కుక్క అంటే ముద్దే...! బొచ్చు అంటేనే బాధ!!

By B N Sharma

Published: Monday, November 14, 2011, 17:26 [IST]

సాధారణంగా మనం పెంచే కుక్క జాతుల్లో గోల్డెన్ రిట్రీవర్ కుక్క ఎంతో ప్రేమించదగింది. కుటుంబ సభ్యులలో ఒకటిగా చెలామణి అయిపోతుంది. కాని ఈ కుక్కతో సమస్యల్లా...బొచ్చు రాల్చటం. అది ఇంటిలో ప్రతి భాగానికి విస్తరించి చికాకు కలిగించటం. కొంతమంది ఈ కుక్క బొచ్చును కత్తిరించేస్తారు. కాని అది సరికాదు.

ఈజాతి కుక్కల బొచ్చు సమస్య కాకుండా కొన్ని చిట్కాలు -
వారానికి మూడు రోజులు ప్రతిసారి 5 నుండి 10 నిమిషాలు మంచి బ్రష్ లేదా దువ్వెన తీసుకుని దువ్వండి. తరచుగా దువ్వితే, బొచ్చు రాలటం తగ్గుతుంది. రెగ్యులర్ స్నానం, వెంటనే దువ్వటం చేస్తే బొచ్చు రాలటం తగ్గుతుంది. ఒమేగా 3 లేదా ఒమేగా 6 నూనెలు వుండే సోపులు వాడితే కూడా బొచ్చు రాలటం తగ్గుతుంది. పూర్తిగా షేవ్ చేయడంకంటే, బొచ్చు ట్రిమ్మింగ్ చేసి పొట్టిగా వుంచితే మంచిది.

కుక్క ఆహారంలో ఒక చుక్క ఆలివ్ నూనె వేయండి. కుక్క వాక్యూం క్లీనర్ కు భయపడకపోతే మెత్తటి బ్రష్ పెట్టి దాని శరీరాన్ని క్లీన్ చేయండి. ఆహారంలో పోషకాలు సరిగా లేకున్నా కూడా ఈజాతి కుక్క బొచ్చు రాలుస్తుంది. కనుక మంచి పోషకాహారం ఇవ్వండి. ఒమేగా 3 మరియు ఒమేగా 6 నూనెలు ఆహారంలో వుంటే వాటి బొచ్చుకు తగినంత బిగువు లభిస్తుంది.

బొచ్చు రాలటం సాధారణమే అయినప్పటికి, అది ఇంటిలో సోఫాలలోను, ఆహార పదార్ధాలలోను కనపడితే చికాకు కల్గుతుంది. కనుక ఈ చిట్కాలు పాటించి మీ కుక్క సాంగత్యాన్ని ఆనందించండి.