ప్రపంచంలోనే అత్యంత ఖరీదైన వంట.. తింటే ఎన్ని లాభాలో తెలుసా?

ప్రపంచంలోనే అత్యంత ఖరీదైన వంటగా అల్మాస్ కేవియర్ అనే వంటకం నిలిచింది. ఈ వంటకం ధర సుమారు రూ.28 లక్షలకు పైమాటే. బంగారం కంటే 50 రెట్లు ఎక్కువ ధర ఉండే ఈ వంటకంలో ప్రత్యేకత ఏమిటి? దీనిని దేనితో తయారు చేస్తారు? ఈ ఆహారాన్ని తినడం వల్ల కలిగే ప్రయోజనాల గురించి సవివరంగా తెలుసుకుందాం.

అల్మాస్ కేవియర్ అంటే ఏమిటి?

కేవియర్ అంటే చేప గుడ్లు అందులో ప్రత్యేకత ఏముంది అని అనుకుంటున్నారా? అయితే ఇవి సాదా సీదా చేపల నుంచి వచ్చే గుడ్లు కాదు. స్టర్జన్ చేపల అండాశయాలలో కనిపించే గుడ్లు. నిజం చెప్పాలంటే అన్ని చేపల్లో కనిపించే గుడ్లను కేవియర్ అనరు.. కేవలం స్టర్జన్ చేప గుడ్లను మాత్రమే కేవియర్ అంటారు. ఈ కేవియర్ లో నాలుగు రకాలు ఉంటాయి. వాటిని అల్మాస్ కేవియర్, బెలూగా కేవియర్, ఎసియేటర్ కేవియర్, సెవ్రుగ కేవియర్ అని పిలుస్తారు. ప్రతి ఒక్కటికీ భిన్నమైన రుచి, భిన్నమైన రంగు ఉంటుంది. వీటిలో అల్మాస్ కేవియర్ ధర అత్యధికంగా రూ.28.74లక్షలు ఉంటుంది.

ఎందుకంత ధర?:

అల్మాస్ కేవియర్ ఇరానియన్ బెలూగా స్టర్జన్ నుంచి లభిస్తుంది. ఈ చేప అత్యంత పురాతనమైనది, అరుదైనది కూడా. ఇరాన్ సమీపంలోని కాస్పియన్ సముద్రంలో దీనిని కనుగొన్నారు. ఈ అల్మాస్ కేవియర్ ఉప్పగా, వగరుగా, ముత్యపు తెలుపు రంగులో ఉంటుంది. ఇందులో విటమిన్ సీ, ఈ, ఏలు పుష్కలంగా ఉంటాయి. ఇవి రోగ నిరోధక శక్తిని పెంచుతాయి. అలాగే అనేక రకాల రోగాలను మాయం చేసే శక్తి ఈ అల్మాస్ కేవియర్ లో ఉంటుంది.

అల్మాస్ కేవియర్ లాభాలు:

అల్మాస్ కేవియర్ లో పలు రకాల విటమిన్స్ తో పాటు. ఒమేగా-3 ఫ్యాటీ యాసిడ్స్ పుష్కలంగా ఉంటుంది. ఇది జ్ఞాపకశక్తిని పెంపొందిస్తాయి. ఇది యాంటీ ఏజింగ్ లక్షణాలను కలిగి ఉండడంతో చర్మాన్ని చాలాకాలం పాటు యవ్వనంగా, ఆరోగ్యంగా ఉంచుతుంది. అలాగే మహిళలకు గర్భ ధారణ సమయంలో చాలా ఉపయోగకరంగా ఉంటాయి.