ఈ గడియారం ఒక్క ఒక్క సెకండ్ కదిలితే యుగాంతం అయిపోతుంది.. ఇప్పుడు అందులో టైం ఎంతంటే?

రెండేళ్ల తర్వాత, డూమ్స్ డే క్లాక్ మళ్లీ కదిలింది. ఇప్పుడు అది యుగాంతం సమీపానికి మరో అడుగు ముందుకువెళ్ళింది. ఇప్పటి వరకు 90 సెకండ్ల దూరంలో ఉన్న ఈ క్లాక్ ఇప్పుడు 89 సెకండ్ల దూరంలోకి వచ్చేసింది. అంటే, యుగాంతం దగ్గరపడటానికి మరొక 89 సెకండ్లే మిగిలి ఉంది. దీని అర్థం, మనం యుగాంతం వైపు చాలా దగ్గరగా ఉన్నట్లు. ఈ క్లాక్‌ను అభివృద్ధి చేసిన అణు శాస్త్రవేత్తలు ఏమంటున్నారో తెలుసుకుందాం.

డూమ్స్ డే క్లాక్ అంటే ఏమిటి?

డూమ్స్ డే క్లాక్ అంటే ప్రపంచంలో యుద్ధాలు, భూతాపం, కాలుష్యం, భూకంపాలు, సునామీలు, కరవు, ఆర్థిక సంక్షోభాలు వంటి అనేక సంఘటనలు పెరిగేకొద్దీ, ఇది మనం వినాశనం వైపు సాగిపోతున్నామని సూచిస్తుంది. దీన్ని సూచించడానికి అణు శాస్త్రవేత్తలు డూమ్స్ డే క్లాక్‌ను రూపొందించారు.

ఈ క్లాక్‌ను 1945 నుండి ఉపయోగిస్తున్నారు. 1947లో, అర్థరాత్రి 12 గంటలకు 7 నిమిషాలు మిగిలినప్పుడు ఈ క్లాక్ ప్రారంభం అయ్యింది. తరువాత, ప్రపంచ ఉద్రిక్తతలు పెరిగినప్పుడు, ఈ సమయం తగ్గుతూ.. విధ్వంసం దగ్గరలో ఉందని తెలుపుతుంది. 1960లో, మిడ్‌నైట్ 12 గంటలకు 10 నిమిషాల దూరంలో ఈ క్లాక్ కనిపించింది. 2010లో 6 నిమిషాలకు తగ్గిపోయింది. 2020లో, ఈ సమయం 100 సెకండ్లకు క్షీణించగా, 2023లో 90 సెకండ్లకు పడిపోయింది. ఇప్పుడు, ఇది 89 సెకండ్ల దూరంలో ఉంది.

ప్రపంచ అంతం..

డూమ్స్ డే అనేది ప్రపంచం అంతమయ్యే రోజును సూచిస్తుంది. ఆ రోజు, ఈ క్లాక్‌లో సమయం 12 గంటలకు చేరుకుంటుంది. ఈ రోజు తరువాత ప్రపంచం ఉండదు, అని ఈ క్లాక్ అర్థం. ప్రపంచంలోని పరిస్థితులను అంచనా వేసేందుకు మరియు అవగాహన పెంచేందుకు ఈ క్లాక్ అనధికారికంగా ఉపయోగించబడుతోంది. డూమ్స్ డే క్లాక్ ప్రారంభమైనప్పటి నుంచి, ఇప్పటివరకు ఇంత తక్కువ సమయం యుగాంతానికి మిగిలి ఉండడం ఇదే తొలిసారి.

ఈ గడియారం యొక్క ముఖ్య ఉద్దేశం మనం ప్రపంచం అంతానికి అత్యంత దగ్గరలో ఉన్నామని చెప్పడమే. అలాగే మనుషులను మీ జాతి అంతానికి చాలా దగ్గర సమయం ఉందని తెలుపుతుందని చెబుతున్నారు. అందుకే ఈ వాతావరణాన్ని, భూమిని రక్షించాలని కోరుతున్నారు.