ఒత్తిడి అధికమైతే... పనికి బ్రేక్.....పార్టీలు షురూ!

Insync

oi-Nageswara

By B N Sharma

Published: Thursday, May 17, 2012, 12:32 [IST]

అతివేగంగా పరుగెడుతున్న నేటి తరంలో ప్రతి ఒక్కరూ ఇంట్లో కూర్చోవటం కన్నా ఏదో ఒక పని చేయాలనే భావిస్తూంటారు. చేస్తారు. పని నైపుణ్యతలు, పెరుగుతున్న పారిశ్రామికీకరణలు ఉద్యోగస్తుల జీవితాలను బిజీ చేస్తున్నాయి. దీని ప్రభావం వ్యక్తి సామాజిక జీవితంపై కూడా పడుతోంది. అటు పని లేదా ఉద్యోగం ఇటు వ్యక్తిగత జీవితం రెంటిని సమన్వయం చేసుకుంటూ జీవించాల్సిన అవసరం వస్తోంది. ఇంత బిజీ పనులనుండి ప్రతిఒక్కరికి ఎంతో కొంత బ్రేక్ కావాలి. కనుక స్నేహితులతో కలసి అపుడపుడూ ఏవైనా పిక్ నిక్ ల వంటి వాటికి ప్లాన్ చేయాలి. పనిని ఆనందించాలంటే, మీకు పూర్తి సంతోషాన్నిచ్చే వ్యక్తులతో సంబంధాలు పెంచుకోండి. ఇంటికి రాగానే ఆఫీస్ విషయం మరచిపొండి. ఆనందకర జీవితానికి పని ఒత్తిడి తగ్గించుకునే మార్గాలు కొన్ని పరిశీలించండి.

వ్యక్తిగత సంబంధాలు మెరుగుపరచండి - ఆఫీస్ నుండి రాగానే కుటుంబ సభ్యులతో కొంత సమయం గడపండి. వారు ఆ రోజు ఏం చేశారో అడగండి. కలసి డిన్నర్ చేయండి. ఈ చర్యలు మీ పని ఒత్తిడి తగ్గిస్తాయి. మీ పనిని, వ్యక్తిగత సంబంధాలను సమర్ధవంతంగా సమతుల్యం చేస్తాయి. మీరు కనుక ఎంతసేపూ పని, ఆఫీసు అంటూ పని ప్రేమి లేదా వర్కోహాలిక్ అయితే, మీరు కుటుంబాన్ని దూరం చేసుకున్నట్లవుతుంది.

పిక్ నిక్ లకు వెళ్ళండి - పని ఒత్తిడి భావించకుండా వుండాలంటే, స్నేహితులతో, కుటుంబ సభ్యులతో కలసి వారాంతపు సెలవులలో విహారాలకు వెళ్ళండి. ప్రతిరోజూ బోర్ కొట్టేలా...ఇల్లు...ఆఫీస్ అంటూ తిరగక, కొద్దిపాటి మార్పుగా వారాంతపు సెలవలు ఇతర ప్రదేశాలలో ఆనందించండి. ప్రస్తుత ఒత్తిడి జీవితాలలో ప్రకృతి ప్రతివారికి ఎంతో ఆనందం కలిగిస్తుంది. ఇతర ప్రదేశాలలో రిలాక్స్ అయితే, మీ గురించి మీరు ఆలోచించుకుంటారు. కనీసం ఆ సమయంలో అయినా సరే మీ పని ఒత్తిడి మరచిపోతారు.

పార్టీలు పెట్టుకోవటం - ఎంత పని ఒత్తిడి వున్నప్పటికి ఆనందించాలంటే ఇది మంచిమార్గం. పార్టీలవంటివి పెట్టుకొని ఆనందిస్తే, వాటిలోని మ్యూజిక్, చిరుతిండ్లు, కూల్ డ్రింక్ లు, స్నేహితుల సంభాషణలు అన్ని ఒత్తిడి మరచిపోయేలా చేస్తాయి. కనుక స్నేహితులతో అపుడపుడూ చిన్న పార్టీలు పెట్టుకోవటం మంచి ఆలోచన.

శారీరక కార్యక్రమాలలో పాల్గొనండి - ఒత్తిడి తగ్గాలంటే యోగా, ధ్యానం, అరబిక్ వ్యాయామాలు, జిమ్ లు, సల్సా డాన్సులు వంటివి ఆచరించాలి. అవి మిమ్మల్ని శారీరకంగానే కాక, మానసికంగా కూడా ఆరోగ్యంగా వుంచుతాయి. మీకుగల పనిభారాన్ని తట్టుకునేలాకూడా చేస్తాయి.

మరి మీరు మీ పని లేదా ఉద్యోగాన్ని, మీ వ్యక్తిగత సంబందాలను ఏ రకంగా సమన్వయం చేస్తున్నారో అనే అంశంలో మతో మీ అభిప్రాయాలు పంచుకోండి.