మానసికంగా చెక్కు చెదరకుండా ఉండడమే అసలైన వివేకం..

ఒక జెన్ గురువుగారు తన శిష్యుడితో కలిసి ఒక చిన్న నది దాటుతున్నారు.

"గురువుగారు నదిని దాటే మార్గమేది?" అని శిషుడు అడిగాడు.

గురువు గారు చెప్పారు "కాలికి తడి అంటకుండా దాటాలి!"

ఆశ్చర్యపోయిన శిష్యుడు వెంటనే తన గురువు గారి కాళ్ళకేసి చూసాడు.

"గురువుగారూ, మరి మీ కాళ్ళు తడిగా వున్నాయే" అని అడిగాడు.

గురువుగారు చెప్పారు "నేను తడిగా లేను. తడి ఉపరితలం మీద మాత్రమె వుంది. లోపల్లోపల నేను పొడిగా వున్నాను. ఆ నీరు నన్ను తాకలేదు!"

ప్రతి వారికీ అన్ని రకాల అనుభవాలు జరుగుతూనే వున్నా లోపల మాత్రం చెక్కు చెదరకుండా వుండాలి!