రంగురంగుల గాజుల సవ్వడిలో దాగున్న అర్థాలు

రెట్ బ్యాంగిల్స్

ఎరుపు రంగు గాజులు అంటే చాలా ప్రీతికరం. వీటిని ఎక్కువగా సంప్రదాయ పూజలు, వ్రతాలు, పెళ్లిళ్ల సమయంలో ఎక్కువగా వాడుతారు. ఎరుపు రంగు ఎక్కువగా అమ్మవారికి ఇష్టమని పెద్దవాళ్లు చెబుతుంటారు. రెడ్ కలర్ బ్యాంగిల్స్ ధరించడం వల్ల ఎనర్జీ, శ్రేయస్సు కలుగుతుంది.

గ్రీన్ బ్యాంగిల్స్

గ్రీన్ కలర్ బ్యాంగిల్స్ కూడా మంగళకరంగా భావిస్తారు. ఎరుపు రంగు గాజులతో పాటు, ఆకుపచ్చ బ్యాంగిల్స్ ని ఎక్కువ కలిపి వేసుకుంటు ఉంటారు. ముత్తైదువులు ఎక్కువగా ఆకుపచ్చ గాజులకే ప్రాధాన్యత ఇస్తారు. అయితే గ్రీన్ బ్యాంగిల్స్ ధరించడం వల్ల అదృష్టంతో పాటు మంచి జరుగుతుంది. అలాగే సంతానోత్పత్తిని కూడా ఈ గ్రీన్ బ్యాంగిల్స్ సూచిస్తాయి.

ఎల్లో బ్యాంగిల్స్

పసుపు రంగును కూడా ఎక్కువగా మంగళప్రదంగా భావిస్తారు. ఎందుకంటే.. పూజల్లో వాడే పసుపుతో సమానమని. అయితే ఎల్లో కలర్ బ్యాంగిల్స్ వేసుకోవడానికి ఎవరూ ఇష్టపడరు. కానీ కొన్ని సందర్భాల్లో మ్యాచింగ్ కోసం మాత్రమే వాడుతూ ఉంటారు. అయితే ఎల్లో బ్యాంగిల్స్ వేసుకోవడం వల్ల సంతోషంగా, ఆనందంగా ఉంటారట.

వైట్ బ్యాంగిల్స్

వైట్ బ్యాంగిల్స్ కూడా ఎక్కువ మ్యాచింగ్ పర్పస్ వాడుతారు. అయితే వైట్ బ్యాంగిల్స్ ట్రెండీగా ఉంటాయి. ఇవి వేసుకుంటే.. కొత్త కొత్త మలుపులు జరుగుతాయి. మీ జీవితంలో ఏదో కొత్తదనం రాబోతోందని అర్థం.

సిల్వర్ బ్యాంగిల్స్

సిల్వర్ కలర్ బ్యాంగిల్స్ స్ర్టెంగ్త్ ని సూచిస్తాయి. వీటిని ధరించడం వల్ల ఎక్కడ వెనకడుగు వేయకుండా.. ధైర్యంగా ముందుకు వెళ్లే శక్తిని మీలో కలిగిస్తాయి.

గోల్డ్ బ్యాంగిల్స్

బంగారు వర్ణపు గాజులు, బంగారు గాజులు అదృష్టాన్ని, శ్రేయస్సుకి సంకేతాలు. బంగారు గాజులు చేతిలో ఉంటే అదృష్టం మిమ్మల్ని వరిస్తుంది.

పర్పల్ బ్యాంగిల్స్

పర్పల్ కలర్ బ్యాంగిల్స్ మీ స్వతంత్రతని సూచిస్తాయి. ఎవరిపైనా ఆధారపడకుండా.. సొంతంగా ఏదైనా సాధించగలరన్న ధైర్యాన్ని ఈ గాజులు తెలుపుతాయి.