ర్యోకన్ దాగుడు-మూతలు...!

ఒక సాయంత్రం పిల్లలతో దాగుడుమూతలు ఆడేటప్పుడు, ర్యోకన్ కు దాక్కునే అవకాశం వచ్చింది. అప్పుడు ఆ గురువు ఒక పొలంలో గడ్డివాము కింద దాక్కున్నాడు. బాగా పోద్దుపోవడంతో పిల్లల అతన్ని కనిపెట్టలేక, అక్కడనుంచి వెళ్ళిపోయారు. మరుసటి రోజు ఒక రైతు ఆ గడ్డివాము తీసేటప్పుడు అక్కడ ర్యోకన్ ఉండటం చూశాడు. "ఓహ్, ర్యోకన్-గురువు గారూ, మీరేం చేస్తున్నారు ఇక్కడ?"అని ఆశ్చర్యపోతూ అడిగాడు రైతు.

"హుష్! పెద్దగా అరవకండి, పిల్లలు నన్ను కనిపెడతారు" అన్నాడాయన.