ఆరోగ్యం భాస్కరాదిచ్ఛేత్..మీ బంధుమిత్రులకు రథ సప్తమి విషెస్ ఇలా చెప్పండి

హిందువులు జరుపుకునే ముఖ్యమైన పండుగల్లో రథసప్తమి ఒకటి. ఇది మాఘ మాసం, శుక్ల పక్షం, సప్తమి తిథి నాడు వస్తుంది.ఈ పండుగను మాఘ శుద్ధ సప్తమి లేదా సూర్య జయంతి అని కూడా పిలుస్తారు. హిందూపురాణాల ప్రకారం సూర్యుడు జన్మించిన రోజు ఇది.

సూర్యుడు తన రథాన్ని దక్షిణం నుండి ఉత్తరం వైపుకు (ఉత్తరాయణం) పూర్తిగా మళ్ళించే రోజు ఇది. అందుకే ఇది రైతులకూ, ప్రకృతి ఆరాధకులకూ పండుగ రోజు. ఈ రోజున జిల్లేడు ఆకులు తలపై పెట్టుకుని స్నానం చేస్తే చర్మ వ్యాధులు, పాపాలు తొలగిపోతాయని నమ్మకం.

ఈ ఏడాది జనవరి 25న రథసప్తమి జరుపుకుంటున్న సందర్భంగా మీ బంధుమిత్రలుకు ఆకట్టుకునే విషెస్ ఎలా పంపాలో ఇక్కడ చూడండి.

ఇలా విషెస్ చెప్పండి

-సూర్య భగవానుని ఆశీస్సులతో మీకు, మీ కుటుంబానికి సంపూర్ణ ఆరోగ్యం, ఐశ్వర్యం కలగాలని కోరుకుంటూ.. రథ సప్తమి శుభాకాంక్షలు 2026.

-ప్రత్యక్ష దైవమైన సూర్యనారాయణుడి కృపతో మీ జీవితం కాంతివంతం కావాలి. హ్యాపీ రథ సప్తమి 2026.

-సప్త అశ్వాలపై వచ్చే ఆదిత్యుడు, మీ ఇంట సంతోషాల వెలుగులు నింపాలి. రథ సప్తమి శుభాకాంక్షలు.

-ఆరోగ్యం భాస్కరాదిచ్ఛేత్..ఆ భాస్కరుని కరుణతో మీకు అష్టైశ్వర్యాలు, ఆయురారోగ్యాలు సిద్ధించుగాక..హ్యాపీ రథసప్తమి.

-ఓం సూర్యాయ నమః..ఈ రథ సప్తమి పర్వదినాన సూర్య దేవుని అనుగ్రహం మీకు లభించుగాక.

-చీకటిని పారద్రోలి వెలుగును నింపే సూర్యుడిలా, మీ కష్టాలన్నీ తొలగిపోయి విజయాలు రావాలి. రథ సప్తమి శుభాకాంక్షలు.

మాఘ మాసపు మంచులో, సూర్య కిరణాల వెచ్చదనంలా మీ జీవితం హాయిగా సాగిపోవాలి.

సూర్యుని రథం మీ జీవితంలో విజయాలను తీసుకురావాలి. 2026 రథ సప్తమి శుభాకాంక్షలు.

ఏడు గుర్రాల రథంపై వచ్చే సూర్యుడు, మీ జీవితంలో ఏడు జన్మల పుణ్యఫలాన్ని ప్రసాదించుగాక.

-లోక బాంధవుడు, జగత్ రక్షకుడు అయిన సూర్య భగవానునికి భక్తిపూర్వక ప్రణామాలతో.. రథ సప్తమి శుభాకాంక్షలు.

-భానుని కిరణాలు తాకిన ప్రతిచోటా ప్రాణం చిగురిస్తుంది, మీ ఆశలు కూడా అలాగే చిగురించాలి.

-మాఘ శుద్ధ సప్తమి పర్వదినాన మీకు సూర్య అనుగ్రహం కలగాలి.

-జిల్లేడు ఆకులతో స్నానం ఆచరించి, సూర్యుని శక్తిని పొందుదాం. అందరికీ రథ సప్తమి శుభాకాంక్షలు.

-సూర్య జయంతి సందర్భంగా మీ ఇంట సిరిసంపదలు తులతూగాలి.

-ఆది దేవుడు, ఆదిత్యుడు మీ సంకల్పాలన్నీ నెరవేర్చాలి. హ్యాపీ రథ సప్తమి.

-సూర్యుని తేజస్సు మీ ముఖంలో, సూర్యుని శక్తి మీ శరీరంలో ఎల్లప్పుడూ ఉండాలి.

-సత్యం, ధర్మం, న్యాయానికి ప్రతిరూపమైన సూర్యుని సాక్షిగా మీరు ఉన్నత శిఖరాలు అధిరోహించాలి.

-సూర్యుడు తన విధిని క్రమం తప్పకుండా ఎలా నిర్వర్తిస్తాడో, మనం కూడా మన లక్ష్యాలను అలాగే చేధించాలి. రథ సప్తమి శుభాకాంక్షలు.

-ప్రతి ఉదయం సూర్యుడు మనకు కొత్త ఆశను ఇస్తాడు. ఈ రథ సప్తమి మీకు కొత్త అవకాశాలను ఇవ్వాలి.

-కాలం అనే రథాన్ని నడిపే సారథి సూర్యుడు. మీ జీవిత రథం సాఫీగా సాగిపోవాలని కోరుకుంటూ..హ్యాపీ రథ సప్తమి

-సూర్యునిలా ప్రకాశించాలంటే, సూర్యునిలా మండే తత్వం ఉండాలి. రథ సప్తమి స్ఫూర్తితో ముందుకు సాగండి.

-చీకటి ఎంత దట్టంగా ఉన్నా సూర్యోదయం ఆగిపోదు. కష్టాలు ఎన్ని ఉన్నా మీ విజయం ఆగిపోకూడదు.

-దిశను మార్చుకున్న సూర్యునిలా, మీ జీవితం కూడా వైఫల్యాల నుండి విజయాల వైపు మలుపు తిరగాలి.

-నా ఆప్తులందరికీ రథ సప్తమి, సూర్య జయంతి శుభాకాంక్షలు.

-బంగారు రంగులో మెరిసే సూర్యునిలా, నీ భవిష్యత్తు బంగారంలా మారాలి.

-మన స్నేహం సూర్యచంద్రులు ఉన్నంత కాలం నిలిచి ఉండాలి. రథ సప్తమి శుభాకాంక్షలు.

-ప్రత్యక్ష దైవాన్ని కొలుద్దాం.. పాపాలను పోగొట్టుకుందాం. రథ సప్తమి శుభాకాంక్షలు.

-ఉదయించే సూర్యుడు ఎంత అందంగా ఉంటాడో, ఈ రోజు మీకు అంత ఆనందంగా ఉండాలి.

-కుటుంబ సభ్యులందరికీ ఆయురారోగ్యాలు ప్రసాదించమని ఆ సూర్య దేవుడిని వేడుకుంటూ..రథ సప్తమి శుభాకాంక్షలు.