చూస్తే చాలు....వెర్రెక్కిస్తాయి... !

Pet Care

oi-Nageswara

By B N Sharma

Published: Monday, November 7, 2011, 16:49 [IST]

సాధారణంగా కుక్కలు బొద్దుగా, ముద్దుగా, అందంగా వుండి అందరిని ఆకర్షిస్తాయి. కాని కొన్ని కుక్కలు చూడగానే అసహ్యం కలిగించి వెర్రెక్కించి అక్కడనుండి పారపోయేలా చేస్తాయి. అయితే ఇవి యజమానికి తగిన రక్షణ కల్పిస్తాయనటంలో సందేహం లేదు. ఆ కుక్క జాతులు ఏమిటన్నది పరిశీలిద్దాం.

1. చైనా క్రెస్ట్ - చిన్నగా, బొచ్చు లేకుండా వుంటుంది. చాలా సన్నగా వుంటాయి. చూడగానే అసలు కుక్కలని కూడా అనిపించవు.
2. షియా జు - ఇది క్రెస్ట్ కుక్కకు పూర్తి వ్యతిరేకం. అధిక బొచ్చు. చాలా చిన్నదిగా వుంటుంది. బొచ్చు అధికం కావటం చేత ఎల్లపుడూ దానిని బ్రష్ చేస్తూ వుండాలి. వ్యయం కూడా ఎక్కువే.
3. చైనా షెర్ పాయి - దీనికి శరీరం అంతా ముడుతలే. చర్మం మందంగా వుండి నోరు తెరిస్తే చాలు నల్లటి నాలుక కనపడుతుంది. చిన్న చెవులు, మెలితిరిగిన తోక. ఇవి పొలాల రక్షణకు ఉపయోగిస్తారు. రిజర్వుడు గా వుండి భయం గొల్పుతాయి.
4. విప్పెట్ - ఈ కుక్కలు చాలా అసహ్యంగా వుంటాయి. సన్నగా ఎముకలపోగులా వుంటాయి. యజమానికి విశ్వాసంగా వుంటాయి. ప్రమాదం కలిగితో ప్రాణాలొడ్డి పోరాడతాయి.
5. స్టాండర్డ్ ష్నూజర్ - ఇది జర్మన్ కుక్క. చాలా బలమైంది. అసహ్యంగా వున్నప్పటికి ఒక బాడీ గార్డు వలే వుండి చూసేవారికి భయం కలిగిస్తుంది.