గోల్డ్ (బంగారం) గురించి మీకు తెలియని కొన్ని ఇంట్రెస్టింగ్ ఫ్యాక్ట్స్ ..!!

Published: Thursday, July 14, 2016, 8:33 [IST]

బంగారం ఈ పేరు వినగానే ఆడవారి కళ్ళల్లో చెప్పలేని ఆనందం.. చివరకు జీవిత భాగస్వామిని కూడా వారు బంగారంతో పోల్చుకుంటారు.. రోజు రోజుకి తన విలువని పెంచుకుంటూ పోతున్నా బంగారం అంటే మనిషులకి ఎక్కడలేని ప్రేమ. ?అందుకే సంపాదించిన డబ్బుతో ఎక్కువగా బంగారాన్నే కొంటుంటారు. ఎవరినైనా గొప్పవారిగి చెప్పాలి అనుకున్నప్పుడు ''బంగారం లాంటి మనిషి'' అంటుంటారు.

ఆడవారికి , బంగారానికి ఉన్న సంబంధం గురించి వేరే చెప్పాల్సిన అవసరం లేదు. ఇంతగా మన జీవితంలో పెన వేసుకున్న బంగారం గురించి అంత క్రేజ్‌ ఉంది బంగారానికి.. అయితే ఈ బంగారానికి సంబంధించి కొన్ని ఆసక్తికరమైన విశేషాలు మీకు తెలియజేస్తున్నాం..

బంగారాన్ని తిన వచ్చని మీకు తెలుసా..

బంగారానికి సంబంధించిన నిజాలలో ఇది చాలా వింత అయిన నిజం. బంగారం తినదగిన పదార్ధం. ప్రపంచం నలుమూలలో ఉన్న విలాసవంతమైన రెస్టారెంట్లు కంటికి ఇంపుగా ఉండటం కోసం బంగారపు రేకులు వేసి రుచి కరమైన పదార్ధాలని తయారు చేస్తాయి.

ఆర్ఠరైటిస్ ట్రీట్‌మెంట్

రుమటాయిడ్ ఆర్ధరైటిస్ తో బాధపడే వారికి రసాయినిక క్రియ ద్వారా బంగారాన్ని ద్రవ రూపం లోకి మార్చి నరాల్లోకి ఎక్కిస్తారు.ఇలా చేయడం వల్ల రోగం తగ్గే అవకాశం దాదాపు 70 శాతం ఉంది.

చాలా అరుదుగా దొరికే లోహం..

భూమి మీద అత్యంత అరుదుగా లభించే లోహాలలో బంగారం ఒకటి అని తెలుసుకోండి. ఎందుకంటే వజ్రాన్ని కనుగొనడం కంటే ఒక ఔన్సు బంగారాన్ని కనిపెట్టడం కష్టం.

బరువైన లోహం..

ఒక క్యూబిక్‌ అడుగు బంగారం సగం టన్ను బరువుతో సమానం. ప్రపంచంలో దొరికిన అతి పెద్ద బంగారు కడ్డీ దాదాపు 250 కేజీలు ఉంది.

బంగారం కరుగుతుంది..

మీరు నిత్యం ఆభరణాలు ధరిస్తుంటే సంవత్సరానికి 6 మిల్లీ గ్రాములు కరిగిపోతుందని మీకు తెలుసా..

సముద్ర గర్భం లో లభ్యమవుతుంది:

ఒక క్యూబిక్‌ మైలు మహాసముద్రంలో 25 టన్నుల బంగారం ఉంటుంది.. భూమి మీద ఉన్న అన్ని మహా సాగరాలలో దాదాపు బిలియన్‌ టన్నుల బంగారం ఉంటుంది. కానీ సముద్ర గర్భంలోకి ప్రవేశించడం అత్యంత క్లిష్టమైనది.

కేవలం 20 శాతం మాత్రమే ఉపయోగిస్తున్నారని

ప్రపంచం లోని ప్రజలందరూ మనకి లభ్యమయ్యే బంగారంలో కేవలం 20 శాతం మాత్రమే ఉపయోగిస్తున్నారని తెలుసా.. మిగతా 80 శాతం భూమి పొరల్లో కప్పబడి వెలికితీయడానికి అసాధ్యంగా ఉంది.