అరచేతి పై త్రిశూలం గుర్తు ఉంటే ఎంత అదృష్టమో మీకు తెలుసా?

శుక్రుడి శిఖర భాగంలో త్రిశూలం గనుక ఉంటే :

శుక్రుడి శిఖర భాగం లో త్రిశూలం గనుక ఉంటే, అటువంటి వ్యక్తులు చాలా అదృష్టవంతులు. అంతేకాకుండా, వారు వారియొక్క జీవితంలో నిజమైన ప్రేమను పొందగలరు. అదే సమయంలో ఎదుటి వ్యక్తుల యొక్క భావాలను చక్కగా అర్ధం చేసుకుంటారు మరియు చుట్టూ ఉన్న సానుకూల దృక్పధాన్ని ఆస్వాదిస్తారు మరియు అభినందిస్తారు.

అంగారకుడి శిఖర భాగంలో లేదా క్రింది భాగంలో త్రిశూలం గనుక ఉంటే :

అంగారకుడి క్రింది భాగంలో త్రిశూలం గనుక ఉంటే అటువంటి వ్యక్తులు ఎన్నో వ్యయప్రయాసలకు ఓర్చి చాలా ఆలస్యం తర్వాత ఎంతో ధనాన్ని, ఐశ్వర్యాన్ని పొందుతారు.

అదే సమయంలో అంగారకుడి శిఖరానికి పై భాగంలో గనుక త్రిశూలం ఉంటే అటువంటి వ్యక్తి ఒక విజయవంతమైన క్రీడాకారుడిగా లేదా పోలీస్ ఆఫీసర్ గా ఎదుగుతాడు.

తల గీత చివర గనుక త్రిశూలం ఉంటే :

త్రిశూలం లోని ఒక భాగం చంద్రుడి శిఖరం దగ్గరికి మరియు మరొక భాగం బుధుడు యొక్క శిఖరం దగ్గరకు గనుక వెళ్తే అటువంటి వ్యక్తులు వృత్తి పరంగా విజయవంతమవుతారు. ఆ వ్యక్తికి మంచి వ్యాపార లక్షణాలు మరియు అత్యద్భుతంగా మాట్లాడే లక్షణాలు కూడా ఉన్నాయని అర్థం.

చంద్రుడి శిఖరం పై త్రిశూలం గనుక ఉంటే :

చంద్రుడి శిఖరం పై గనుక త్రిశూలం ఉంటే, అటువంటి వ్యక్తులు చాలా శక్తివంతమైన ఊహలు కలిగి ఉంటారు మరియు ఎంతో సృజనాత్మకంగా ఆలోచించగలరు. అంతేకాకుండా వీరు స్వాభావికంగానే ఎంతో ప్రేమగా ఉంటారు.

గుండె గీతకు చివర గనుక త్రిశూలం ఉంటే :

గుండె గీతకు చివర త్రిశూలం ఉంటే, చాలా అదృష్టం అని అర్ధం. ముఖ్యంగా చిత్రంలో చూపించినట్లుగా గురుడి యొక్క శిఖరం దగ్గర అది సమాప్తం అవుతుంటే, అది వారికి ఎంతో అదృష్టాన్ని కలిగిస్తుంది. ఈ వ్యక్తులు మానసికంగా, శారీరకంగా మరియు భావోద్వేగ పరంగా చాలా ధృడంగా ఉంటారు. మిగతావారితో పోలిస్తే చాలా స్థిరంగా కూడా వ్యవహరిస్తారు. సాధారణంగా ఈ గుర్తు బాగా డబ్బున్న ప్రజల దగ్గర చూడవచ్చు.

