Just In
- 1 hr ago నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- 3 hrs ago ఈ అలవాట్లు ఉన్నవారికి తీవ్ర కడుపులో అల్సర్ వచ్చే అవకాశం ఉంది...వెంటనే బయటపడండి...!
- 5 hrs ago Car Vastu Tips: కారు ఉందా అయితే ఈ వాస్తు నియమాలు పాటించండి..ఈ డైరెక్షన్ లో పార్క్ చేస్తే
- 5 hrs ago Today Raja Yoga: ఈరోజు రాజయోగం ఏర్పడింది: కన్యారాశితో సహా 5 రాశులకు ఆనందం, శ్రేయస్సు
దిన ఫలాలు: శనివారం 30 డిసెంబర్ 2017
భారతదేశం లేదా పాశ్చాత్య జ్యోతిష్య శాస్త్రాల ప్రకారం మన జీవిత గమనాలు అంతరిక్షంలోని నక్షత్ర సమూహాలతో ఏర్పడ్డ వివిధ జన్మరాశుల స్థితి, గమనం పై ఆధారపడి ఉంటాయి. మొత్తం పన్నెండు రాశులు ఉంటాయి. ఈ పన్నెండు రాశుల జ్యోతిష్య ఫలితాలు ఆయా సమయాల్లో గోచార స్థితిగతులను దృష్టిలో పెట్టుకుని ఇవ్వటం జరుగుతుంది. ఈ ఫలితాలు సామాన్యంగా అన్ని వర్గాలకు కలిపి చెప్తారు. వ్యక్తిగతంగా మీ భవిష్యత్తు తెలుసుకోవాలనే ఆసక్తి వుంటే దగ్గరలో ఉన్న జ్యోతిష్య నిపుణుడి వద్ద సంప్రదించి , మీ జన్మ వివరాలను తీసుకువెళ్ళి జాతకాలను, వాటిలో దోషాలు, దానికి పరిష్కారాలు వివరంగా తెలుసుకోవచ్చు.
ఈ నాటి దినఫలాలు అష్టలక్ష్మీ జ్యోతిష్య నిలయానికి చెందిన పెద్దలు బ్రహ్మశ్రీ శ్రీ నలమాటి కొండలరావు గారి నోటి మాటల్లోనే..
ఓం శ్రీ గురుభ్యోనమః
అఖిల భారత తెలుగు ప్రేక్షకులందరికీ అష్టలక్ష్మీ జ్యోతిష్య నిలయం వారి నమఃస్సుమాంజలి.
ది. 30-12-2017 తారీఖు, శనివారం నాటి దిన ఫలాలను ఒకసారి పరిశీలిద్దాం. హేమలంబి నామ సంవత్సరం, దక్షియాణనం, హేమంత రుతువు, శీతాకాలం, పుష్య మాసం, శుద్ధ ద్వాదశి శనివారం మధ్యాహ్నం 3 గంటల 36 నిమిషాల వరకు ఉంది. కృత్తికా నక్షత్రం రాత్రి 12 గంటల 13 నిమిషాల వరకూ ఉంది. అమృత సమయం మధ్యాహ్నం 3 గంటల 51 నిమిషాల నుండి 5 గంటల 21 నిమిషాల వరకూ ఉంది. వర్జ్యం ఉదయం 6 గంటల 17 నిమిషాల నుండి 8 గంటల 45 నిమిషాల వరకూ ఉంది. దుర్ముహర్తం ఉదయం 7 గంటల 45 నిమిషాల వరకూ. సూర్యోదయ సమయం ఉదయం 6 గంటల 34 నిమిషాలకు, సూర్యాస్తమయ సమయం 5 గంటల 32 నిమిషాలకు.
మేష రాశి: 21 మార్చి-20 ఏప్రిల్
ధనానికి సంబంధించిన ప్రణాళికలు వేస్తారు. భార్య సహకారంతో విజయాలు సాధిస్తారు. తండ్రి గారి ఆశీర్వాదం ఉంటుంది. వృత్తి వ్యాపారాలు భాగ్యాన్ని కలుగచేస్తాయి. ధనానికి సంబంధించి ఆలోచనలు చేస్తారు.
వృషభ రాశి: 21 ఏప్రిల్-21 మే
అనుకున్నవన్నీ పూర్తి చేస్తారు. విందు భోజనం కూడా లభిస్తుంది. సోదరులు, పని వారి సహకారం ఉంటుంది. చేయు పనులలో అడ్డంకులు ఉంటాయి. దూరపు ప్రాంత వార్తలు వింటారు.
మిథున రాశి: 22 మే-21 జూన్
ఆర్థిక ఇబ్బందులు ఉంటాయి. ఆధ్యాత్మిక చింతన కూడా ఏర్పడుతుంది. ఖర్చు గురించి ఆలోచన ఏర్పడుతుంది. వృత్తి వ్యాపారాలు బావున్నాయి. పిల్లలతో ఆనందంగా గడుపుతారు.
