ఉపయోగం లేని జీవితం

Short Story

oi-Saraswathi

By Sindhu

Published: Monday, June 4, 2012, 15:05 [IST]

ఒక రైతు ముసలి వయసు రావడంతో తాను ఇంక పొలానికి వెళ్లి పని చేయలేని పరిస్దితిలో తన ఇంటి ముందు ఉన్న వాకిలిపై కూర్చోని తన రోజుల్ని గడిపేవాడు. ఐతే రైతు కుమారుడు మాత్రం ప్రతి రోజూ పొలానికి వెళ్లి ఎంతో కష్టపడి వచ్చే సమయంలో తన తండ్రి అక్కడే ఉండడాన్ని గమనించాడు. తనంతట తాను తన తండ్రి వల్ల ఇక ఏమీ ఉపయోగం లేదని భావించి.. ఒకరోజు విసుగుచెంది ఓ నిర్ణయానికి వచ్చాడు.

తన తండ్రి కోసం ఓ చెక్క శవపేటికను తయారు చేసి తన తండ్రి రోజూ కూర్చుంటున్న వాకిలి వద్దకు తెచ్చి పెట్టి అందులో తన తండ్రిని పడుకోపెట్టి దగ్గరలో ఉన్న ఓ చిన్న కొండ వద్దకు దానిని లాక్కోని వెళ్లాడు. అలా అతను కొండను సమీపించగానే, శవపేటిక లోపల నుండి మూతను పగలుకొట్టే శబ్దాన్ని విని ఆ శవపేటికను తెరిచి చూశాడు.

ప్రశాంతంగా అందులో ఉన్న తన తండ్రి బయటకు వచ్చి తన కొడుకుని చూస్తూ నాకు తెలుసు నీవు నన్ను ఈ కొండ మీద నుండి విసిరి వేసేందుకే తెచ్చావని.. ఐతే నేను నీకు ఒక సలహా ఇస్తాను అని అనగా.. ఆ రైతు కుమారుడు ఏంటీ అన్న సమాధానికి బదులుగా.. ఆ రైతు నీవు నన్ను కావాలంటే విసిరివేయి గానీ.. నీవు ఎంతో కష్టపడి తెచ్చిన ఈ చెక్క శవపేటికను మాత్రం విసిరి వేయవద్దు. ఎందుకంటే అది రాబోయే కాలంలో మీ పిల్లలకు ఉపయోగపడుతుందని అన్నాడు.