అదృష్టం పొందాలంటే.. పర్స్ లో కంపల్సరీ ఉండాల్సిన వస్తువులు..!!

బ్యాగ్ శుభ్రంగా

చాక్లెట్ పేపర్స్, పాత బిల్లులు, అవసరం లేని పేపర్లు పర్సులో ఉండకూడదు. వీటన్నింటినీ తొలగించి.. పర్సు శుభ్రంగా ఉండేలా జాగ్రత్త పడాలి.

డబ్బుకి గౌరవం

బ్యాగ్ లో డబ్బులను విసిరేస్తూ ఉంటారు. ముఖ్యంగా కాయిన్స్ ని ఎలా పడితే అలా వేసేస్తూ ఉంటారు. ఇది డబ్బుపై ఉన్న అగౌరవాన్ని సూచిస్తుంది. కాబట్టి.. కాయిన్స్ పెట్టుకోవడానికి ఒక చిన్న పర్స్ ని హ్యాండ్ బ్యాగ్ లో పెట్టుకోవడం మంచిది.

పర్స్ కింద పెట్టకుండా

హ్యాండ్ బ్యాగ్ ని, పర్స్ ని కింద పెట్టకుండా జాగ్రత్త పడాలి. శుభ్రమైన, మనం తొక్కని ప్రదేశాల్లో బ్యాగ్ పెట్టుకోవాలి. ముఖ్యంగా బ్యాగ్ లేదా పర్స్ ని ఎట్టిపరిస్థితుల్లో కాలితో ముట్టుకోకూడదు.

చిరిగిపోయి ఉండకూడదు

పర్స్ ఎప్పుడూ.. బాగా ఉండాలి. అది చిగిరిపోయి, పాతబడినదై ఉండకూడదు. దీనివల్ల మీకు దురదృష్టం కలుగుతుంది. కాబట్టి.. ఎప్పుడూ బ్యాగ్ శుభ్రంగా, కొత్తగా ఉండేలా జాగ్రత్త పడండి.

మీకు నప్పేదై ఉండాలి

బట్టలు, నగలు లాగే.. బ్యాగ్ కూడా.. మీకు సెట్ అయ్యేలా ఉండాలి. మరీ పెద్దదిగా, మరీ చిన్నదిగా ఉండకూడదు. మీకు అవసరమయ్యేదిలా ఉండేలా జాగ్రత్త పడండి.

తాళాల కోసం

బ్యాగ్ లో వస్తువులను అస్తవ్యస్తంగా, పద్ధతిలో లేకుండా పెట్టుకోకూడదు. కీస్ తో పాటు.. అన్నింటినీ.. ఒక క్రమ పద్ధతిలో పెట్టుకోవాలి. ముఖ్యంగా కారు తాళాలు, బైక్ తాళాలు, ఇంటి తాళాల కోసం బ్యాగ్ లో సపరెట్ అర ఉండేలా చూసుకోండి.

కలర్

మీ వ్యాలెట్ లేదా పర్స్ లేదా హ్యాండ్ బ్యాగ్ కలర్ కూడా మీ అదృష్టాన్ని నిర్ణయిస్తుంది. మంచి కలర్ సెలెక్ట్ చేసుకోవాలి. ముఖ్యంగా.. మీ ఫేవరేట్ కలర్ బ్యాగ్ అయితే.. మీకు బాగా కలిసొస్తుంది.

ఇష్టపడాలి

మీ బ్యాగ్ ని మీరు బాగా ఇస్టపడితే.. పాజిటివ్ ఎనర్జీ తీసుకొస్తుంది. కాబట్టి.. బ్యాగ్ కొనేటప్పుడు మీకు నచ్చితేనే తీసుకోవాలి. తీసుకున్న తర్వాత బాగా ఇష్టపడాలి. అప్పుడే.. మీకు అదృష్టం, సంతోషం మీ బ్యాగ్ తో పాటు, మీ వెంట ఉంటాయి.

గవ్వలు

7 పసుపు రంగులో ఉన్న గవ్వలను మీ పర్సులో పెట్టుకుంటే.. అదృష్టం మిమ్మల్ని వెతుక్కుంటూ వస్తుంది.

రావి చెట్టు ఆకు

రావి చెట్టు ఆకును మనం పవిత్రంగా భావిస్తాం, పూజిస్తాం. కాబట్టి ఈ ఆకును తీసుకుని నీటితో శుభ్రం చేసి.. దానిపై శ్రీ అని రాసి.. పర్స్ లో పెట్టుకోవాలి. ఇది నలిగిపోకుండా ఉండేలా జాగ్రత్త పడితే.. అదృష్టం మిమ్మల్ని వరిస్తుంది.

రూపాయి నోటు

రూపాయిల నోట్లు రెండింటినీ, ఒక 20 రూపాయల నోటుని తెల్లటి పర్సులో పెట్టుకోవాలి. దీన్ని ఉపయోగించరాదు. వీలైతే.. సిల్వర్ పేపర్ లో చుట్టు పెట్టుకుంటే అదృష్టవంతులవుతారు.

బియ్యం

కొన్ని బియ్యపు గింజలను పర్స్ లో పెట్టుకోవాలి. లక్ష్మీదేవి ఆలయానికి వెళ్లినప్పుడు వాటిని అమ్మవారికి సమర్పించాలి.

తామర విత్తనాలు

తామర విత్తనాలను అదృష్టంగా భావిస్తారు. కాబట్టి వీటిని మీ పర్స్ లో పెట్టుకుంటే.. దీర్ఘకాలం ఆర్థికంగా స్థిరంగా, మానసికంగా ఆరోగ్యంsగా ఉంటారు.

శ్రీయంత్రం

శ్రీయంత్రాన్ని పాకెట్ లో పెట్టుకోవడం వల్ల ఆరోగ్యంగా ఉంటారు. అదృష్టవంతులవుతారు.

గోమతి చక్రం

గోమతి చక్రాలను వ్యాలెట్ లో పెట్టుకోవడం వల్ల ఆర్థికంగా, మానసికంగా స్థిరంగా ఉంటారు. ఎప్పటికీ డబ్బులేదన్న భావన మీలో కలగదు.

విష్ణుమూర్తి ఫోటో

విష్ణుమూర్తి పాదాలు నొక్కుతున్న లక్ష్మీదేవి ఫోటోని పర్స్ లో పెట్టుకుంటే.. చాలామంచిది. ఈ ఫోటో మీకు చాలా అదృష్టాన్ని తీసుకొస్తుంది.

చిన్న కొబ్బరి

ఇంట్లో ఏదైనా ముఖ్యమైన పూజ లేదా గుళ్లో ప్రత్యేక పూజ చేయించినప్పుడు ఉపయోగించిన చిన్న కొబ్బరికాయను.. మీ బ్యాగ్ లో పెట్టుకోండి. చిన్న సైజులో ఉన్నది తీసుకుని బ్యాగ్ లో పెట్టుకోవడం వల్ల మీకు, మీ కుంటుంబానికి పాజిటివ్ ఎనర్జీ తీసుకొస్తుంది.

వైట్ స్టోన్

ఓవెల్ ఆకారంలో ఉండే.. తెల్లటి స్టోన్ ని పర్స్ లో పెట్టుకోవడం వల్ల.. సంతోషంగా ఉండటమే కాకుండా.. మీ చుట్టూ పాజిటివ్ ఎనర్జీ ప్రసరిస్తుంది.

చూశారుగా.. ఈ సింపుల్ టిప్స్ ఫాలో అయితే.. అదృష్టం మీ వెంటే ఉంటుంది.