హానీ కలిగించే కుక్క లాలాజం....

Pet Care

oi-Saraswathi

By Sindhu

Published: Monday, March 12, 2012, 17:08 [IST]

ఎండాకాలంలో పరిసరాల ఉష్ణోగ్రత ఎక్కువైనా...మనుష్యులు, జంతువులూ దేహ ఉష్ణోగ్రత మాత్రం స్థిరముగా ఉండాలి. మనుష్యలు దేహంలో ఉష్ణోగ్రత పెరగకుండా ఉండేలా అనేక వ్యవస్థలు పనిచేస్తూ ఉంటయి. అందులో ముఖ్యమైనది చర్మము...దీనిలోని స్వేదగ్రందులు ద్వారా చెమట శరీరుపరితలం పైకి వస్తుంది .ఆ చెమట ఎప్పటికప్పుడు భాస్పీకరణం చెంది ఆరిపోవడానికి మనశరీరము నుండే ఉష్ణాన్ని గ్రహిస్తుంది ... అందువల్ల శరీరము చల్లబడుతుంది.

కాని కుక్కలాంటి జంతువులకు స్వేదగ్రందులు చాలా తక్కువ సంఖ్యలో ఉండడం వల్ల వాటికి చెమట అంతగా పట్టదు ..అందువల్ల వీటి శరీర ఉష్ణోగ్రత పరిసరాల ప్రభావము వల్ల పెరుగుదలకు లోనవుతుంది. కుక్క అందుకనే తన నోరు తెరచి నాలుక బయటకు చాపి గసపెట్టడం లేదా వగర్చడం చేస్తుంది. దీనివల శరీర ఉష్ణోగ్రత స్థిరముగా ఉంటుంది.

పెంపుడు జంతువులు నలతగా ఉండడం, వాటి నోటి నుంచి లాలాజలం విపరీతంగా కారడం, కళ్లలో నుండి నీరు కారడం, శరీరం నుండి దుర్వాసన రావడం గమనించిన వెంటనే వాటికి తగిన వైద్యం చేయించాలి. అయితే ఇవేమీ లేకపోయినా అప్పుడప్పుడూ వైద్యుని వద్దకు తీసుకెళ్లి చెకప్‌ చేయిస్తే మంచిది. ఎందుకంటే ఒక్కోసారి ఈ లక్షణాలేమీ లేకపోయినా అవి జబ్బుపడే అవకాశముంది.

దాంతో వాటితో సన్నిహితంగా ఉండేవారికి కూడా అవి సంక్రమించే ప్రమాదముంది. పెంపుడు జంతువుల నుండి మనుషులకు సంక్రమించే వ్యాధులను జూనోటిక్‌ వ్యాధులు అంటారు. జంతువుల నుండి సంక్రమించే వ్యాధులు చాలా ప్రమాదకరమైనవి. అవి ఒక్కోసారి ప్రాణాంతకంగా మారే ప్రమాదమూ ఉంది. అందుకే అవి వచ్చాక బాధపడడం కంటే రాకముందు జాగ్రత్త పడడమే మంచిది కదా.