కర్కాటక రాశి: 22 జూన్-22 జూలై
అనుకున్న పనులు ఆటంకాలతో జరుగుతాయి. బంధు మిత్రుల కలయికలు ఉంటాయి. వారితో ఆనందంగా గడుపుతారు. గృహ సంబంధించిన పనులు పూర్తి చేస్తారు. పిల్లలు వారి పనులు సక్రమంగా పూర్తి చేస్తారు.
సింహ రాశి: 23 జూలై-21 ఆగష్ట్
దగ్గరి ప్రయాణాలు చేయవలసి వస్తుంది. దైవ దర్శన ప్రాప్తి కలదు. ఖర్చుల గురించి కొంచెం ఆలోచించవలసిన సమయం. పిల్లల విషయం సంతృప్తినిస్తుంది. వృత్తి వ్యాపారాలు బాగుంటాయి.
కన్యా రాశి : 22 ఆగష్ట్-23 సెప్టెంబర్
పని వారి సహాయ సహకారాలు ఉంటాయి. ధన ప్రణాళికలు వేయవలసి ఉంటుంది. ఇంటి పనులు శ్రద్ధగా పూర్తి చేస్తారు. పిల్లల ప్రవర్తనపై ఒక కన్నేసి ఉంచాలి. దూరపు బంధువుల రాకపోకలు ఉంటాయి. వృత్తి వ్యాపారాలు సామాన్యంగా ఉంటాయి.
తులా రాశి: 24 సెప్టెంబర్-23 అక్టోబర్
అనుకున్న పనులు బాధ్యతగా పూర్తి చేయవలసి ఉంటుంది. వ్యాపార ప్రణాళికలు అనుకూలిస్తాయి. అధికారులు ప్రసన్నం అవుతారు. కొన్ని అవకాశాలు చేజారిపోయే అవకాశం ఉంది. వృత్తి వ్యాపారాలు బాగుంటాయి.
వృశ్చిక రాశి: 24 అక్టోబర్-22 నవంబర్
భార్య సహకారంతో అనుకున్న పనులు పూర్తి చేస్తారు. భార్యతో అనుకూల దాంపత్యం కలదు. దైవ దర్శన ప్రాప్తి కూడా చేస్తారు. దూరపు బంధువుల వార్తలు కూడా వింటారు. వృత్తి వ్యాపారాలు లాభాన్ని ఇస్తాయి.
ధనూ రాశి: 23 నవంబర్-22 డిసెంబర్
కొన్ని పనులు సులువుగా జరుగుతాయి. కొన్ని పనులు కష్టంగా జరుగుతాయి. ధనానికి ఇబ్బందులు ఉన్నాయి. కొత్త అవకాశాలు చేతికి వచ్చి జారిపోయే ప్రమాదం ఉంది. జాగర్త పడాల్సిన సమయం. వృత్తి వ్యాపారాలు సామాన్యంగా ఉంటాయి.
మకర రాశి: 23 డిసెంబర్-20 జనవరి
పిల్లలతో ఆనందంగా గడుపుతారు. భార్య సహకారంగా కూడా ఉండగలదు. తండ్రి గారి ఆశీర్వాదం ఉంటుంది. వృత్తి వ్యాపారాలు లాభాన్ని ఇస్తాయి.
కుంభ రాశి: 21 జనవరి-20 ఫిబ్రవరి
ఇంటికి సంబంధించిన పనులు పూర్తి చేస్తారు. తల్లి గారి ఆశీర్వాదం కూడా ఉంటుంది. పిల్లలు చేసే పనులపై ఒక కన్నేసి ఉంచాలి. చేయు పనులందు లాభాన్ని ఆశిస్తారు. వృత్తి వ్యాపారాలు బాగుంటాయి.
మీన రాశి: 20 ఫిబ్రవరి-20 మార్చి
దగ్గరి ప్రయాణాలు చేయవలసి వస్తుంది. పిల్లల యెడల శ్రద్ధ వహించాలి. వృత్తి వ్యాపారాలు బాగా అనుకూలిస్తాయి. దైవ దర్శన ప్రాప్తి కలదు. అనుకున్న పనులందు ఆటంకాలు కూడా ఉన్నాయి.
ఇప్పటి వరకూ ఈ నాటి దిన ఫలితాలను చూసారు కదా ! మీకేమైనా సందేహాలు ఉంటే నన్ను కాంటాక్ట్ చేయండి. అది కూడా ఉదయం 9 గంటల నుండి 10 గంటల వరకు.
సర్వేజనా సుఖినోఃభవంతు
సమస్త సన్మంగళానిభవంతు
అందరికీ నా నమస్కారం.