Women's day 2023: స్త్రీల దైనందిన జీవితాలను తెలిపే యానిమేటెడ్ గూగుల్ డూడుల్ ను మీరూ చూడండి...

ఎవరు రూపొందించారంటే?

మార్చి 8వ తేదీ అంతర్జాతీయ మహిళా దినోత్సవాన్ని పురస్కరించుకుని ప్రముఖ సెర్చ్ ఇంజిన్ గూగుల్ మహిళలకు సంబంధించిన ప్రత్యేకమైన యానిమేటెడ్ గూగుల్ డూడుల్ తో శుభాకాంక్షలు తెలిపింది. ఈ ప్రత్యేక డూడుల్ ను ఆర్ట్ డైరెక్టర్ థోకా మేర్ రూపొందించారు.

గౌరవ నివాళులు..

ఉమెన్స్ డే సందర్భంగా ప్రత్యేకంగా ఓ యానిమేషన్ డూడుల్ ను రూపొందించి.. ప్రపంచ వ్యాప్తంగా మహిళలంతా ఏయే రంగాల్లో రాణిస్తున్నారో.. వాటి చరిత్ర గురించి తెలియజేస్తూ, సినిమా, విద్యా, వైద్యం, సంగీతం, డైరెక్షన్, సైన్స్, క్రీడా, ట్రెక్కింగ్, శాస్త్రవేత్తలు, రచయితలు, మెకానిక్, టైలరింగ్, నర్సరీ, కళా రంగాలతో పాటు అనేక చిత్రాలను జోడించి ప్రపంచ వ్యాప్తంగా ఉన్న ప్రస్తుత తరం మహిళలకు మార్గం సుగమం చేయడం ద్వారా గౌరవ నివాళులర్పించింది.

శక్తివంతమైన మహిళల కోసం..

నేటి గూగుల్ డూడుల్ ప్రపంచవ్యాప్తంగా ఉన్న మహిళలందరికీ, వారు కోరుకునే శాశ్వత వారసత్వాన్ని క్రియేట్ చేయడానికి, వారికి ఎదురయ్యే సమస్యలను అధిగమించి, సఫ్రాజిస్టులు, విద్యావేత్తలు, గోల్డ్ మెడల్ విన్నర్స్, డాక్టర్లు, నర్సులు, వ్యాపారవేత్తలు, మెకానిక్స్, ఇతర వ్యవస్థాపకులు ఎందరో ఈ డూడుల్ లో ఉన్నారు. ఈ యానిమేటెడ్ డూడుల్ మహిళల పోరాట చరిత్రకు న్యాయం చేయలేదు. కానీ ఇది చాలా శక్తివంతమైనదని చెప్పడంలో ఎలాంటి అతిశయోక్తి లేదు.

21వ శతాబ్దంలో..

అంతర్జాతీయ మహిళా దినోత్సవాన్ని ప్రపంచవ్యాప్తంగా వివిధ రకాలుగా జరుపుకుంటారు. చాలా దేశాల్లో మహిళా దినోత్సవం రోజున సెలవు దినంగా పరిగణిస్తారు. 2023 అంతర్జాతీయ మహిళా దినోత్సవం యొక్క థీమ్ ‘‘స్థిరమైన రేపటి కోసం ఈరోజు లింగ సమానత్వం''. ‘‘వాతావరణ మార్పు మరియు పర్యావరణ మరియు విపత్తు ప్రమాదాల తగ్గింపు నేపథ్యంలో 2023వ సంవత్సరం లింగ సమానత్వాన్ని సాధించడానికి కీలకమైనది, 21వ శతాబ్దంలో అతి పెద్ద ప్రపంచ సవాళ్లలో కొన్ని.

స్థిరమైన భవిష్యత్తు కోసం..

ఈ కాలంలో లింగ సమానత్వం లేకుండా, స్థిరమైన భవిష్యత్తు మరియు సమానమైన భవిష్యత్తు మన పరిధికి మించినది. ఈ ఏడాది IWD ఆచారం అనేది వాతావరణ మార్పుల అనుసరణ మరియు ప్రతిస్పందనపై నాయకత్వం వహిస్తున్న మహిళలు మరియు బాలికలను గుర్తించడం, వారి స్థిరమైన భవిష్యత్తు కోసం వారి నాయకత్వం మరియు సహకారాన్ని గౌరవించడం '' అని UN ఉమెన్ ఒక ప్రకటనలో పేర్కొన్నారు.