పధకం వేస్తే సక్సెస్ అవ్వాల్సిందే?

Insync

oi-Nageswara

By B N Sharma

Published: Wednesday, May 23, 2012, 8:22 [IST]

మీ మైండ్ లో ఒక లక్ష్యం అనేది వుంటే దాని అమలుకు నిర్దేశిత ప్రణాళిక వుంటే అది విజయదిశగా సాగుతుంది. కాని ఒకే సారి కనుక మీకు అనేక లక్ష్యాలు వుంటే వాటిని మీరు సాధించలేరని ఒక తాజా స్టడీ సూచిస్తోంది. రీసెర్చర్లు చేసిన అనేక ప్రయోగాలఫలితాలను జర్నల్ ఆఫ్ కన్ స్యూమర్ రీసెర్చి ప్రచురించింది. ఒక ప్రయోగంలో రీసెర్చర్లు భాగస్వాములు అయిదు రోజుల కాలంలో ఒకే లక్ష్యం నెరవేర్చుకోటానికి, మరికొందరిని మరో అయిదు లక్ష్యాలు నెరవేర్చుకోడానికి నిర్దేశిత ప్రణాళికలతో పిలిపించారు.

అయితే, రీసెర్చర్లు, ఒకే లక్ష్యంతోను, నిర్దేశిత ప్రణాళికతోను వచ్చిన వారు తమ లక్ష్య విజయం సాధించినట్లు, అయిదు లక్ష్యాలతో వచ్చినవారు నిర్దేశిత ప్రణాళికలతో వచ్చినప్పటికి వాటిని సాధించలేకపోయినట్లు తెలిపారు. దీనికి కారణం వ్యక్తులు అనేక లక్ష్యల గురించి వాటిలోని సాధక బాధకాలగురించి ఆలోచించితే ఎంతో ఆవేశం పొందుతారని, అధిక ఉత్సాహం లో వుంటారని వారు, ఏకాగ్రత లోపించి విజయ దిశగా పయనించటం కష్టమవుతుందని రీసెర్చర్లు తెలిపారు.

లక్ష్యాలు అధికంగా వుంటే ఖచ్చితమైన ప్రణాలిక వున్నప్పటికి వాటిని నెరవేర్చటంలో లోపాలు ఇమిడి వుంటాయని వ్యక్తులు వారి మంచి ఉద్దేశాలతో ఉన్నప్పటికి విఫలమైపోతారని రీసెర్చర్లు స్టడీ చేశారు. అయితే, అయిదు లక్ష్యాలున్న వారు కూడా, తమ ఆలోచనలలో, తమకంటే కూడా అధిక సంఖ్యలో లక్ష్యాలను కలిగివున్న వారిని గురించి ఆలోచించినపుడు, అయిదు లక్ష్యాలున్నవారు కనీసం 50 శాతం వరకు అయినా విజయం సాధించినట్లు స్టడీ తెలిపింది.

అనేక పనులను ఒకే సారి చేసినందును పని నైపుణ్యత తగ్గుతుందని, ఒత్తిడి ఏర్పడుతుందని,కాని మనం మంచిగా భావించటంచేత వాటినిచేస్తూ వుంటామని స్టడీ తెలిపింది. ఏ పని చేయాలన్నా ఏకాగ్రత ప్రధానం. ఏకాగ్రత వుంటే, పని ప్రణాళికమేరకు అమలు చేస్తూ వుంటే, విజయం దానంతట అదే వస్తుంది. ఒకే పని ఒకే సారి ప్రణాళిక చేయండి, విజయం పొందండి అనేది రీసెర్చర్లు తమ స్టడీలో తేటతెల్లం చేశారు.