దిన ఫలాలు: సోమవారం 18 డిసెంబర్ 2017

Posted By: DEEPTHI T A S
Subscribe to Boldsky
Daily Horoscope Telugu దిన ఫలాలు 18 -12-2017

భారతదేశం లేదా పాశ్చాత్య జ్యోతిష్య శాస్త్రాల ప్రకారం మన జీవిత గమనాలు అంతరిక్షంలోని నక్షత్ర సమూహాలతో ఏర్పడ్డ వివిధ జన్మరాశుల స్థితి, గమనం పై ఆధారపడి ఉంటాయి. మొత్తం పన్నెండు రాశులు ఉంటాయి. ఈ పన్నెండు రాశుల జ్యోతిష్య ఫలితాలు ఆయా సమయాల్లో గోచార స్థితిగతులను దృష్టిలో పెట్టుకుని ఇవ్వటం జరుగుతుంది. ఈ ఫలితాలు సామాన్యంగా అన్ని వర్గాలకు కలిపి చెప్తారు. వ్యక్తిగతంగా మీ భవిష్యత్తు తెలుసుకోవాలనే ఆసక్తి వుంటే దగ్గరలో ఉన్న జ్యోతిష్య నిపుణుడి వద్ద సంప్రదించి , మీ జన్మ వివరాలను తీసుకువెళ్ళి జాతకాలను, వాటిలో దోషాలు, దానికి పరిష్కారాలు వివరంగా తెలుసుకోవచ్చు.

ఈ నాటి దినఫలాలు అష్టలక్ష్మీ జ్యోతిష్య నిలయానికి చెందిన పెద్దలు బ్రహ్మశ్రీ శ్రీ నలమాటి కొండలరావు గారి నోటి మాటల్లోనే..

ఓం శ్రీ గురుభ్యోనమః

అఖిల భారత తెలుగు ప్రేక్షకులందరికీ అష్టలక్ష్మీ జ్యోతిష్య నిలయం వారి నమఃస్సుమాంజలి.

ది. 18-12-2017 తారీఖు, సోమవారం నాటి వారఫలాలను ఒకసారి పరిశీలిద్దాం. హేమలంబి నామ సంవత్సరం, దక్షియాణనం, హేమంత రుతువు, శీతాకాలం, మార్గశిర మాసం, అమావాస్య ఉదయం 10 గంటల 53 నిమిషాల వరకూ ఉంది. జ్యేష్ఠా నక్షత్రం ఉదయం 6 గంటల 50 నిమిషాల వరకూ ఉంది. అమృత సమయం 2 గంటల 20 నిమిషాల నుంచి 4 గంటల 16 నిమిషాల వరకూ ఉంది. వర్జ్యం మధ్యాహ్నం 3 గంటల 52 నిమిషాల నుండి 5 గంటల 53 నిమిషాల వరకూ ఉంది. దుర్ముహర్తం మధ్యాహ్నం 12 గంటల 18 నిమిషాల నుండి ఒంటి గంట 22 నిమిషాల వరకూ ఉంది. దుర్ముహర్తం మరలా మధ్యాహ్నం 2 గంటల 31 నిమిషాల నుండి 3 గంటల 15 నిమిషాల వరకూ ఉంది. సూర్యోదయ సమయం 6 గంటల 23 నిమిషాలకు, సూర్యాస్తమయ సమయం 5 గంటల 23 నిమిషాలకు.

మేష రాశి వారికి ;

మేష రాశి వారికి ;

దూర సంభాషణలు చేస్తారు. భార్య సహాయంతో కఠినమైన పనులు పూర్తి చేస్తారు. తల్లిదండ్రుల ప్రేమను గెలుస్తారు. పిల్లలతో షికారు చేస్తారు. వృత్తి వ్యాపారాలు భాగ్యాన్ని కలుగచేస్తాయి.

వృషభ రాశి వారికి ;

వృషభ రాశి వారికి ;

తలచిన కోరికలు నెరవేరుతాయి. కొన్ని అవకాశాలు చేజారకుండా చూడాలి. పని వారి సహకారం ఉంటుంది. భార్యతో అనుకూల దాంపత్యం కలదు. సోదర సహకారం కూడా ఉంటుంది.

మిథున రాశి వారికి ;

మిథున రాశి వారికి ;

చేయు పనులు పూర్తి చేస్తారు. ధనానికి కొరత ఉంటుంది. పిల్లలు బాధ్యతతో వ్యవరిస్తారు. భార్యతో అనుకూల దాంపత్యం కలదు. వృత్తి వ్యాపారాలు సంతృప్తిని ఇస్తాయి.

