కుక్కలకు వచ్చే చలికాల సమస్యలు!

Pet Care

oi-Nageswara

By B N Sharma

Published: Saturday, October 8, 2011, 16:16 [IST]

చలికాలం వచ్చేసింది. ఇంటి పెంపుడు కుక్కల ప్రవర్తనలో మార్పు వచ్చేస్తుంది. వాటికి అనేక రకాల ఆరోగ్య సమస్యలు వస్తాయి. కనుక వాటి సమస్యలు చలికాలంలో ఎలా వుంటాయో తెలుసుకుని తగిన రీతిలో వాటికి పరిష్కారాన్ని చూపుదాం! మనకు చేతనైనంతరీతిలో వాటిని సమస్యలనుండి రక్షిద్దాం! పెంపుడు కుక్కలకు చలికాలంలో ఆచరించాల్సిన కొన్ని చిట్కాలు చూడండి.

వింటర్ అలర్జీలు: చలికాలం వచ్చిందంటే, ఇళ్ళలో సాధారణంగా గాలి చొరని రీతిలో తలుపులు వేసేస్తాం. కుక్కలు చాలా భాగం ఇంట్లోనే వుంటాయి. కనుక వాటికి అలర్జీలు వచ్చే అవకాశం వుంది. శుభ్రంగా వున్న ఇల్లు తక్కువ తేమతో వుంటే కుక్కలకు చర్మ సంబంధిత వ్యాధులు రావు. రెడ్ స్కిన్, కాళ్ళలో దురద, పొట్ట, కాళ్ళు మంటలు మొదలైనవి కుక్కలకు చర్మ వ్యాధులు వచ్చాయని చెపుతాయి. ఇది పొడి చర్మం వలన వస్తాయి. దీనికి పరిష్కారంగా బయోటిన్ వాడాలి. మందులు వాడేముందు వెటరినరీ వైద్యుడిని సంప్రదించండి.

బొచ్చు రాలటం: బొచ్చు రాలకుండా దానిని కత్తిరించండి. ప్రత్యేకించి కాలి పాదాలకు, గోళ్ళ వద్ద కత్తిరించాలి. దానితో అక్కడ మురికి, క్రిములు చేరకుంటా వుంటాయి.

కీళ్ళనొప్పులు: చలికాలంలో కుక్కలకు కీళ్ళనొప్పులు సహజంగా వస్తాయి. వీటిని ఎముకలు విరగకుండా చూడాలి. లేదంటే సమస్య అవుతుంది. అధిక బరువున్న కుక్కలు కూడా కీళ్ళనొప్పులతో బాధపడతాయి. ఈ చలికాల ఆరోగ్య సమస్యకు పరిష్కారం వాటిని బాగా నడిపించి వ్యాయామం చేయించటం.

హైపోధెర్మియా: కుక్కలకు ఈ కాలంలో శరీర ఉష్ణోగ్రత తగ్గుతుంది. ఇది వాటిలో జ్వరం లేదా జలుబు వచ్చేలా చేస్తుంది. కుక్కను వేడి ప్రదేశంలో వుంచండి. దానికి ఒక కోటు లేదా మందపాటి గుడ్డ కప్పండి. సమస్య తీవ్రంగా వుంటే, చల్లదనానికి దూరం వుంచటమే కాక, వైద్యడి వద్దకు కూడా తీసుకు వెళ్ళాలి.

వేడినీరు తాగించండి: చలికాలంలో కుక్కలకు వీలైనంతవరకు అది తాగినపుడల్లా కొద్దిపాటి వేడికల నీరు తాగించాలి. దీనితో వాటికి జలుబు, దగ్గు, జ్వరం మొదలైన చిన్నపాటి వ్యాధులు రాకుండా కరూడా వుంటాయి.

చలికాలంలో తగిన జాగ్రత్తలు తీసుకుంటే కుక్కలకు సాధారణంగా వచ్చే ఆరోగ్య సమస్యలు రావు.