పెళ్లి కావాలంటే.. అమ్మాయికి ఈ లక్షణాలు ఉండాల్సిందేనా ?

కలర్

కలర్. ఇది ముందుగా ప్రతి ఒక్క అబ్బాయి చూసే ఫస్ట్ క్వాలిటీ. అమ్మాయి చూడ్డానికి తెల్లగా.. అందంగా ఉందా ఓకే. . లేదంటే.. రిజెక్టెడ్ అంటున్నారు.

కట్నకానుకలు

కట్నం ఎక్కువ తీసుకొస్తే.. ఎక్కువ మర్యాద ఉంటుంది ఇది ఇండియన్స్ పాలసీ. కొన్ని కుటుంబాల్లో ఇలాంటి ఆలోచనలే రాజ్యమేలుతున్నాయి. తక్కువ కట్నకానుకలు తెచ్చే అమ్మాయిలను చులకనగా చూసే కుటుంబాలూ లేకపోలేదు.

చపాతీల ఆకారం

చపాతీలు, రోటీలు చేయడం వస్తే చాలదు. అవి పక్కాగా సరైన ఆకారంలో గుండ్రంగా ఉండాల్సిందే. గుండ్రంగా.. ఆకర్షణీయంగా లేకపోతే.. ఆమెకు వంట రాదని.. డిసైడ్ చేసేస్తారు.

ఇంటి పని

చక్కగా ఇంటి పని చేసుకుంటే.. ఆమెను భారతీయ స్త్రీగా భావిస్తారు. ఇల్లంతా క్లీన్ గా ఉండాలి.. టైంకి చక్కగా వండిపెట్టాలి. అప్పుడే ఆమెకు విలువ.

మేల్ బాండింగ్

ఈ విషయంలో ప్రతి అమ్మాయికి కోపం కట్టలుతెంచుకోవాల్సిందే. ఎందుకంటే అమ్మాయిలకు అక్కాచెల్లెల్లు ఎంతమందైనా ఉండవచ్చు కానీ.. అన్నదమ్ములు మాత్రం ఎక్కువ ఉండకూడదనే దోరణిలో ఆలోచిస్తున్నారు అబ్బాయిలు. ఇలాంటి అమ్మాయిలనే పెళ్లిచేసుకోవడానికి మొగ్గుచూపుతున్నారు.

శరీరాకృతి

భారతీయ స్త్రీల శరీరాకృతి మాత్రం పర్ ఫెక్ట్ గా ఉండాలి. ఒకవేళ ఆమె కాస్త బొద్దుగా.. ఉంటే.. ఇక ఆమెకు ఎలాంటి సంబంధాలు రావు.

చదువు

ప్రస్తుతం అమ్మాయిలు, అబ్బాయిలు అని తేడా లేకుండా.. అన్ని రంగాల్లో దూసుకుపోతున్నారు. కానీ.. కొన్ని ప్రాంతాల్లో మాత్రం ఈ విషయంలో తేడా ఉంది. అమ్మాయిల క్వాలిఫికేషన్ తక్కువగా ఉంటే.. వరుడిని వెతకడం ఈజీ అని భావిస్తారు. అందుకే అమ్మాయిలకు కొంతవరకే చదువు అని పరిమితులు విధిస్తున్నారు.

ఎత్తు విషయంలో

భర్త కంటే.. భార్య ఎత్తు తక్కువగా ఉండాలి. ఆమె ఖచ్చితంగా.. 4 నుంచి 5 ఇంచులు పొట్టిగా ఉండాల్సిందే. లేదంటే డామినేట్ చేస్తుందని.. అబ్బాయిలు భావిస్తారు. అందుకే తమకంటే.. భార్య ఎప్పుడూ పొట్టిగా ఉండాల్సిందే.