హైదరాబాద్‌లో హలీమ్ తినడానికి బెస్ట్ రెస్టారెంట్స్ ఇవే.. జన్మలో మర్చిపోలేని టేస్ట్ ఇక్కడ దొరుకుతుంది!

రంజాన్ మాసం అనేది కేవలం ముస్లిం సోదరుల పండుగ. ఈ పండగ నెలలో హైదరాబాద్​లోని ప్రతి ఒక్కరూ తినాలనుకునే ప్రత్యేక ఆహారం "హలీమ్". దీనికోసం గంటల తరబడి ఎదురుచూసి మరీ కొనుక్కొని తినేవాళ్లు ఉన్నారు. ఈ సీజన్‌లో, శరీరానికి మంచి పోషకాలు అందించే హలీం హైదరాబాద్‌లోని ప్రతీ ఏరియాలో దొరుకుతుంది. వీటిలో కొన్ని స్ట్రీట్ సైడ్​ వెండర్స్​ నుంచి ప్రముఖ రెస్టారెంట్లు కూడా హలీమ్‌ను సర్వ్ చేస్తాయి. మీరు కూడా మీ ఫ్రెండ్స్‌తో లేదా కుటుంబంతో ఎంజాయ్ చేయడానికి, బెస్ట్ హలీమ్ స్పాట్స్ కోసం ఎదురు చూస్తున్నారా? అయితే ఈ స్టోరీలో హైదరాబాద్‌లో బెస్ట్ హలీం స్పాట్స్ గురించి వివరించాము, చూసి మీరు కూడా వెళ్లి ఓసారి ట్రై చేయండి.

హైదరాబాద్‌లోని బెస్ట్ హలీమ్ స్పాట్స్

పిస్తా హోస్:

హైదరాబాద్​లో అత్యంత ప్రసిద్ధి గాంచిన హలీమ్ స్పాట్ "పిస్తా హోస్". ప్రతి ఏడాది హలీమ్​ను జ్యూసీగా, టేస్టీగా అందించడంతో ఎప్పటికప్పుడు పిస్టా హోస్ తన ముద్రను కంటిన్యూ చేసుకుంటూ వస్తోంది. ఇది నగరంలోని వివిధ ప్రదేశాల్లో విస్తరించి ఉంటుంది. కాబట్టి మీరు మీకు సమీపంలో ఉన్న ఒక పిస్తా హోస్​లో ఈ రుచిని ఆస్వాదించవచ్చు.

షాదాబ్ హోటల్:

ఓల్డ్ సిటీ పరిధిలోని ఘాన్సీ బజార్​లో ఉన్న షాదాబ్ హోటల్​, ఈ ప్రాంతంలోని బెస్ట్ హలీమ్ ప్రదేశంగా గుర్తించబడింది. వారి హలీమ్​తో హైదరాబాదీయులకు ఒక ట్రెడీషనల్ టేస్ట్ అందిస్తుంటారు. ఇక్కడ ఓసారి హలీం టేస్ట్ చేసిన వారు జన్మలో వదులుకోరు.

హోటల్ సిటీ డైమండ్:

మెహదీపట్నంలో ఉన్న హోటల్ సిటీ డైమండ్​ హలీమ్​తో ప్రసిద్ధి పొందింది. దీని హలీమ్​ స్వచ్ఛమైన నెయ్యి, మసాలాలతో, పాతకాలపు భట్టిలో నెమ్మదిగా వండుతారు. దీనివల్ల దీని రుచి ప్రత్యేకంగా ఉంటుంది.

మందార్ రెస్టారెంట్:

టోలీచౌక్ ప్రాంతంలో ఉన్న మందార్ రెస్టారెంట్​, మీరు ఇంటి రుచి మరియు విలేజ్ తరహా రుచులను ఇష్టపడితే హలీమ్ కోసం ఉత్తమ ఎంపికగా నిలుస్తుంది. ఇక్కడి హలీమ్ చాలా సూపర్‌గా అద్భుతంగా ఉంటుంది.

పెషావర్:

లక్టీకాపుల్ మరియు మలక్‌పేటలో ఉన్న పెషావర్ రెస్టారెంట్​ టాపింగ్స్ లేకుండా నిజమైన హలీమ్ అందిస్తుంది. అసలు సిసలైన హలీమ్ రుచి కోసం ఈ రెస్టారెంట్‌ను ఎంచుకోవడం అత్యుత్తమైన ఎంపిక అని చెప్పుకోవచ్చు.

సుభాన్ బేకరీ:

ఉస్మానియా బిస్కెట్లకు ప్రసిద్ధి గాంచిన సుభాన్ బేకరీ కూడా ఇప్పుడు హలీమ్‌లో ఆ ప్రత్యేకతను అందిస్తోంది. నాంపల్లి, అత్తాపూర్ ప్రాంతాల్లో దీని రుచి ఆస్వాదించవచ్చు.

టాపింగ్స్‌తో హలీమ్ స్పాట్స్

గ్రిల్ 9:

"బాహుబలి హలీమ్" అని ప్రత్యేకంగా గుర్తించబడిన గ్రిల్ 9 రెస్టారెంట్​, హలీమ్‌లో టాపింగ్స్ (చికెన్ 65, బాయిల్డ్ ఎగ్స్, పత్తర్ కా ఘోష్, జీడిపప్పు, బాదం, క్రీమ్)తో ప్రత్యేకంగా సర్వ్ చేస్తుంది. సికింద్రాబాద్ ప్రాంతంలో ఈ హలీమ్​ను ట్రై చేయవచ్చు.

సర్వి రెస్టారెంట్:

మసాబ్ ట్యాంక్, బంజారాహిల్స్, మాదాపూర్ మరియు సికింద్రాబాద్ ప్రాంతాల్లో ఉన్న సర్వి రెస్టారెంట్​, స్పెషల్ ఇరానీ హలీమ్​ను జీడిపప్పు, క్రీమ్ మరియు చికెన్ 66తో అందిస్తుంది.

కేఫ్ 555:

మసాబ్ ట్యాంక్‌లోని కేఫ్ 555 రెస్టారెంట్​, ఫ్యూజన్ హలీమ్​కు ప్రసిద్ధి చెందింది. దీనిలో మీరు చికెన్ 65, నల్లి ఘోష్, తలావా ఘోష్, ఎగ్, క్రీమ్ వంటి టాపింగ్స్​తో హలీమ్​ను ఆస్వాదించవచ్చు.

షా ఘౌస్:

హైదరాబాద్​లోని లక్టీకాపుల్, టోలీచౌక్, గచ్చిబౌలి, షా అలీ బండా ప్రాంతాల్లో ఉన్న షా ఘౌస్​, తమ హలీమ్​కు అనేక రుచులు, మాంసపు టాపింగ్స్ తో ప్రత్యేకతను అందిస్తుంది. దీని రుచి కూడా అద్భుతంగా ఉంటుందని చెప్పుకోవచ్చు.