పెంపుడు కుక్కకు పెరిగిన స్టైల్!

By B N Sharma

Published: Tuesday, November 22, 2011, 16:05 [IST]

మన ఇంటిలో పెంపుడు కుక్క వున్నదంటే దానికి ఎన్నో అలంకరణలు చేస్తాం. అది కూడా మనతో పాటు స్టైల్ గా వుండాలని, మన వెంటే తిరగాలని, అందరూ దానిని చూసి మెచ్చుకోవాలని భావిస్తాం. పెంపుడు కుక్క అలంకరణలో భాగంగా దానికి వివిధ రకాల డ్రస్ లు వేయవచ్చు. వీటికి వేసే దుస్తులు వివి ధ రంగులలో వస్తాయి. సీజన్ ని బట్టి కూడా గుడ్డలుంటాయి. వీటికి టి షర్టులు, స్వెట్టర్లు, సమ్మర్ డ్రస్ లు రెయిన్ కోట్లు వంటి వాటిని కూడా వేయవచ్చు. పార్కులో షికారుకి తీసుకెళుతే... ఆ సమయానికి అవసరమైన కేజువల్ డ్రస్ లు కూడా వేస్తారు.

1. కుక్కకు గుడ్డలు కొనేటపుడుతేలికగా వాష్ చేయగలిగినవి, నీటిలో పెడితే కురచగానివిగా వుండాలి. పాలియస్టర్ క్లాత్ మంచిది.
2. రెడీమెడ్ దుస్తులు ఖరీదు అధికం. కనుక గుడ్డలు కొని కుట్టించండి.
3. గుడ్డలు కొనే ముందు దాని అలవాట్లు స్టడీ చేయండి. కొన్ని కుక్కలకు గుడ్డలు కొరకటం అలవాటే. రసాయనాలున్న గుడ్డలైతే ప్రమాదం.
4. బటన్లు పెట్టే డ్రస్ ల కంటే కూడా వాటి శరీరాలకు అంటుకుపోయే వెల్ క్రో వంటివి అయితే బాగుంటాయి. వేయటం, తీయటం కూడా తేలిక. కుక్క లావెక్కినా సరిపోతాయి.
5. దుస్తులు కుట్టించేటపుడు, దాని తోక, నోరు వంటి వాటికి ప్రత్యేక సైజు రంధ్రాలు పెట్టించండి.
6. కొనేవి లేదా కుట్టించే డ్రస్ లు అతి పెద్దవిగాను లేదా అతి చిన్నవి గాను లేకుండా చూడండి. కొనే ముందు వాటికి ట్రయల్ వేసి చూసి కొనడం మంచిది.