ఎవరైతే నాకేంటి? నా రూటే వేరు... !

Pet Care

oi-Nageswara

By B N Sharma

Published: Monday, November 28, 2011, 16:36 [IST]

పెంపుడు కుక్కలు తమ యజమాని ఏ రకమైన తెలివితేటలు కలవాడైనా అతని మానసిక స్ధితిని, విచక్షణా ధోరణిని పట్టించుకోవట. అదే విధంగా కుక్కలు తాము చేసే పనులకు ఏ మాత్రం విచక్షణ కూడా చూపవని అవి ఎపుడు ఏ పని చేయాలనుకుంటే అవి చేస్తాయని ఆ పనుల వెనుక వుండే సాధక బాధకాలు వాటికి ఏ మాత్రం పట్టవని హార్వర్డ్ యూనివర్శిటీ ఎవల్యూషనరీ యాంత్రపాలజీ రీసెర్చర్లు కనిపెట్టారు. గతంలో కుక్కలు విచక్షణతో చూసి నేర్చుకుంటాయని వెల్లడవటం జరిగిందని, అయితే తాజాగా చేసిన అధ్యయనాలు వాటిని రుజువు పరచటం లేదని బిహేవియరల్ రీసెర్చర్ క్లాడియో టెన్నీ, ఆయన అనుచరులు తెలిపారు. కుక్కల్లో ఎదుటివారు చేసే పనులను చూసి నేర్చుకోవడం ఉండదని, అవి అప్పటికపుడు అకస్మాత్తుగా పని చేస్తాయనే రీసెర్చి అధ్యయనాన్ని టెన్నీ తెలిపినట్లు, డిస్కవరీ న్యూస్ పేర్కొంది.

కుక్కలు బంతులతో ఆట ఆడటంలో కూడా అదే రకమైన ప్రవర్తనను రీసెర్చర్లు వాటిలో పరిశీలించారు. కాని అవి ఏ మాత్రం విచక్షణ చూపటం లేదని తెలుసుకున్నారు. కుక్క బాల్ ఆడదామన్న విచక్షణతో కాకుండా బంతి చూస్తే చాలు నోటితో కరచుకోడంవరకే దానికి తెలుసని రీసెర్చర్లు తెలిపారు. కుక్కలు చేసే మరో వ్యక్తిగత పని ఆహారం తీసుకోవడంలో కూడా ఏ మాత్రం విచక్షణ అవి చూపవని వీరు తెలిపారు.

ఈ అధ్యయనాలు బుడాపెస్ట్ లోని కాగ్నిటివ్ డెవలప్ మెంట్ సెంటర్, సెంట్రల్ యూరోపియన్ యూనివర్శిటీలో అధ్యయన బృందంలోని గ్యార్జీ జర్జిలీ చేశారట. వీరి అధ్యయనాలు యానిమల్ బిహేవియర్ అనే జర్నల్ లో జనవరిలో ప్రచురించారు.