Dhanteras 2022: ధనత్రయోదశి పూజా ప్రాముఖ్యత, శుభ మహూర్తం, ఆచారాలు

Dhanteras 2022: ధనత్రయోదశి అని కూడా పిలువబడే ధంతేరాస్, భారతదేశంలో దీపావళి ప్రారంభానికి గుర్తుగా ప్రతి సంవత్సరం మొదటి రోజుగా జరుపుకుంటారు.

ఐదు రోజుల పాటు జరిగే దీపావళి సంబరాలు ధంతేరాస్ రోజు ప్రారంభం అవుతాయి. ఇది సాధారణంగా కృష్ణ పక్షం యొక్క పదమూడో చాంద్రమాన రోజుతో సమానంగా ఉంటుంది. హిందూ క్యాలెండర్ ప్రకారం అశ్విని మాసంలో వస్తుంది. ఈ సంవత్సరం, అక్టోబర్ 22న రాత్రి 07:00 నుండి 08:17 గంటల మధ్య ధనత్రయోదశి పూజ ముహూర్తాన్ని జరుపుకోనుండగా, పండుగను అక్టోబర్ 23న జరుపుకుంటారు.

ఆయుర్వేద దేవుడిగా భావించే ధన్వంతరిని ధనత్రయోదశి రోజున పూజిస్తారు. క్షీరసాగర మథనం సమయంలో పాల సముద్రం నుండి లక్ష్మీదేవి ఉద్భవించిందని పురాణాలు చెబుతున్నాయి.

ధంతేరాస్ అనే పదాన్ని రెండు పదాలుగా విభజించారు - 'ధన్', ఇది సంపదను సూచిస్తుంది. 'తేరాస్' పదమూడో రోజును సూచిస్తుంది. ఈ రోజున, ప్రజలు ఇత్తడి, వెండి మరియు బంగారు వస్తువులను కొనుగోలు చేస్తారు. ఎందుకంటే ఇది ఖరీదైన ఉత్పత్తులను కొనుగోలు చేయడానికి అత్యంత పవిత్రమైన మరియు అనువైన రోజులలో ఒకటిగా పరిగణించబడుతుంది.

ప్రతి సంవత్సరం, హిందువులు, జైనులు, సిక్కులు దీపావళిని చెడుపై మంచి, చీకటిపై కాంతిపై, నిరాశపై ఆనందం యొక్క విజయానికి ప్రతీకగా జరుపుకుంటారు.
దీపాల పండుగగా ప్రసిద్ధి చెందిన దీపావళిని దేశవ్యాప్తంగా ఎంతో వైభవంగా జరుపుకుంటారు. ప్రజలు పూజలు చేస్తారు. ఆచారాలను పాటిస్తారు. వారి ఇళ్లలో దీపాలు, రంగోలీలతో అలంకరిస్తారు. రుచికరమైన స్వీట్లు, భోజనాలను ఆస్వాదిస్తారు. కొత్త సాంప్రదాయ వస్త్రధారణ మరియు మరిన్ని చేస్తారు.

రావణుడిని సంహరించి, 14 సంవత్సరాలు వనవాసం చేసిన తర్వాత దీపావళి రోజున రాముడు అయోధ్యకు తిరిగి వచ్చాడని హిందూ పురాణాలు చెబుతున్నాయి. దీపాల పండుగలో భాగంగా ప్రజలు లక్ష్మీ దేవి, గణేషుడిని, కుబేరుడిని పూజిస్తారు. ఆరోగ్యం, సంపద, శ్రేయస్సు కోసం దేవతలను ఆరాధిస్తారు.