదు...అవి ఇళ్ళల్లో భాగస్వాములుగా, పిల్లలుగా, తోడబుట్టినవారిగా, ఆప్త మిత్రులుగా చెలామణి అయిపోతున్నాయి. వారినుండి ఆస్తులను సైతం పొందుతున్నాయి. చివరకు తాము పెంచిన కుక్కలను బాగా చూసుకుంటేనే తమ ఆస్తిపాస్తులు దక్కుతాయనే షరతులతో కొంతమంది ధనికులు తమ వారసులకు తెలియజేస్తున్నారు. ఇండ్లలో ఎంతమంది వున్నప్పటికి మరణశయ్యపై తమ పెంపుడు కుక్కలను కూడా విచారిస్తున్నారు.

ఇంటిలో కుక్క వుంటే, దానినుండి ఏ రకమైన ఆశించటం లేకుండా ఎంతో ప్రేమ పొందవచ్చని మానసిక శాస్త్ర వేత్తలు సైతం సలహాలనిస్తున్నారు. ప్రేమ కొరకు మానవులపై ఆధారపడేకంటే, ఏమిచ్చినా ? ఏమివ్వకున్నా? అనుక్షణం పక్కన వుండి తన ప్రేమను తెలిపే పెంపుడు కుక్కలు మనిషికి ఏ క్షణంలోనైనా మంచి ఓదార్పు కాగలదని వీరు తెలుపుతున్నారు.

పిల్లలు లేని జంటలకు, నాలుగు కాళ్ళ పెంపుడు జీవాలే పిల్లలుగాను, భాగస్వామిలేని వ్యక్తులకు ఈ జీవాలే భాగస్వాములుగాను కూడా నానాటికి సమాజంలో పెరిగిపోతోంది. మానవ సంబంధాలలో భర్తీ చేయలేనివి ఏవైనా వుంటే, వాటిని మీరు అమితంగా ప్రేమించే కుక్కలు భర్తీచేస్తున్నాయంటున్నారు కుక్కల ప్రేమికులు. కుక్క సగటు జీవితం 15 నుండి 16 సంవత్సరాలు మాత్రమే. కాని అది జీవించినన్నాళ్ళయినా సరే కుటుంబంలో మంచి ఆదరణ పొంది అందరిని ప్రేమిస్తుంది.

ఇక తాజాగా, ప్రతివారూ తమ కుక్కలకు మననుషుల పేర్లు పెట్టుకోవడం, పిల్లలకు వేసే డ్రస్ లే వేయడం, కళ్ళద్దాలు పెట్టడం, వాటికొరకు ఆరోమా ధిరపీలు, స్పా లలో వినోదాలు, రిసార్టులు ఎన్నో సౌకర్యాలను ఏర్పరుస్తున్నారు. నిజంగా, కుక్కకు కూడా లేని ప్రేమ దానిపట్ల ఎంతో ఆదరణ చూపుతున్న మనిషికి వుందని చెప్పవచ్చు.