మీరు కూడా చిటికెలో గిబ్లి స్టైల్ ఫోటోలు చేసుకోవచ్చు.. సింపుల్ ప్రాసెస్ ఏంటంటే?

సోషల్ మీడియాలో ఎప్పుడు ఏది వైరల్ అవుతుందో చెప్పలేం. ఉన్నట్టుండి కొన్ని వీడియోలు, కొన్ని ట్రెండ్స్ వైరల్ అవుతూ ఉంటాయి. అలానే ఇప్పుడు ఇన్‌స్టాగ్రామ్, వాట్సాప్, ఫేస్‌బుక్, X వంటి సోషల్ మీడియా ప్లాట్‌ఫారమ్‌లలో గిబ్లి స్టైల్(Ghibli-Style) ఆర్ట్ ఫోటోలు వైరల్ అవుతున్నాయి. ఇదొక ట్రెండ్ మాదిరిగా మారిపోయింది ఇప్పుడు. ఈ ట్రెండ్‌పై సోషల్ మీడియా మొత్తం అమితమైన ఆసక్తిని కనబరుస్తోంది. ఆ స్టైల్‌ను ఫోటోలు సృష్టించి, సోషల్ మీడియాలో పోస్ట్ చేస్తున్నారు. గమ్మత్తైన విషయం ఏంటంటే.. ఆ ఫోటోలకు భారీ ఎత్తున మంచి స్పందన లభిస్తుంది. అయితే ఈ స్టోరీలో గిబ్లి స్టైల్ ఫోటోలు ఎలా సృష్టించాలి? ChatGPT ద్వారా మీరు ఈ ఫోటోలను ఎలా క్రియేట్ చేసుకోవచ్చు, దీనికి ఏ ప్రాంప్ట్ వినియోగించాలి అనేది తెలుసుకుందాం.

గిబ్లి స్టైల్ ఫోటోలు: గిబ్లి స్టైల్ ఫోటోలు అనగా, మీరు మీ రియల్ ఫోటోలను అనిమే (Anime) రూపంలో మార్చుకోవడమే. జపాన్‌లోని ప్రముఖ అనిమేషన్ స్టూడియో గిబ్లి నుంచి ఈ స్టైల్ పుట్టింది. అనిమే అభిమానులే కాకుండా, చాలా మంది ఈ ఫీచర్‌ను ఎంతో ఇష్టపడుతున్నారు. వారి ఫోటోలను ChatGPT ద్వారా గిబ్లి స్టైల్‌ ఫోటోలుగా మార్చుకుని, వాటిని సోషల్ మీడియాలో పంచుకుంటున్నారు.

ఫీచర్ వివరాలు: ఈ గిబ్లి స్టైల్ ఫీచర్ మార్చి 26వ తేదీ నుండి ప్రపంచవ్యాప్తంగా అందుబాటులోకి వచ్చింది. మొదట ఈ ఫీచర్ OpenAI ChatGPT ప్లస్ మరియు ప్రో సబ్‌స్క్రైబర్‌లకే అందుబాటులో ఉండగా, ఇప్పుడు ChatGPT ఫ్రీ యూజర్లకు కూడా ఈ ఫీచర్ ఉపయోగించుకునే అవకాశం లభించింది. అలాగే కొంతమంది xAI, Grok చాట్‌బాట్‌లు లేదా జెమినీ AI వంటి ఇతర సాధనాలను ఉపయోగించి గిబ్లి స్టైల్ ఫోటోలు తయారుచేస్తున్నారు. అయితే, OpenAI ChatGPT మోడల్స్ ఈ టూల్స్‌ను బీట్ చేయగలుగుతున్నాయి.

గిబ్లి స్టైల్ ఫోటోలు ఎలా క్రియేట్ చేయాలి:

ముందుగా ChatGPT వెబ్‌సైట్ లేదా యాప్‌ని ఓపెన్ చేయండి.

ఇప్పుడు మీకు నచ్చిన ఫోటోను ఎంచుకోండి.

ChatGPT పేజీ యొక్క ఎడమవైపు ఉన్న '+' ఐకాన్ పై క్లిక్ చేయండి.

ఎంచుకున్న ఫోటోను అప్‌లోడ్ చేసి, "Ghiblify" చేయమని లేదా "Turn this image into Studio Ghibli style" అని అడగండి.

కొన్ని సెకన్లలో, ChatGPT మీ ఫోటోను గిబ్లి స్టైల్‌లో మార్చి ఇవ్వవచ్చు. మీరు ఈ ఫోటోను డౌన్‌లోడ్ చేసుకోవచ్చు.

గిబ్లి స్టైల్ వీడియో: మీరు ఫోటోలను గిబ్లి స్టైల్ వీడియోగా మార్చాలనుకుంటే, మీరు 10 ఫోటోలతో ఫ్రేమ్-వారీగా వీడియో సృష్టించవచ్చు. Python ను ఉపయోగించి, మీరు ఈ ఫోటోలను 5 FPS MP4 రూపంలో కంపైల్ చేయవచ్చు.

అదనపు సూచనలు:

మీరు మరింత ప్రత్యేకమైన గిబ్లి స్టైల్ చిత్రాలను తయారుచేయాలనుకుంటే, ప్రత్యేకమైన ప్రాంప్ట్‌లను ప్రయత్నించవచ్చు. xAI, Grok చాట్‌బాట్ వంటి ఇతర AI టూల్స్ ను ఉపయోగించి కూడా ఈ స్టైల్‌లో చిత్రాలను రూపొందించవచ్చు.

మీకు కావలసిన రూపాన్ని పొందడానికి ఫోటో ఎడిటింగ్ సాఫ్ట్‌వేర్‌ను ఉపయోగించి ఈ చిత్రాలను మెరుగుపరచవచ్చు. ఈ గిబ్లి స్టైల్ ఫోటోలు మరియు వీడియోలు మీకు ఎంతో రంజకంగా అనిపించడానికి, మరియు మీరు ఈ ట్రెండ్‌ను అనుసరించేందుకు ఈ చిట్కాలు ఉపయోగపడతాయి.