చేతిపై ఉండే రేఖల వల్ల అక్రమసంబంధం ఉన్నట్లు తెలుసుకోవొచ్చు, వివాహ రేఖలు చెప్పే నిజాలు, రెండు రేఖలుంటే

పెళ్లి రేఖ ఒకటే ఉంటుంది

చాలా మందికి పెళ్లి రేఖ ఒకటే ఉంటుంది. అయితే కొంత మందికి మాత్రం వివాహ రేఖలు రెండు మూడు కూడా ఉంటాయి. ఈ రేఖలు ఎన్ని ఉంటే అన్ని సార్లు వారు పెళ్లి చేసుకుంటారని అర్థం. అలాగే పెళ్లి రేఖ చాలా విషయాలను తెలుపుతుంది.

అన్నింటినీ వివరిస్తుంది

వివాహబంధంలో ఏర్పడే సమస్యలు గురించి, దాంపత్యం ఎలా ఉండనుందనే విషయాలను కూడా పెళ్లి రేఖ వివరిస్తుంది. మరి చేతిలోని పెళ్లి రేఖలు ఎక్కడుంటాయి. వాటిని ఎలా గుర్తు పట్టాలనేదే కదా మీ డౌట్. మరి ఎందుకాలస్యం. చదవండి మరి. చిటెకెన వేలు కింద వివాహ రేఖ ఉంటుంది. అయితే ఇది ఒక్కొక్కకరికి ఒక్కో రకంగా ఉంటుంది.

రేఖ మధ్యలో గ్యాప్ వస్తే

కొందరికి ఈ వివాహ రేఖ మధ్యలో కాస్త గ్యాప్ వస్తుంది. రేఖ మొత్తం నిటారుగా ఉండకుండా మధ్యమధ్యలో విడిపోతూ ఉంటుంది. మీ రేఖ కూడా అలా ఉంటే మీ వివాహ బంధం అంత గట్టిగా ఉండదని అర్థం. అలాంటి వారు పెళ్లయిన తర్వాత విడాకులు తీసుకునే అవకాశం ఉంటుంది.

అంతేకాదు ఈ రేఖ మధ్యలో ఎన్ని సార్లు గ్యాప్ వస్తే అన్ని సార్లు అతను పెళ్లిళ్లు చేసుకునే అవకాశం ఉంది.

రెండు రేఖలు

కొందరికి పెళ్లి రేఖ రెండు ఉంటాయి. ఆ రెండు కూడా సమాంతరంగా ఉంటాయి. ఇలాంటి వాళ్లు రెండు పెళ్లిళ్లు చేసుకుంటారని అర్థం. చిటికెన వేలు కింద ఇలాంటి రెండు రేఖలున్న వారు జీవితంలో రెండు పెళ్లిళ్లు చేసుకునే అవకాశం ఉంటుంది. అంతేకాదు మొదటి పెళ్లి అయిన తర్వాత ఒక ప్రాంతంలో, రెండో పెళ్లి అయిన తర్వాత మరొక ప్రాంతంలో నివసించే అవకాశం ఉంటుంది.

ఒకటి చిన్నగా, మరొకటి పెద్దగా

చిటికెన వేలు కింద కొందరికి ఒక చిన్న రేఖ, దాని కింద మరో పెద్ద రేఖ ఉంటుంది. ఇలాంటి రెండు రేఖలు కలిగిన వారు ట్రైయాంగిల్ ప్రేమను కలిగి ఉంటారు. లేదంటే వివాహేతర సంబంధాలను కలిగి ఉంటారు.

భార్య లేదంటే భర్తతో కాకుండా మరొకరితో సంబంధం కలిగి ఉన్నట్లు ఈ రెండు రేఖలు సూచిస్తాయి. భార్యను కాకుండా మరో అమ్మాయిని మెయింటెన్ చేసే వాళ్లకు ఇలాంటి రేఖ ఉంటుంది.

జీవన రేఖకు తగులుతూ

ఇక కొందరికి జీవనరేఖ అంటే హృదయ రేఖ దగ్గరగా పెళ్లి రేఖ ఉంటుది. ఇలాంటి వారు వైవాహిక జీవితంలో అంత సంతోషంగా ఉండరు. జీవనరేఖను టచ్ చేస్తూ పెళ్లి రేఖ ఉంటే అలాంటి వారి వైవాహిక బంధంలో కష్టాలుంటాయి.

నాలుగు చిన్నచిన్న రేఖలు

కొందరికి చిటికెన వేలు కింద నాలుగు చిన్నచిన్న రేఖలుంటాయి. వీటిన్నంటినీ కూడా పెళ్లి రేఖలే అంటారు. అయితే అలాంటి వారికి నాలుగు సార్లు లేదంటే అంతకంటే ఎక్కువసార్లు పెళ్లిళ్లు అయ్యే అవకాశం ఉంది. అంతేకాదు ఇలాంటి రేఖలన్నా అబ్బాయిలు అందంగా కనపడే ప్రతి అమ్మాయి తన సొంతం కావాలని కోరుకుంటాడు.

అలాగే ఇలాంటి రేఖలున్న అమ్మాయిలు కూడా చాలమంది పొందుకోరుతారు. నాలుగు చిన్న చిన్న రేఖలు మీ చేతిలో ఉంటే మాత్రం మీకు కచ్చితంగా చాలాసార్లు పెళ్లిళ్లు అయ్యే అవకాశం ఉంది.