ఈ వేసవిలో ఈ మొక్కలను తప్పకుండా ఇంటికి తెచ్చుకోవాలి..!

ఇంట్లో మొక్కలను పెంచుకుంటే ఇంటి మాత్రమే అందం కాదు, మనసు కూడా ప్రశాంతంగా ఉంటుంది. రోజూ వాటికి నీళ్లు పసి, వాటిని పూసిన పూలను చూస్తుంటే కలిగే తృప్తి ఆనందం మాటల్లో చెప్పలేనిది. మొక్కల వల్ల ఆక్సీజన్ స్థాయి కూడా పెరుగుతుంది. అయితే ఈ వేసని సందర్భంగా మీకు కొన్ని రకాలు మొక్కలను పరిచయం చేస్తున్నాం. వీటిని ఇంట్లోకి తెచ్చుకొని పెంచుకుంటే ఈ వేసవి ఆనందమయంగా గడుస్తుంది.

మాన్స్‌టెరా

ఈ మొక్క చూడ్డానికి ఓ వింతలా ఉంటుంది. వీటి ఆకులు ఎవరో కట్ చేసినట్లుగా కనిపిస్తాయ్. ఇవి ఎండవేడిని తట్టుకొని కొన్ని నీళ్లతో బాగా పెరగగలవు. సుమారు 10 ఫీట్ల వరకు ఈ మొక్కలు పెరుగుతాయ్.

షెఫ్లెరా మొక్కలు

ఇక షెఫ్లెరా మొక్కలును పెంచుకుంటే వాటిని చూస్తూ కాలక్షేపం చేసేయవచ్చు. ఎందుకంటే ఇవి చూడటానికి చాలా ముచ్చటగా ఉంటాయ్. ఈ మొక్కలు గొడుగులా ఉంటాయ్ కాబట్టి వీటిని గొడుగు మొక్కలని కూడా అంటారు. ఎప్పటికప్పుడు నీరు పోసి సరిపడా మట్టి ఉంటే 8 ఫీట్ల వరకు పెరుగుతాయ్.

క్రోటన్

క్రోటన్ మొక్కలను చాలా మంచి పెంచుకుంటూ ఉంటారు. ఎరుపు, పచ్చ, పింక్ రంగుల్లో ఈ మొక్కలు చాలా ఆకర్షనీయంగా ఉంటాయ్. వీటికి అనువుగా ఉండే తొట్టిలో పెటి పెంచాలి.

కలబంద

అలొవెరా మొక్కలు దాదాపు చాలా మంది ఇళ్లల్లో చూసే ఉంటాం. మొక్కలను పెంచే అలవాటు ఉన్నవారి ఇంట్లో ఈ కలబంద చెట్లు ఖచ్ఛితంగా ఉంటాయ్. నీరు లేకపోయినా ఈ మొక్కలు బాగా పెరుగుతాయ్. వీటిలో ఔషధ గుణాలే కాదా ఇంటిని కూడా ఆకర్షణీయంగా కనిపించే విధంగా ఉంటాయ్.

రబ్బర్ మొక్కలు

ఈ రబ్బర్ మొక్కలను కూడా ఈ వేసవిలో ఇంటికి తెచ్చుకుంటే బాగా పెరుగుతాయ్. ఈ ఎండాకాలంలో వాతావరణాన్ని తట్టుకొని పెరగ్గలిగే సామర్ధ్యం వీటికి ఉంటుంది. అయితే వీటికి రెగులర్‌గా నీటిని అందిస్తూనే ఉండాలి.