ఒక్క గులాబీ పువ్వు ధర రూ.90కోట్లు.. దీని ప్రత్యేకతలు తెలిస్తే షాక్ అవ్వాల్సిందే!

ఫిబ్రవరి నెలను ప్రేమికుల నెలగా పిలుచుకుంటూ ఉంటారు. ఈ నెలలో ఎక్కువగా ప్రేమకు సంబంధించిన కార్యక్రమాలన్నీ జరుగుతాయి. ఫిబ్రవరి 7వ తేదీ నుంచి 14వ తేదీ వరకు వివిధ రకాల ప్రేలతో ప్రేమికులు తమ ప్రేమను సెలెబ్రేట్ చేసుకుంటారు. అయితే ఈ ప్రేమలో.. ప్రేమికులు తమ ప్రేమను వ్యక్తపరచడానికి ఎక్కువగా గులాబీ పూలను ఎంచుకుంటారు.

అలాంటి గులాబీ పూల ఖరీదు సాధారణ రోజుల్లో 20 నుంచి 30 వరకు ఉంటే.. అదే ఫిబ్రవరిలో వందల్లో ఉంటుంది. అయినప్పటికీ ప్రేమికులు వాటిని కొంటూ ఉంటారు. ఇప్పటి వరకు మీరు మీ ప్రేయసి కోసం వేలల్లో ఖర్చుపెట్టి గులాబీ కొని ఉంటారు. కానీ ప్రపంచంలోనే అత్యంత ఖరీదైన గులాబీ ఏమిటో మీకు తెలుసా? దాన్ని ఏమని పిలుస్తారు, ఎంత ఖర్చవుతుందో మీకు తెలుసా? ఈ గులాబీ ధరకు మీరు ఒక విలాసవంతమైన భవనాన్ని కొనుగోలు చేయవచ్చు. ఈ గులాబీ ఎందుకు అంత ధర? దాని లక్షణాలు ఏమిటో మీరు ఈ పోస్ట్‌లో తెలుసుకుందాం.

ప్రపంచంలో అత్యంత ఖరీదైన గులాబీ

ప్రపంచంలోనే అత్యంత ఖరీదైన గులాబీ జూలియట్ గులాబీ. సాధారణ గులాబీల మాదిరిగా కాకుండా, దీనిని పెంచడం అంత సులభం కాదు. దీనిని పెంచాలంటే ప్రత్యేక శ్రద్ధ అవసరం. ఈ అరుదైన, సొగసైన పువ్వును ప్రఖ్యాత పూల వ్యాపారి డేవిడ్ ఆస్టిన్ సృష్టించాడు. అతను దాదాపు 15 సంవత్సరాలుగా వివిధ రకాలను పూలను అభివృద్ధి చేస్తున్నాడు. నేరేడు పండు రంగులో ఉండే ఈ జూలియట్ గులాబీ చాలా ప్రసిద్ధి చెందింది. ఇది 2006లో 10 మిలియన్ పౌండ్లకు (భారతీయ కరెన్సీలో రూ. 90 కోట్లు) అమ్ముడైంది. దీంతో చరిత్రలో ఇప్పటివరకు అమ్ముడైన అత్యంత ఖరీదైన గులాబీగా ఇది నిలిచింది.

జూలియట్ గులాబీ యొక్క లక్షణాలు

జూలియట్ రోజ్ అత్యంత ఖరీదైన గులాబీ మాత్రమే కాదు, ప్రపంచంలోని అత్యంత అందమైన గులాబీలలో ఒకటి కూడా. ఇతర గులాబీలకు లేని ప్రత్యేకమైన సువాసన దీనికి ఉంటుంది. నేడు, ఇది ప్రపంచంలోనే అత్యంత ఖరీదైన గులాబీగా మిగిలిపోయింది. దీని విలువ దాదాపు 15.8 మిలియన్ US డాలర్లు. ఇది కనీసం మూడు సంవత్సరాలు వాడిపోకుండా లేదా ఎండిపోకుండా తాజాగా ఉంటుంది. అలాగే ప్రపంచంలో జూలియట్ గులాబీ మాత్రమే కాకుండా.. మరొక అరుదైన ఖరీదైన పువ్వు ఉంది. అదే గడుబుల్ పువ్వు. శ్రీలంకలో మాత్రమే కనిపించే ఈ మాయా పువ్వు రాత్రిపూట మాత్రమే వికసిస్తుంది.