అదృష్ట గీత గనుక త్రిశూలం దగ్గర సమాప్తం అయితే:

త్రిశూలం గుర్తు దగ్గర గనుక అదృష్ట గీత సమాప్తం అయితే, అటువంటి వ్యక్తులు చాలా విజయవంతులు అవుతారని మరియు బాగా డబ్బు కూడా సంపాదిస్తారని, ఖచ్చితత్వంతో కూడిన సూచనను ఇస్తుంది. శని యొక్క శిఖర భాగంలో త్రిశూలం గనుక సమాప్తం అయితే, అటువంటి వ్యక్తులు ఆస్తి లేదా స్థిరాస్తి లావాదేవీలు లేదా ఇతర వ్యాపారాల వల్ల బాగా డబ్బుని సంపాదిస్తారట.

బుధుడు యొక్క శిఖరం పై త్రిశూలం గనుక ఉంటే :

బుధుడు యొక్క శిఖరం పై త్రిశూలం గనుక ఉంటే, అటువంటి వ్యక్తులు ధనాన్ని బాగా సంపాదిస్తారు. వాళ్ళు పనిచేసే వృత్తిలో కూడా పదోన్నతి పొందుతారు. అంతేకాకుండా వారు వ్యాపారం గనుక చేస్తుంటే బాధ్యత కూడా పెరుగుతుంది మరియు మాట్లాడే నైపుణ్యం కూడా మెరుగవుతుంది. ఎవరికైతే ఈ గుర్తు ఉంటుందో అటువంటి వ్యక్తులు పెద్ద జనసమూహం ఉన్నా కూడా అందరి దృష్టిని ఆకర్శించగలరు మరియు వారి యొక్క పేరు ప్రఖ్యాతలు కూడా బాగా పెరుగుతాయి. ఎందుకంటే, వారికి అందరిని ఆకర్శించే వ్యక్తిత్వం, స్వభావము తో పాటు అందరినీ తమ వైపు తిప్పుకోగల వాగ్దాటి కలిగి ఉంటారు.

గురుడి యొక్క శిఖరం పై త్రిశూలం గనుక ఉంటే :

గురుడి యొక్క శిఖరం పై త్రిశూలం గనుక ఉంటే, అటువంటి వారికి ఎంతో గుర్తింపు లభిస్తుంది మరియు అత్యద్భుతమైన విజయాలను కూడా అందుకుంటారు. ఇటువంటి వ్యక్తులు ఎక్కువగా ఆశయం సాధించాలని పరితపిస్తుంటారు మరియు చుట్టూ ఉన్న వ్యక్తులను పోగుచేసి వారికి నాయకత్వం వహించాలని కోరుకుంటారు. ఇటువంటి గుర్తులు సాధారణంగా నాయకుల దగ్గర చూడవచ్చు.

శని యొక్క శిఖరం పై త్రిశూలం గనుక ఉంటే :

శని యొక్క శిఖరం పై త్రిశూలం గనుక ఉంటే, అటువంటి వ్యక్తులకు అత్యద్భుతమైన జ్ఞానం ఉందని తెలియజేస్తుంది మరియు భౌతిక ధనాన్ని కూడా కలిగి ఉంటారు. ఏ వ్యక్తులకైతే ఇటువంటి గుర్తులు ఉంటాయో అటువంటి వారు వృత్తిపరంగా ఎంతో కష్టపడి మరియు పోరాటం చేసి ధనవంతులు అవుతారు మరియు వృత్తి పరంగా విజయాలను కూడా అందుకుంటారు.

సూర్యుడి యొక్క శిఖరం పై త్రిశూలం గనుక ఉంటే :

సూర్యుడి యొక్క శిఖరం పై త్రిశూలం గనుక ఉంటే, అది అరచేతి పై చుక్కతో సమానం. ఈ గుర్తు ఎవరికైతే ఉంటుందో అటువంటి వారు పేరు ప్రఖ్యాతలు సంపాదిస్తారు, ధనవంతులు అవుతారు, విజయవంతమవుతారు మరియు వృత్తిపరంగా ఎన్నో శిఖరాలను చేరుకొంటారు.