హాఫ్ శారీలో హాట్ స్టిల్స్ తో పిచ్చెక్కిస్తున్నహీరోయిన్స్

Updated: Saturday, March 1, 2014, 15:23 [IST]

మన భారతీయ సాంప్రదాయంలో ఏ పండగైనా, ఏ పార్టీ ఫంక్షన్‌ అయినా చీరకట్టుకోవడం, లంగా వోనీ వేసుకోవడంతో సాంప్రదాయ కళ ఉట్టిపడుతుంది. ‘ఓణీ' అనే పదం ‘ఒడి' అనే సాధారణ వ్యావహారిక రూపానికి సంస్కరణ. కాగా టీనేజీ అమ్మాయిలకు ప్రత్యేకతను ఆపాదించి పెడ్తున్న ఓణీ మన దేశంలో ఓ ప్రత్యేక సాంస్కృతిక అస్తిత్వ రూపంగా వేళ్ళూనుకుందని చెప్పాలి. ప్రధానంగా ద్రవిడ సంస్కృతికి ఆలవాలమైన దక్షిణ భారతదేశంలో ఓణీ కనిపిస్తుంది. కాగా, ఓణీని సీమాంవూధలో ‘పరికిణి' అని, తమిళ-మలయాళ ప్రాంతాల్లో ‘లంగా ధావని' అని, ఉత్తర భారతదేశంలో ‘ఓడినీ' అనీ పిలుస్తారు.

ఓణీ ధారణలోని సూత్రం ఒకటే ఐనా కట్టే తీరులో, పిలిచే తీరులో మాత్రం స్థానిక సంస్కృతులే ఆధారంగా మారాయి. కానీ, భారతదేశంలో ఈ చివరి నుంచి ఆ చివరి వరకూ ఓణీ అంటే యవ్వనం.. వసంతం! ఓణీ అంటే పదహారేళ్ళ వయసు! బాలిక దశ నుండి యువతిగా ప్రమోషన్ పొందిన స్థితికి ఇదొక సింబాలిక్ పతాక (వస్త్రం).

సాధారణంగా ఓణీ అంటే ట్రాన్స్‌పంట్‌గా ఉంటూ 2 నుండి 2.5 మీటర్ల పొడవుండే విభిన్న రంగుల వస్త్రం. సిల్క్, కాటన్, షిఫాన్, జార్జెట్ వంటి విభిన్నమైన వస్త్రాల రకాలను ఓణీగా ధరించడం మామూలే. వీటికి తోడు సింథటిక్ మెటీరియల్ అయిన క్రేప్, నైలాన్ వంటి వాటితో తయారైన వస్త్రాలను కూడా ఓణీగా వాడే సంప్రదాయం ఉంది. కాగా, ఓణీ రంగే ఎంతో ఆకర్షణీయంగా ఉంటుంది. ఇక, ఓణీని మరింత ఆకర్షణీయంగా మలిచేందుకు దీనిపై రకరకాల అలంకారాలు చేయడం ఫ్యాషన్‌గా మారింది. అలా ఇప్పుడు ఓణీలపై ఎంబ్రాయిడరీని, అద్దాలను, జరీ వర్క్‌ను చేస్తూ ఓణీకి కొత్త హంగులను తీసుకొస్తున్నారు. ఇక, మన తెలంగాణ ప్రాంతంలో ‘పట్టు ఓణీ' అంటే మహా క్రేజ్!

తెలుగు సినిమాల్లో హీరోయిన్‌లు ఏ ప్రాంతం నుండి దిగుమతైన వారైనప్పటికీ, వారిని తెలుగీకరించి ‘నేటివైజ్' చేసిన కాస్ట్యూమ్స్-లంగా ఓణీనే! తెలుగు జీవన శైలిలో లంగా-ఓణీ ఇంత ప్రాధాన్యం సంతరించుకున్నప్పటికీ, మన తెలుగు సినిమాలలో ఓణీపై ప్రత్యేక పాటలు సాహిత్యపరంగా వచ్చినవి తక్కువే. అయితే దృశ్యపరంగా లంగా-ఓణీ కాస్ట్యూమ్స్‌లో హీరోయిన్‌లపై చిత్రీకరించిన పాటలు లెక్కకు మిక్కిలే ఉన్నాయి. అలా లంగా-ఓణీల్లో అమ్మాయిల సౌందర్యాన్ని మరింత సొగసుగా చూపించిన హీరోన్లు...