దువ్వితే దానికి మజా! మనకు శుభ్రత!!

కుక్క బొచ్చు రాలినప్పటికి ఇంటిలో ఎటువంటి జాగ్రత్తలు తీసుకోవాలో చూడండి. చేతులు తడి చేసుకోండి, ఫర్నిచర్, మంచాలు మొదలైన వాటిపై రాయండి. వాటికున్న కుక్క బొచ్చు అంతా ఒక బాల్ లాగా చేతికి వచ్చేస్తుంది. ఈపని చేసేటపుడు చేతులకు గ్లోవ్స్ కూడా ధరించి చేయవచ్చు. లేదా తడిపిన స్పాంజి పీసుతో తుడిస్తే మరింత తేలికగా ఈ బొచ్చును ఒక చోట చేరుస్తుంది. వాక్యూమ్ క్లీనర్ తో హెయిర్ తొలగించటం కూడా తేలికే. ఇపుడు వెల్ క్రో స్ట్రాపులు బాగా అందుబాటులో వున్నాయి. ఈ స్ట్రాపులు బొచ్చు ఎక్కడున్నా తేలికగా పట్టుకుంటాయి. తర్వాత దానిని బయట శుభ్రం చేస్తే సరిపోతుంది.

ఒక్కసారి ఇల్లు ఈ రకంగా శుభ్రం చేసి, చివరకు మీ పెంపుడు కుక్కకు భయం లేకుండా వుంటే చక్కటి బ్రష్ ఒకటి వాక్యూమ్ క్లీనర్ కు తగిలించి దాని శరీరంపై లూజుగా వున్న బొచ్చును లాగేయండి. లేదా వెడల్పు పళ్ళు వున్న దువ్వెనతో ఉదయం, సాయంత్రం రోజుకు రెండు సార్లు బ్రష్ చేస్తూ వుంటే అది ఇక ఇంటిలోపల రాలే సమస్య వుండకపోవచ్చు.