Wallet Tips: పర్సులో ఇవి పెట్టుకుంటే అప్పులు, ఖర్చులు పెరుగుతాయి

1. నోట్లు, చిల్లర

వాలెట్ లో నోట్లు, చిల్లర పెట్టుకోవడానికి కొన్ని జాగ్రత్తలు పాటించాలి. నోట్లను చిల్లరను కలిపి ఉంచవద్దు. చిల్లరను చప్పుడు చేయకుండా ఉండేందుకు ప్రత్యేకంగా ఉంచాలి.

2. మరణించినవారి ఫోటో

జీవితానికి అత్యంత సన్నిహితులు ఎవరైనా చనిపోతే, ఆ వ్యక్తితో తమకు ఉన్న అనుబంధాన్ని తెలియజేసేందుకు కొందరు వారి ఫోటోను పర్సులో పెట్టుకుంటారు. అయితే వారిపై ప్రేమ ఉన్నా వారి ఫోటోలను పర్సులో పెట్టుకోవద్దని వాస్తు శాస్త్రం చెబుతోంది. అలా ఉంచితే వాస్తు దోషం, ఆర్థిక సమస్యలు తలెత్తుతాయి.

3. తాళం చెవి

చాలా మందికి తమ పర్సు లోపల తాళం చెవి పెట్టుకునే అలవాటు ఉంటుంది. మీకు అలాంటి అలవాటు ఉంటే వెంటనే మార్చుకోవాలని అంటున్నారు వాస్తు శాస్త్ర నిపుణులు. పర్సులో తాళం చెవి ఉంచుకోవడం మంచిది కాదు. ఎందుకంటే దీని వల్ల ఇబ్బందులు ఎదురవుతాయి. అలాగే ఖర్చులూ పెరుగుతాయి.

4. దేవుని ఫోటో

చాలా మందికి ఇది ఆశ్చర్యంగా అనిపించవచ్చు. కానీ పర్సులో దేవుని ఫోటో కూడా పెట్టుకోవద్దని శాస్త్రం చెబుతోంది. దీని వల్ల అప్పులు పెరిగి జీవితంలో సమస్యలు వస్తాయని చెబుతున్నారు వాస్తు శాస్త్ర నిపుణులు.

5. పాత బిల్లులు

కరెంటు బిల్లులు, రెస్టారెంటు బిల్లులు, ఏదైనా కొంటే ఇచ్చే బిల్లులను పర్సులో పెట్టుకోవద్దు. పాత బిల్లులను వాలెట్ లో పెట్టుకోవడం వల్ల ఆర్థిక ఇబ్బందులు వస్తాయని వాస్తు శాస్త్రం చెబుతోంది.

6. నోట్లు మడవొద్దు

కొంత మంది పర్సులో నోట్లను మడిచి పెడతారు. మరికొందరు అలాగే మడవకుండా పెట్టేస్తారు. అయితే నోట్లను మడిచి పెట్టడం వల్ల ఇబ్బందులు వస్తాయట. అందుకే నోట్లను మడవకుండా అలాగే ఉంచాలని సూచిస్తున్నారు వాస్తు శాస్త్ర నిపుణులు.

7. చిరిగిన నోట్లు

పర్సులో చిరిగిన నోట్లను పెట్టుకోవద్దట. చిరిగిన నోట్లు పర్సులో పెట్టుకుంటే చిరిగిన బతుకు అవుతుందని చెబుతుంటారు. మీకు ఎవరైనా చిరిగిన నోటు ఇస్తే సాధ్యమైనంత త్వరగా వాటిని వదిలించుకోవాలని చెబుతున్నారు వాస్తు శాస్త్ర నిపుణులు.

8. పర్సు ఏ జేబులో పెట్టుకోవాలి

పర్సును ఎడమ వైపు జేబులో పెట్టుకోవడం మంచిదని వాస్తు శాస్త్రం చెబుతోంది. ఎడమ వైపు జేబులో ఉంచుకోవడం వల్ల డబ్బు ఆదా అవుతుంది. అనవసరమైన ఖర్చులు తగ్గుతాయి.

9. శ్రీ యంత్రం

పర్సులో శ్రీ యంత్రం నిరభ్యంతరంగా ఉంచుకోవచ్చు. దీని వల్ల ఆదాయం పెరుగుతుంది.