వ్యక్తులపై పెంపుడు కుక్కల ఇష్టాలు!

Pet Care

oi-Nageswara Sharma

By B N Sharma

Published: Tuesday, September 13, 2011, 12:36 [IST]

పెంపుడు కుక్కలు వాటి సాధారణ పనులలోనే కాదు, గమనిస్తే వాటి తెలివి తేటలు మరింత అధికంగా వుంటాయని కూడా చెప్పవచ్చు. పెంపుడు కుక్క కుటుంబంలోని సభ్యులలో కొద్దిమందిని బాగా ఇష్టపడుతుంది. మరి కొందరిని సాధారణంగా వదిలేస్తుంది. సాధారణంగా మనిషికి మంచి మిత్రుడు కుక్క అని చెప్పుకుంటాం. కుక్కలు తమ యజమాని చనిపోతే విచారం వెలిబుచ్చిన సందర్భాలు కూడా వున్నాయి. కాని కొన్ని జాతుల కుక్కలు కుటుంబంలో కొంతమంది సభ్యులను ఇష్టపడుతూంటాయి. దానికిగాను శిక్షణ నివ్వాల్సిన పని లేదు. మనుషులవలెనే వాటికి ఇష్టం అయిష్టం వుంటాయి. ఏ జాతి కుక్క ఎవరికి అధికంగా విశ్వాసం చూపుతుందనేది, మనం కుక్కలను ఎంపిక చేసేటపుడు ఏ జాతి కుక్కను ఎంపిక చేయాలనేది పరిశీలిద్దాం.

1. కుటుంబ కుక్క: కుటుంబంలో ఒక సభ్యుడుగా వుంటూ కలసి జీవించటం, తినటం నిద్రపోవటం, చనిపోతే విచారం వెలిబుచ్చటం వంటివి చేయాలా? దీనికిగాను లేబ్ రేడర్స్, బాక్సర్స్, గోల్డెన్ రిట్రీవర్స్ లేదా డాల్మాటిసన్స్ వంటివాటిని పెంచండి. ఇవి మీ పిల్లతో ఆడతాయి. మీ భార్యకు వస్తువులు తెచ్చిస్తాయి, యజమానిని విష్ చేస్తాయి. ప్రతిఫలంగా మీ ప్రేమ తప్పించి ఏమీ కోరవు. అంతేకాదు ఇంటిలోకి కొత్తవారొచ్చినా, పిల్లలు వచ్చినా త్వరగా అంగీకరించేస్తాయి.

2. పర్సనల్ డాగ్స్: మీరు ఒంటరిగా వున్నా లేక కుటుంబ సభ్యులతో వున్నా మీవరకే ఒక కుక్క వుండాలంటే, పగ్స్, డచ్హండ్స్, చిహుహాస్ లేదా ఫ్రెంచ్ బుల్ డాగ్ లను పెంచండి. ఈ కుక్కలు తమయజమానికి మాత్రమే ప్రత్యేక ప్రేమను అందిస్తాయి. హచ్ సెల్ ఫోన్ లో చూపే పగ్ జాతి కుక్క దీనికి ఒక ఉదాహరణ. మీరు ఎక్కడకెళితే మీ కుక్క అక్కడకు వస్తుంది. మిమ్మల్ని ఎప్పటికి ఒంటిగా వదలదు.

3. గార్డ్ డాగ్స్: మీకు విధేయత, భధ్రత రెండూ కావాలనుకుంటే ఈ కుక్కను పెంచండి. అవి మీతో ఆటలాడవు. మీరు పెట్టే ఆహారానికి సేవ చేయాలనుకుంటాయి. అంతే. మాస్టిఫ్ లు, రాట్ వీలర్స్, జర్మన్ షెప్పర్డ్, డాబర్మన్ కుక్కలు మీకు మీ ఆస్తులకు ప్రాణం పోయేటంతవరకు కావలి కాస్తాయి. కాని ఎవరిని అభిమానించవు. మాస్టఫ్ లు ఇంటి యజమాని మాట మాత్రమే వింటాయి. ఇంక ఎవరి మాటా వినవు. రాట్ వీలర్స్ జాతి కుక్క ఇంటిలో పిల్లలను కూడా కరుస్తుంది. లేదా మరీ పసిగుడ్డులైతే తినటానికి కూడా సి్ధ్ధంగా వుంటుంది. ఈ కుక్కలకు సరి అయిన శిక్షణ నిస్తే తప్ప ఇంటి పెంపకానికి సరిపడవు.

కుక్కను పెంచాలనుకున్నపుడు, దాని సైకాలజీని గ్రహించటం మంచిది. ప్రత్యేకించి కుక్కల ప్రవర్తన ఎంతైనా చెప్పవచ్చు.