ఆహారం కాదు, నీళ్లు కాదు.. ఆ దేశానికి చెత్త కరువు వచ్చింది..!

స్వీడన్

స్కాండినేవియన్ దేశం అయిన స్వీడన్ కి చెత్త కరువు వచ్చింది. దీంతో ఇతర దేశాల నుంచి దిగుమతి చేసుకుంటోంది.

రీసైక్లింగ్

స్వీడన్ చాలా అద్భుతమైన ఉపాయం వెతుక్కుంది. దేశంలో ఎక్కడచూసినా కుప్పలుగా పేరుకుపోయే చెత్తను రీసైక్లింగ్ కి ఉపయోగిస్తుంది. దీంతో మనదేశంలో లాగే చెత్త పెరిగిపోకుండా.. కరువు రావడానికి కారణమైంది.

ట్యాక్స్

శిలాజ వనరులతో విద్యుత్ ఉత్పాదన లేకుండా స్వీడన్ ప్రభుత్వం 1991లో ఓ చట్టం తీసుకొచ్చింది. దీంతో 1991లో శిలాజ ఇంధనంపై హెవీ ట్యాక్స్ విధించిన మొదటి దేశం స్వీడన్. అప్పటినుంచి నీరు, చెత్త ద్వారానే కరెంటు ఉత్పత్తి చేస్తారు.

విద్యుత్

ఇలా ఎక్కువ ట్యాక్స్ విధిస్తుండటంతో విద్యుత్ ఉత్పత్తికి నవీకరణాలను గుర్తించే పనిలో పడింది స్వీడన్.

అద్భుతమైన ఐడియా

స్వీడన్ లో దాదాపు చాలా ప్రాంతాలకు విద్యుత్ ని రీసైక్లింగ్ ద్వారా ఉత్పత్తి చేస్తుంది. అది కూడా చెత్త ద్వారానే విద్యుత్ ఉత్పత్తి జరుగుతోంది.

1 శాతం మాత్రమే

గతేడాది ఇళ్ల నుంచి వచ్చిన మొత్తం చెత్తలో కేవలం 1 శాతం మాత్రమే డంపింగ్ యార్డులకు తరలించారు. అంటే మిగిలిన చెత్తనంతటినీ రిసైక్లింగే ఉపయోగించారన్నమాట.

ప్రైవేటు సంస్థలు

స్వీడన్ కొహెసివ్ నేషనల్ రీసైక్లింగ్ విధానాన్ని అమలు చేస్తోంది. ఇందులో భాగస్వాములుగా ఉండే ప్రైవేట్ సంస్థలు చెత్తను దిగుమతి చేసుకుని దాన్ని మండించడం ద్వారా ఉత్పత్తి అయిన వేడిని నేషనల్ హీటింగ్ నెట్‌వర్క్‌కు అనుసంధానం చేస్తాయి.

హీటింగ్ నెట్ వర్క్

చలికాలంలో చాలా తక్కువ ఉష్ణోగ్రతలు ఉంటాయి. ఆ సమయంలో ఒక్కో ఇంట్లో హీటర్లు పెట్టుకునే అవసరం లేకుండా.. నేషనల్ హీటింగ్ నెట్ వర్క్ ద్వారా హీట్ ని ప్రతి ఇంటికీ సరఫరా చేస్తారన్నమాట.

చెత్త కరువు

ఇలా రకరకాలుగా చెత్తను ఉపయోగించుకోవడంతో.. దేశంలో ఇళ్ల నుంచి వస్తున్న చెత్త ఏమాత్రం సరిపోవడం లేదట. దీంతో స్వీడన్ వాళ్లు బయటి దేశాల నుంచి చెత్త దిగుమతి చేసుకోవడానికి సిద్ధమైపోయారు.

యూరోపియన్ దేశాల నుంచి

దక్షిణ యూరప్‌లో హీటింగ్ ప్రక్రియ కోసం చెత్తను ఉపయోగించరు. యూరప్‌లో చెత్తను భూమిలో పాతిపెట్టే విధానంపై నిషేధం అమలులో ఉంది. కాబట్టి వారికి చెత్తతో పెద్దగా పని లేదు. దీంతో యూకే లాంటి దేశాల నుంచి చెత్తను దిగుమతి చేసుకుంటోంది స్వీడన్.