కుక్కలతో నేస్తం....ఆరోగ్యానికి అవసరం!

Pet Care

oi-Nageswara Sharma

By B N Sharma

Published: Wednesday, September 7, 2011, 15:44 [IST]

పెంపుడు కుక్కలు మంచి నేస్తాలే కాదు... ఇంట్లోని వారిని చలాకీగా ఉంచడంలోనూ కీలక పాత్ర పోషిస్తాయని తాజా అధ్యయనంలో తేలింది. పెంపుడు జంతువైన శునకం పోషణ, ఇంట్లో పిల్లల భౌతిక చర్యలపై ప్రభావం చూపుతాయని వర్జీనియా యూనివర్శిటీకి చెందిన పరిశోధకులు నిర్వహించిన సర్వేలో పలు ఆసక్తికర విషయాలుగా వెల్లడయ్యాయి.

బద్ధకంగా సోఫాలో అతుక్కుపోయే పిల్లల్ని కదిలించి చురుగ్గా మార్చడానికి ఇవి ఎంతో ఉపయోగపడతాయని తేలింది. కుక్కలతోపాటు నడవడం, పరుగెత్తడం వంటివి కూడా మనిషిని చైతన్యపరుస్తాయని తమ అధ్యయనంలో తేలిందంటున్నారు పరిశోధకులు.

కుక్కలను పెంచుతున్న 600 మంది యుక్తవయస్కులపై చేపట్టిన సర్వేలో ఈ విషయం వెల్లడైంది. వ్యాయామం చేసే వారితో పోల్చి చూసినప్పుడు కుక్కలతో నడక, పరుగెత్తడం వంటి పనులు చేసే వారు అంతే ఆరోగ్యంతో ఉన్నట్లు తేలింది.