ఇంట్లో పెంపుడు జంతువుల పట్ల తగు జాగ్రత్తలు...!

Published: Saturday, December 17, 2011, 14:50 [IST]

మనం, మన ఇల్లు పరిసరాలే కాదు, మనింట్లో ఉండే పెంపుడు జంతువులు కూడా అందంగా ఉండాలని ఆలోచిస్తాం. మరి వాటి ఆనందం, అందం, ఆరోగ్యం కోసం మార్కెట్లో ఎన్నో వస్తువులు రెడీగా ఉన్నాయి. పెద్దనగరాల్లో పెంపుడు జంతువుల కోసం డిపార్ట్‌ మెంటల్‌ స్టోర్స్‌ వెలిశాయి. డిజనైర్‌ దుస్తులు, వాటి బొచ్చు నిగనిగల కోసం క్రీం, షాంపూ, హెర్బల్‌ సౌందర్య సాధనాలు, మాయిశ్చరైజర్స్‌ దొరుకుతున్నాయి. అలాగే వాటి ఆరోగ్యంలోనూ తగు జాగ్రత్త తీసుకోవాలి..

కొంతమంది పెంపుడు జంతువులను ప్రాణాధికంగా ప్రేమిస్తారు. అవి కూడా వారితో అనుబంధం పెంచు కుని కుటుంబంలో భాగంగా మారిపోతుంటాయి. మీ పెట్ యానిమల్స్ విషయంలో కొన్ని జాగ్రత్తలు పాటించండి...

1. పెట్స్‌కు వారానికోసారైనా శుభ్రంగా స్నానం చేయించాలి.
2. వాటి గోళ్లను ఎప్పటికప్పుడు కట్ చేస్తూవుండాలి.
3. వాటికి టైమ్ ప్రకారం ఆహారం, నీరు అందించాలి
4. పిల్లలకు నేర్పినట్లే పెట్స్‌కు కూడా మంచి ఆహారపు అలవాట్లు నేర్పించాలి.
5. మీ పెట్స్ ఎప్పుడెప్పుడు జత కడుతుంటాయో తెలుసుకొని తగు జాగ్రత్తలు తీసుకోవాలి
6. మనింట్లో కుక్కకి పాసిపోయిన అన్నం, రొట్టె వంటి వాటిని పెట్టకూడదు. కుకీస్‌ పెట్టాలి. డాగ్‌ బిస్కెట్‌ డబ్బా 350 రూపాయలకి దొరుకుతుంది.
7. వాటి బొచ్చు దువ్వే బ్రష్‌ మొదలు ఫ్యాన్సీ వస్తువులు దొరుకుతున్నాయి.