ఆకాశంలో రేపు అద్భుతం.. నల్లగా మారనున్న చంద్రుడు! ఎందుకంటే?

విశ్వం ఎప్పుడూ అంతు చిక్కని రహస్యమే. అందులో ఎన్నో అద్భుతమైన సంఘటనలు ప్రతిరోజూ జరుగుతూ ఉంటాయి. ఆ ఘటనలు ఎప్పుడూ ఆశ్చర్యపరుస్తూనే ఉంటాయి. అందులోని గ్యాలక్సీలు, వాటికి సంబంధించిన చిత్రాలు ఎప్పుడూ ట్రెండింగ్‌లో ఉంటాయి. అయితే రేపు మన విశ్వంలో బ్లాక్ మూన్ కనిపించనుంది. ఇప్పటి వరకు చంద్రుడు పసుపు, ఎరుపు, కొన్ని కొన్ని సార్లు గులాబీ రంగులో కూడా కనిపిస్తుంటాడు. కానీ ఇప్పుడు నలుపు రంగులో దర్శనమివ్వనున్నాడు. దీనికి సంబంధించిన మరిన్ని విషయాలు మనం ఈ స్టోరీలో తెలుసుకుందామా?

నలుపు రంగులో చంద్రుడు

చంద్రుడు ఎప్పుడూ పాలరాతి రంగులో తెల్లగా ప్రకాశిస్తూ కనిపిస్తుంటాడు. ఇప్పటి వరకు చంద్రుడిని అనేక రంగుల్లో చూశాము. కానీ ఈసారి సరికొత్తగా నలుపు రంగులో చూడబోతున్నాము. దీనిని బ్లాక్ మూన్ అని కూడా పిలుస్తుంటారు. దీంతో ప్రపంచ దేశాల్లోనో శాస్త్రవేత్తల చూపు చంద్రుడిపై పడింది. అలాగే స్కై వాచర్ల ఇంట్రెస్ట్ దీనిపై మళ్లిందని చెప్పుకోవచ్చు.

అమెరికాకు చెందిన నావల్ అబ్జర్వేటరీ ప్రకారం ఈ నల్ల చంద్రుడు కొన్ని దేశాల్లో మాత్రమే కనిపించనుంది. ఇంగ్లండ్ టైం ప్రకారం ఈరోజు సాయంత్రం 5:27 గంటలకు ఈ నలుపు చంద్రుడు దర్శనమివ్వనున్నాడు. ఐరోపా, ఆఫ్రికా, ఆసియాలోని కొన్ని దేశాల్లో ఈ సమయంలో నల్ల చంద్రుడు కనిపిస్తాడు. మన దేశంలో కూడా నలుపు చందమామ డిసెంబర్ 31వ తేదీ తెల్లవారు జామున 3:57 గంటలకు కనిపించనున్నాడు.

ఎందుకు ఏర్పడుతుంది?

ఈరోజు సోమవతి అమావాస్య అన్న విషయం తెలిసిందే. అయితే అమావాస్య రాత్రి సూర్యుడు, చంద్రుడు సమాంతరంగా ఉండడంతో పాటు.. భూమిపై చంద్రుడు ప్రకాశించే భాగాన్ని సూర్యుడు కవర్ చేయడం వల్ల ఈ బ్లాక్ మూన్ ఏర్పడుతుంది. కొన్ని కొన్ని సార్లు ఒకే నెలలో రెండు అమావాస్యలు ఏర్పడినప్పుడు కూడా ఈ బ్లాక్ మూన్ కనిపిస్తుంటుంది. ఈ బ్లాక్ మూన్ ఏర్పడడం అనేది అత్యంత అరుదైన సంఘటన అని చెప్పుకోవచ్చు. కొన్ని అనివార్య సంఘటనలలో మాత్రమే ఇది కనిపిస్తుంటుంది.

బ్లూ మూన్ మాదిరిగానే

బ్లాక్ మూన్ కూడా బ్లూ మూన్ మాదిరిగానే ఉంటుంది. అయితే బ్లూ మూన్ పౌర్ణమి వచ్చినప్పుడు ఏర్పడుతుంది. కానీ బ్లాక్ మూన్ అమావాస్య వచ్చిన మరుసటి రోజు కనిపిస్తుంది. మన క్యాలెండర్ ప్రకారం దీనిని నవచంద్ర అని కూడా పిలుస్తుంటారు. బ్లాక్ మూన్ నిజానికి చాలా అరుదుగా జరుగుతుంది. ఇది 29 నెలలకు ఒకసారి మాత్రమే వస్తుంది, కాలానుగుణంగా ప్రతి 33 నెలలకు ఒకసారి వస్తుంది.