మా ఫాదర్సే మాకు రోల్ మోడల్స్ అంటున్నసెలబ్రెటీలు:ఫాదర్స్ డే స్పెషల్

Published: Friday, June 13, 2014, 17:47 [IST]

పిల్లల్ని కనిపెంచటం...వారికి విద్యాబుద్ధులు నేర్పించటం... వారి బంగారు భవిష్యత్తును అందంగా తీర్చిదిద్దటంలో తల్లిదండ్రుల పాత్ర సమానంగావున్నా తల్లికి లభించే గుర్తింపే ఎక్కువ. అంటే తల్లి ప్రేమ సెంటిమెంట్‌గా వ్రాసే కథలు, కవితలు, తీసే సినిమాలు... వీటన్నింటిని చూస్తే తండ్రి పాత్రకు అంతగా ప్రాధాన్యత లభించడం లేదని చెప్పుకోవచ్చు. బిడ్డ కోసం అమ్మ చేసే త్యాగం, ఎంత ముఖ్యమైనదో... నాన్న పడే తాపత్రయం, శ్రమ అంతే ముఖ్యమైనవి.

కానీ తండ్రి శ్రమ, అభిమానం, తాపత్రయం.. అన్నీ పరోక్షమైనవి. నవమాపాలు మోసి పిల్లల్ని కనటం వలన స్ర్తీ (తల్లి)దే పైచేయి. పైగా పిల్లల అవసరాలరీత్యా బాల్యం అంతా అమ్మ చుట్టూ తిరుగుతుంది. అందుకే అమ్మతో ఆ బంధం అంత సులభంగా, సహజంగా ఏర్పడుతుందనటంలో అతిశయోక్తి లేదు. కానీ తండ్రి పిల్లలకు అవసమైన సదుపాయాలను సమకూరుస్తూ వారికి ఏ లోటు రాకుండా చూస్తాడు. పిల్లల దగ్గర ఎప్పుడూ తల్లి ఉండేటట్టు చూసి వారిని కంటికి రెప్పలా కాపాడుతుంటాడు. ఈ నేపథ్యంలో తల్లితో పాటు తండ్రికి కూడా సమాన గౌరవం ఇవ్వాలన్ని ఉద్దేశ్యంతో ప్రతి ఏటా జూన్‌ 3వ ఆదివారం జరుపుకుంటున్నారు.

ప్రపంచవ్యాప్తంగా 52 దేశాల్లో నాన్నల గౌరవార్థం జూన్ నెలలోని మూడవ ఆదివారాన్ని "పితృ దినోత్సవం (ఫాదర్స్ డే)"గా పాటిస్తున్నారు. మాతృత్వానికే కాక పితృత్వానికి కూడా విలువనిస్తూ... తమ ఎదుగుదలకు అహర్నిశలూ పాటుపడుతున్నతండ్రికి తమ ప్రేమ కానుకగా పిల్లలందరూ ఈ "ఫాదర్స్ డే"ని జరుపుకుంటున్నారు. కుటుంబం కోసం అనుక్షణం ఎంతో కష్టపడినా ఎప్పుడూ తెర వెనకాలే ఉండే వ్యక్తి నాన్న. ఆయన ప్రేమ ఎవరికీ అర్థం కాదు. ఎంత సేపూ అందరూ అమ్మ గురించే చెప్తారు.. మరి నాన్న గురించి చెప్పేదెవరు. నాన్నలను గుర్తుంచుకునేందుకు మాతృ దినోత్సవం లాగే, పితృ దినోత్సవం ఎందుకు ఉండకూడదని ఆలోచించిన సొనోరా అనే మహిళ ఆలోచనలకు ప్రతిరూపమే "ఫాదర్స్ డే". మరి ఈ ఆదివారం రాబోతున్న ఫాదర్స్ డే సందర్భంగా కొంత మంది సెలబ్రెటీలకు వారి ఫాదర్సే వారి రోల్ మోడల్స్, వారి ప్రవర్తనలోనూ, అలవాట్లలోనూ, డ్రెస్సింగ్ సెన్స్ లోనూ చివరకూ వారి వృత్తిలో కూడా వారి తండ్రులే రోల్ మోడల్స్ అని చెప్పటానికి నిదర్శనంగా క్రింది ఫోటోలు...