ప్లెయిన్ చీరలను గ్రాండ్‌ గా మార్చే 5 బ్లౌజ్ డిజైన్లు..అందరి కళ్లు మీ మీదనే!

ఏదైనా పార్టీలు, పండుగలు,ప్రత్యేక సందర్భాల్లో మహిళల మనస్సు సంప్రదాయ వస్త్రాల చుట్టూ తిరుగుతుంది. చీరకట్టులో మెరిసిపోవాలని ప్రతి ఒక్కరూ ఆరాటపడతారు. అయితే సాధారణ చీరకు(plain saree)కూడా ఒక సరికొత్త శోభను, రాజసాన్ని తీసుకురావాలంటే దానికి జతగా ఒక అద్భుతమైన హెవీ వర్క్ బ్లౌజ్‌ను ఎంచుకోవాలి. విలువైన వస్త్రాలపై జరీ, స్టోన్‌ వర్క్, సీక్విన్స్, ముత్యాలు, జర్దోసీ, మిర్రర్ వర్క్ వంటి క్లిష్టమైన ఎంబ్రాయిడరీతో నిండిన బ్లౌజ్‌ లనే హెవీ వర్క్ బ్లౌజ్‌ లు అని అంటారు. ఇవి మీ సాధారణ చీరకట్టును సైతం ఒక్కసారిగా గ్రాండ్‌ గా మార్చేస్తాయి. మీ ప్లెయిన్ చీరలతో జత చేయడానికి 5 అద్భుతమైన హెవీ బ్లౌజ్ డిజైన్లు ఇక్కడ చూడండి.

హెవీ మగ్గం వర్క్ బ్లౌజ్ డిజైన్
మగ్గం వర్క్ అనేది పూసలు, రాళ్లు, జరీలను ఉపయోగించి చేతితో చేసే ఒక సున్నితమైన ఎంబ్రాయిడరీ. పండుగలు,పంక్షన్లలో సంపూర్ణమైన రాజసం కావాలనుకుంటే హై నెక్లైన్‌ తో ఫుల్ స్లీవ్స్ లేదా మోచేతుల వరకు స్లీవ్స్ ఉన్న బ్లౌజ్‌ పై బంగారు రంగు మగ్గం వర్క్‌ ను ఎంచుకోండి. ఈ బ్లౌజ్‌ ను ప్లెయిన్ కంచిపట్టు లేదా బెనారసీ చీరతో జత చేస్తే మీ అందం రెట్టింపు అవడం ఖాయం.

జర్దోసీ వర్క్‌ తో బ్యాక్ ‌లెస్ నెట్ బ్లౌజ్

జర్దోసీ అనేది లోహపు దారాలతో చేసే ఒక అద్భుతమైన ఎంబ్రాయిడరీ కళ. ఇది బ్లౌజ్‌ కు సంప్రదాయబద్ధమైన, వైభోగమైన రూపాన్ని ఇస్తుంది. ముందువైపు హై నెక్ డిజైన్‌ తో, వెనుకవైపు నెట్ డిజైన్‌ తో బ్యాక్‌ లెస్‌ గా ఉండే బ్లౌజ్‌ పై జర్దోసీ వర్క్‌ చేయిస్తే చాలా రాయల్‌ గా ఉంటుంది. ఈ బ్లౌజ్ ఎలాంటి ప్లెయిన్ సిల్క్ లేదా డిజైనర్ శారీకైనా తక్షణమే కొత్త కళను తెస్తుంది.

స్లీవ్స్‌ మీద స్టోన్‌ వర్క్ బ్లౌజ్

చేతులపై అందమైన రాళ్ల అలంకరణతో వచ్చే ఈ బ్లౌజ్‌ లు ప్రస్తుతం ట్రెండ్‌ లో ఉన్నాయి. స్వీట్‌ హార్ట్ నెక్లైన్‌ తో, మోచేతుల వరకు ఉండే స్లీవ్స్‌ పై.. క్రిస్టల్స్, ముత్యాలు, కుందన్ రాళ్లతో నింపిన డిజైన్‌ ను ఎంచుకోండి. ముదురు ఊదా లేదా గులాబీ రంగు బ్లౌజ్‌ కు పూర్తి భిన్నమైన రంగులో ఉన్న ప్లెయిన్ శారీని జత చేస్తే బ్లౌజ్‌ లోని వర్క్ మరింత అందంగా కనిపిస్తుంది. ఇది పార్టీల సమయంలో ప్రత్యేకమైన ఆకర్షణను అందిస్తుంది.

వెల్వెట్ ఫ్యాబ్రిక్‌ తో మెరుపులు

వెల్వెట్ వస్త్రం దాని సహజమైన మెరుపుతో లగ్జరీ ఫీల్ ఇస్తుంది. ఈ ఫ్యాబ్రిక్‌ పై బంగారం, వెండి దారాలతో చేసిన హెవీ ఎంబ్రాయిడరీ వర్క్ మిమ్మల్ని ఒక మహారాణిలా చూపిస్తుంది. డీప్ స్వీట్‌ హార్ట్ నెక్లైన్‌ తో, మోచేతుల వరకు స్లీవ్స్‌ ఉన్న వెల్వెట్ బ్లౌజ్‌ ను.. ప్లెయిన్ షిఫాన్, జార్జెట్ లేదా సిల్క్ చీరలతో జత చేస్తే మీ లుక్ ఎంతో గ్రాండ్‌ గా, బోల్డ్‌ గా కనిపిస్తుంది.

బోల్డ్ నెక్లైన్‌ తో మిర్రర్ వర్క్
రాజస్థానీ హస్తకళ నుండి స్ఫూర్తి పొందిన మిర్రర్ వర్క్ బ్లౌజ్‌ లు మీ రూపాన్ని ఉల్లాసంగా, సంప్రదాయబద్ధంగా మారుస్తాయి. ముఖ్యంగా షిఫాన్, జార్జెట్ వంటి మృదువైన చీరలతో ఇవి అద్భుతంగా కనిపిస్తాయి. బాలీవుడ్ నటీమణుల నుండి స్ఫూర్తి పొంది, స్లీవ్‌ లెస్ బ్లౌజ్‌ కు బోల్డ్ స్వీట్‌ హార్ట్, స్క్వేర్ లేదా వి నెక్లైన్ ఎంచుకుంటే ఆధునికంగా, ఆకర్షణీయంగా కనిపిస్తారు.