టపాసుల ధ్వనులు - కుక్కల అరుపులు!

By B N Sharma

Published: Thursday, October 20, 2011, 17:06 [IST]

కుక్కలకు ధ్వని అంటే గిట్టదు. చాలా ఆందోళన పడతాయి. అరుపులు పెడతాయి. దీపావళి పండుగకు ఇంట్లో పిల్లలు చేసే టపాసుల ధ్వనికి ఇంటికుక్కతో సమస్యే.

అందుకేం చేయాలి? టపాసుల ధ్వనులున్న సి.డి. లను ముందస్తుగానే కొని మీ ఇంటి కుక్కకు వినిపించండి. ఇక ఇంట్లో పిల్లలు నిజంగా పేల్చే సమయానికి కొంతమేర అది అలవాటు పడుతుంది. సిడి వినిపించేముందు దానికిష్టమైన పదార్ధాలు పెట్టండి. అవి తింటూ ధ్వనులకు మెల్లగా అలవాటు పడుతుంది. రోజులో కొన్ని సార్లు సి.డి. ని రిపీట్ చేస్తే అలవాటు పడి తినటంతోపాటు ఆనందిస్తుంది కూడాను.

అవసరపడితే, తాత్కాలికంగా కుక్కలకు తెలివి తప్పించే మందులను వెటర్నరీ డాక్టర్ సలహాతో మాత్రమే ఇవ్వండి. వాటిపై క్రేకర్లు కాల్చి విసరటం లేదా వాటికి కట్టటం, లేదా క్రేకర్లతో భయపెట్టటం వంటివి చేయకండి. రోడ్డుపై గల కుక్కలు క్రేకర్లు కాల్చే సమయంలో ఆందోళనతో దోవ తప్పి వస్తే వాటిని ఆదరించి తగిన నీరు పెట్టి కాల్పులు వినపడని ప్రదేశంలో వుంచండి. అవి ధ్వనులతో సహజంగా ప్రవర్తించేందుకు సహకరించండి.