International Day of Happiness 2022: సంతోషమే సగం బలం.. ఆందోళనలను అధిగమిద్దాం..

సంతోషం ప్రాముఖ్యత..

సంతోషంగా ఉండాలని ప్రతి ఒక్కరూ కోరుకుంటారు. ఒక్కొక్కరు ఒక్కో విషయంలో ఆనందాన్ని వెతుక్కుంటారు. అందరూ ఆనందంగా గడపాలని ఐక్యరాజ్య సమితి(UNO) భావించింది. సంతోషం ప్రాముఖ్యతను యావత్ ప్రపంచానికి తెలియజేస్తూ.. ప్రతి ఏటా మార్చి 20వ తేదీన ‘అంతర్జాతీయ సంతోష దినోత్సవం'గా జరుపుకోవాలని నిర్ణయించింది.

సంతోష దినోత్సవం..

యావత్ ప్రపంచంలో ఉన్న అతి పెద్ద సమస్యలు ఆకలి, చదువు లేకపోవడం, అవగాహన లేకపోవడం, మానవ హక్కుల ఉల్లంఘన వంటివి అంతం చేయడానికి ప్రతి సంవత్సరం అంతర్జాతీయ సంతోష దినోత్సవాన్ని జరుపుకుంటారు.

ఎప్పటి నుంచి..

ఈ సంతోష దినోత్సవ తీర్మానానికి 2012 జులై 21వ తేదీన ఆమోదం లభించింది. ఈ తీర్మానాన్ని తొలిసారిగా భూటాన్ ప్రతిపాదించడం విశేషం. అనంతరం 2013వ సంవత్సరం నుండి ఐక్యరాజ్య సమితి ఆనందం ప్రాముఖ్యతను తెలియజేశారు. జాతీయ ఆదాయం కంటే జాతీయ ఆనందం ముఖ్యమని భూటాన్ ప్రతిపాదించడం విశేషం. దీంతో సంతోషం యొక్క ప్రాధాన్యత ఒక్కసారిగా వెలుగులోకి వచ్చింది.

2022 హ్యాపీనెస్ థీమ్..

హ్యాపీనెస్ డే 2022 యొక్క థీమ్ ‘ప్రశాంతంగా ఉండండి.. తెలివిగా జీవించండి.. మరియు దయతో ఉండండి'. ‘అంతర్జాతీయ సంతోష దినోత్సవం' సందర్భంగా.. సద్గురు చెప్పిన కొన్ని సూక్తులను పాటించండి.

* మీరు హ్యాపీగా ఉంటే, సంత్రుప్తి కోసం వెతకరు.

* మీకు ఈ ప్రపంచం పట్ల ఏ మాత్రం బాధ్యత ఉన్నా.. మీరు చేయాల్సిన మొట్టమొదటి పని మిమ్మల్ని మీరు హ్యాపీగా గడిపేలా చేసుకోవడం.

* మనలో చాలా మంది హ్యాపీగా ఉండకపోవడానికి ప్రధాన కారణం, దానికి కావాల్సిన పరిజ్ణానం వారి వద్ద లేకపోవడమే.

* పరిజ్ఞానం పొందాలి, సంతోషంగా ఉండాలి. అది నేర్చుకోవాలి.