25 ఏళ్లుగా మేకప్ తీయకుండా పడుకుంటున్న మహిళ, కొన్నాళ్లు అయింటే అంధురాలైపోయేది

కనురెప్పల కింద మొత్తం నల్లగా

25 ఏళ్లుగా ఆమె కళ్లకు సంబంధించిన మేకప్ ను (కళ్లకు వేసుకునే మస్కారా)తొలగించుకోకపోవడంతో ఆమె కనురెప్పల కింద మొత్తం నల్లగా మారిపోయింది. మేకప్ కు సంబంధించిన రసాయనాలన్నీ అక్కడే కూరుకుపోయాయి. అప్పడప్పుడు ఆమె కంట్లో నుంచి నల్లటి పదార్థం కారేది. ఆ విషయాన్ని థెరిస్సా ఇంట్లో పని చేసే ఆమె గ్రహించింది. అమ్మగారూ.. మీ కంట్లో నుంచి ఎప్పుడూ ఏదో నల్లగా కారుతూ ఉంటుందని చెప్పినా.. థెరిసా పని మనిషి మాటలు పట్టించుకోలేదు.

కంటిలోని వ్యర్థాలను మొత్తం తొలగించారు

అయితే థెరిసా కాస్త ఆలస్యంగానైనా కంటి డాక్టర్ ని కలవడంతో ఆ డాక్టర్ ఆమెకు అన్ని వివరాలు వివరించారు. తర్వాత చికిత్స చేసి కంటిలోని వ్యర్థాలను మొత్తం తొలగించారు. థెరిస్సా ఇంకాస్త లేట్ గా వైద్యున్ని సంప్రదించి ఉంటే ఆమె పూర్తిగా కంటి చూపు కోల్పొయేది. అంధురాలుగా మారేది.

సోషల్ మీడియాలో పెట్టారు

అయితే థెరిసాతో పాటు ఆమె డాక్టర్ ఈ కేసుకు సంబంధించిన విషయాల్ని, ఫొటోలను సోషల్ మీడియాలో పెట్టాలనుకున్నారు. తర్వాత అన్ని విషయాల్ని పోస్ట్ చేశారు. ఎందుకంటే చాలా మంది అమ్మాయిలు మేకప్ వేసుకునేటప్పుడు గంటల తరబడి వేసుకుంటారు కానీ దాన్ని తీసివేయాలంటే తెగ ప్రయాసపడతారు. బద్దకంతో మేకప్ తీసివేయరు. దీంతో చాలా రకాల వ్యాధులబారిన పడతారు.

తొలగించుకోకుండానే

"నాలాగా ఎవ్వరూ కూడా మేకప్ తొలగించుకోవడానికి బద్దగించకండి. ఇది ప్రాణాలకు సంబంధించిన సమస్య. దీన్ని చిన్నగా చూడకండి. నేను 25 ఏళ్లుగా నా కళ్లకు వేసుకునే మేకప్ ను తొలగించుకోకుండానే రోజూ పడుకునేదాన్ని. "

అలా చేయకండి

"నా కళ్ల దగ్గర మస్కారా అలాగే నిలిచిపోయింది. దీంతో చూపు కూడా కోల్పొయే పరిస్థితికి చేరుకున్నా. మీరు మాత్రం రోజూ పడుకునే ముందు మేకప్ మొత్తాన్ని తొలగించుకోండి. " అంటూ థెరిస్సా ఈ కాలం అమ్మాయిలకు సలహా ఇచ్చింది.