కర్కాటక రాశి వారికి ;

కర్కాటక రాశి వారికి ;

చేయు పనులలో ఆటంకాలు ఉంటాయి. కొత్త పనులు చేజారకుండా చూసుకోవాలి. ఇంటికి సంబంధించిన పనులన్నీ చూస్తారు. పిల్లలతో ఆనందంగా గడుపుతారు. వృత్తి వ్యాపారాలు బాగుంటాయి.

సింహ రాశి వారికి ;

సింహ రాశి వారికి ;

పిల్లల అవసరాలు అన్నీ చూస్తారు. దగ్గరి బంధువుల రాకపోకలు ఉంటాయి. చిన్న ప్రయాణాలు కూడా చేస్తారు. ఇంటికి కావాల్సిన అవసరాలన్నీ తీరుస్తారు. దైవ దర్శన ప్రాప్తి కలదు. వృత్తి వ్యాపారాలు బాగుంటాయి.

కన్యా రాశి వారికి ;

కన్యా రాశి వారికి ;

గృహ అవసరాలు తీరుస్తారు. పనివారి సహకారం ఉంటుంది. ధన ప్రణాళికలు అనుకూలిస్తాయి. తల్లిదండ్రుల ఆరోగ్యం పట్ల శ్రద్ధ అవసరం. వృత్తి వ్యాపారాలు అనుకూలిస్తాయి.

తులా రాశి వారికి ;

తులా రాశి వారికి ;

ధన ప్రణాళికలు అనుకూలిస్తాయి. అనుకున్న పనులు పట్టుదలగా పూర్తి చేస్తారు. దగ్గరి ప్రయాణాలు కూడా చేస్తారు. సోదర కలయికలు కూడా ఉంటాయి. వృత్తి వ్యాపారాలు బాగుంటాయి.

వృశ్చిక రాశి వారికి ;

వృశ్చిక రాశి వారికి ;

భార్య సహకారం పూర్తిగా ఉంటుంది. దూర ప్రాంత బంధువుల సమాచారం వింటారు. వృత్తి వ్యాపారాలు ధనం కలుగచేస్తాయి.

ధనూ రాశి వారికి ;

ధనూ రాశి వారికి ;

మనస్సు ఆనందంగా ఉంటుంది. మంచి భోజనం లభిస్తుంది. బంధు మిత్రుల సహకారం కూడా ఉంటుంది. తండ్రి గారి ఆశీర్వాదం పొందండి. వృత్తి వ్యాపారాలు సామాన్యంగా ఉంటాయి.

మకర రాశి వారికి ;

మకర రాశి వారికి ;

తలచిన పనులు ఆటంకాలతో వాయిదా పడతాయి. ఆధ్యాత్మిక చింతన ఉంటుంది. వృత్తి వ్యాపారాలు పట్టుదలతో పూర్తి చేస్తారు. భార్య మాటలు అంతగా రుచించవు. కుటుంబ సభ్యులతో ఎక్కడన్నా దూరంగా కాలక్షేపం చేసి వస్తారు.

కుంభ రాశి వారికి ;

కుంభ రాశి వారికి ;

బంధు మిత్రుల కలయికలు ఉంటాయి. ఇంటి అవసరాలు తీరుస్తారు. పని వారి సహాయ సహకారాలు లభిస్తాయి. తండ్రి గారి ఆశీర్వాదం పొందండి. వృత్తి వ్యాపారాలు లాభిస్తాయి.

మీన రాశి వారికి ;

మీన రాశి వారికి ;

వృత్తి వ్యాపారాలు అనుకూల లాభాన్ని ఇస్తాయి. దైవ దర్శన ప్రాప్తి కలదు. పిల్లలతో ఆనందంగా గడుపుతారు. భార్య సహకారం పూర్తిగా ఉంటుంది. కొన్ని పనులు వాయిదా వేయటం మంచిది.

ఇప్పటి వరకూ ఈ నాటి దిన ఫలితాలను చూసారు కదా ! మీకేమైనా సందేహాలు ఉంటే నన్ను కాంటాక్ట్ చేయండి. అది కూడా ఉదయం 9 గంటల నుండి 10 గంటల వరకు. సాయంత్రం 5 గంటల నుంచి 6 గంటల వరకు.

సర్వేజనా సుఖినోఃభవంతు

సమస్త సన్మంగళానిభవంతు

అందరికీ నా నమస్కారం.

English summary

horoscope for 18th December 2017 | daily horoscope | astrology

Did you know that all the 12 horoscopes are assigned with any of the four elements- Fire, Air, Earth and Water? There are three zodiac signs assigned to each element and hence they are called as Triplices. All the zodiac signs which come under each of these elements have few common characteristics.