Vastu Tips: ఈ వాస్తు దోషాల వల్ల సంతానం కలగడం కష్టమే!

సంతానోత్పత్తి సమస్యలకు వాస్తు చిట్కాలు:

* వివాహిత జంట ఎప్పుడూ బెడ్‌రూములో ఆగ్నేయ భాగంలోనే పడుకోవాలి. ఎందుకంటే అది అగ్ని మూలకంతో అనుసంధానించబడి ఉంటుంది. ఇది మంచి శృంగార జీవితాన్ని కలిగి ఉండేందుకు సహకరిస్తుంది. అలాగే గర్భం వచ్చే అవకాశాలు పెరుగుతాయి.

* ఎల్లప్పుడూ మీ తల దక్షిణం వైపు, పాదాలు ఉత్తరం వైపు ఉంచే నిద్రపోవాలి.

* తల పడమర వైపు, పాదాలు తూర్పు వైపు ఉంచినా మంచిదే.

* బెడ్‌రూము లోపల సానుకూల ఆకర్షణల వాతావరణాన్ని కల్పించాలి.

* అందమైన ల్యాండ్ స్కేప్‌లు, పెయింటింగ్‌లు, చిన్న పిల్లల ఫోటోలు అంటించవచ్చు. ఇది కళ్లకు ఆహ్లాదకరంగా ఉంటుంది.

* సువాసనగల పువ్వులను కూడా పడకగదిలో ఉంచుకోవచ్చు.

* మీ జీవిత భాగస్వామిని గుర్తు చేసే వస్తువులను కనిపించే చోట పెట్టుకోవాలి.

* బెడ్‌రూములో నాణ్యమైన సమయాన్ని గడపాలి. బెడ్రూమ్ అంటే దంపతులది. అక్కడ మీకు సంబంధించిన విషయాలు మాత్రమే చర్చించుకోవాలి.

గర్భధారణ సమయంలో పాటించాల్సిన వాస్తు చిట్కాలు:

* గర్భిణీ స్త్రీలు బిడ్డపై ఆశావాద ప్రభావాన్ని చూపుతారు కాబట్టి గర్భధారణ సమయంలో ప్రేరణాత్మక సినిమాలు చూడటం, మంచి పుస్తకాలు, మ్యాగజైన్‌లు చదవడం మంచిది.

* గర్భిణీలు రోజు ఈశాన్య దిశలో ధ్యానం చేయాలి.

* గర్భం కోసం పడకగది వాస్తు శాస్త్రానికి సంబంధించి, పడకగదిలోని అనవసరమైన వస్తువులను తీసేయ్యాలి. గదిలో ప్రశాంత వాతావరణం ఉండేలా చూసుకోవాలి.

* పడక గది ప్రశాంతంగా, సానుకూల భావన కలిగే విధంగా అలంకరించుకోవాలి.

గర్భం దాల్చినప్పుడు చేయకూడని పనులు:

* పడకగదిలో ఎలక్ట్రానికి గాడ్జెట్స్‌ను ఎంత తక్కువగా వాడితే అంత మంచిది. వాటి నుండి వెలువడే లైట్ వల్ల నిద్రలేమి సమస్య తలెత్తుతుంది.

* పడకగదిలోని అద్దం ఎప్పుడూ మంచానికి ఎదురుగా ఉండకూడదు. ఎందుకంటేదాని ప్రతిబింబం నిద్ర విధానాలకు భంగం కలిగించడమే కాకుండా లైంగికతపై ప్రభావం చూపుతుంది.

* గర్భిణీలు ముదురు ఎరుపు, నలుపు మరియు ఆరెంజ్ వంటి ముదురు రంగులను ధరించవద్దు. పాస్టెల్ ఆకువచ్చ, నీలం, పసుపు, తెలుపు వంటి లైట్ కలర్స్ వేసుకోవచ్చు.

* బెడ్‌రూములో హింస, యుద్ధం, డ్రాగన్‌లు లేదా ఏదైనా ప్రతికూల అంశాల పెయింటింగ్‌లను ఉంచవద్దు. ఉంటే తీసేయడం మంచిది.

* దంపతుల మధ్య నిరాశావాదాన్ని ప్రభావితం చేసే ఏవైనా భావాలు ఉంటే పడకగది బయటే చూసుకోవాలి.

* రౌండ్ మ్యాట్రెస్ వాడకపోవడం ఉత్తమం.

* బెడ్‌పై లంచ్, డిన్నర్, స్నాక్స్ లాంటి తినకూడదు.

* బెడ్‌పై ఉన్నప్పుడు మందులు లాంటివి తీసుకోవచ్చు కానీ ఆహారం తీసుకోవద్దు.

* పెళ్లి అయిన కొత్త జంటలు బెడ్‌రూములోని ఈశాన్య మూలను ఎట్టిపరిస్థితుల్లో ఉపయోగించవద్దు. ఆ మూలలో ఎలాంటి వస్తువులు పెట్టవద్దు. బరువైన వస్తువులను అక్కడ ఉంచవద్దు.

* బెడ్‌ లేదా, స్లీపింగ్ సోఫాను ఆగ్నేయ మూలలో మాత్రమే ఉంచాలి.

Disclaimer: ఇంటర్నెట్‌లో అందుబాటులో ఉన్న సమాచారం ఆధారంగా ఈ వ్యాసాన్ని రాయడం జరిగింది. కచ్చితత్వానికి, విశ్వసనీయతకు ఎలాంటి హామీ ఇవ్వడం లేదు. Boldsky Telugu ఈ వ్యాసానికి సంబంధించిన ఏ విషయాన్నీ నిర్ధారించడంలేదు. ఈ వ్యాసం ఉద్దేశం సమాచారం అందించడం మాత్రమే. ఏదైనా పాటించే ముందు సంబంధిత నిపుణుల సలహా తీసుకోగలరు.