ఇంట్లోకి పక్షి వస్తే ప్రాణగండం..!! మనుషుల్లో ఉన్న అపోహలెన్నో..

నమ్మకం 1

తెరిచి ఉన్న కిటికీలో నుంచి ఇంట్లోకి పక్షి ఎగిరితే.. అది ఇంట్లోకి దురదృష్టం తీసుకొస్తుందని అపోహ ఉంది. అంతేకాదు.. మరణానికి సంకేతమని భావిస్తారు. మరికొంతమంది.. కాకి.. ఇంట్లోకి ఏ తలుపులో నుంచి లేదా కిటికీలో నుంచి వచ్చినా ఇల్లు వదిలిపెట్టాలని నమ్ముతారు.

నమ్మకం 2

బ్రెడ్ ని కట్ చేసినప్పుడు.. అది పైది కిందకు, కిందది పైకి అంటే రివర్స్ లో బ్రెడ్ స్లైస్ పడిందంటే.. అది ప్రాణాలు కోల్పోవడానికి సంకేతమని, దుష్ట శక్తులు రావడానికి సంకేతమని చాలామంది నమ్ముతారు. మరికొంతమందైతే.. కుటుంబ పెద్ద చనిపోతారని నమ్ముతారు.

నమ్మకం 3

తేనెటీగలను దేవ దూత అని నమ్ముతారు. అందుకే.. ఇంట్లో తేనెటీగలు సెటిల్ అయితే.. కుటుంబంలో ఎవరో ఒకరి మరణానికి సంకేతమని చాలామంది అపోహ పడుతారు.

నమ్మకం 4

కొత్త ఇంట్లో చెత్తను పాత చీపురుతో ఉడిస్తే.. నెగటివిటీ తీసుకొస్తుందట. అంటే ఆ పాత చీపురులో ఉండే పాత ఇంట్లోని దుమ్ము కొత్త ఇంట్లో నెగటివ్ ఎనర్జీకి కారణమవుతుందని నమ్ముతారు.

నమ్మకం 5

అద్దం దానంతట అదే పగిలిపోతే.. ఇంట్లో ఎవరో ఒకరు చనిపోతారని నమ్మకం ఉంది. ఎందుకు మనుషులంతా ఇంత నెగటివ్ గా ఆలోచిస్తారు.

నమ్మకం 6

ఇంట్లో పగిలిపోయిన గడియారం ఉంటే.. అది కూడా.. కుటుంబంలోని ఎవరో ఒకరి మరణానికి సంకేతమని భావిస్తారు. అలాగే గడియారం ఆగిపోతే కూడా.. వార్నింగ్ సంకేతంగా భావిస్తారు.

అసలు వాస్తవాలు

ఇవన్నీ.. కేవలం అపోహలు మాత్రమే. వీటిని నమ్మకండి. ఒకసారి లాజికల్ గా ఆలోచిస్తే.. వీటిని, మన మరణానికి ఎలాంటి సంబంధం లేదు. కాబట్టి.. జీవితాన్ని హ్యాపీగా, మరణం అంటే భయం లేకుండా.. జీవించి.. ఆస్వాదించండి.