సైలెంట్ కుక్కలు - ఆనందించే యజమానులు!

Pet Care

oi-Nageswara

By B N Sharma

Published: Friday, November 4, 2011, 16:05 [IST]

కుక్కను పెంచాలనే సరదా చాలామందికి వుంటుంది. అయితే, దాని అరుపులకు, చేష్టలకు భయపడి పొరుగువారితో తంటాలనుకుని వాటి పెంపకానికి వెనుకంజ వేస్తారు. కాని మీరు కోరే దానికంటే కూడా ప్రశాంతంగా వుండే కుక్క జాతులున్నాయి. అవి ఇంటిని కాపాడటమే కాదు, స్నేహపూర్వకంగాకూడా వుంటాయి. రక్షణ కల్పిస్తాయి కాని వాటి శక్తి వృధా చేసుకుంటూ అరవవు. వాటి వివరాలు పరిశీలించండి.

1. బాసెంజీ - ఇది ఒక వేట కుక్క. రాయల్ బ్రీడ్. ఈజిప్టుకు చెందినది. పిల్లలను అమితంగా ప్రేమిస్తాయి. ఏది కనపడినా దానిని నమిలి తినే అలవాటు కనుక వీటికి సరైన వాక్సినేషన్ అవసరం. దీనికి చిన్నతనం నుండే కుటుంబ సభ్యుల అలవాటు చేయాలి. ప్రశాంతంగా వుంటాయి. కాని వాటిపట్ల కఠినంగా ప్రవర్తిస్తే, యజమానైనా సరే అంతు చూస్తాయి. ఆహారం...కుక్క ఆహారమైతే చాలు. నమలటానికి స్టెరిలైజ్ చేసిన ఎముకలు ఇవ్వాలి.

2. బోర్జోయి - దీనినే రష్యన్ వోల్ఫ్ హౌండ్ అంటారు. వీటికి మంచి మర్యాద తెలుసు. యజమానికి ఎంతో గౌరవం ఇస్తాయి. కుటుంబ సభ్యులకు ప్రేమనందిస్తాయి. వీటికి చలి ప్రదేశాలు కావాలి. బొచ్చు అధికం కనుక ఎపుడూ దువ్వుతూండాలి. ప్రశాంతంగా వుంటాయి. బయటివారిని చూస్తే సిగ్గుపడి రిజర్వుడుగా వుంటాయి. వీటికి నడక బాగా కావాలి. సైకిలు వెనుక పరిగెత్తటం వంటి వ్యాయామం మంచిది. ఆహారం తక్కువ కొవ్వు కల కుక్క ఆహారం ఇవ్వాలి.

3. అకిత - కుటుంబ సభ్యులతో సరళంగా వుంటాయి. చాలా బలిష్టమైన కుక్క. తిండి అధికం. నడక, పరుగు చేయిస్తే వాటికి చాలా సంతోషం. అతిగా మొరగవు. బొచ్చు అధికం, సంవత్సరానికి రెండు సార్లు ఊడుతుంది. రెగ్యులర్ గా దువ్వాలి.